Takotitaunermik 2:16 - Labrador Inuttitut Heritage Bible

¹⁶ ᴋaᴋialerit! pingikuville tikisârniarpagit, sorsugiartorlugit ᴋanerma saviksoanganut.

Takotitaunermik 2:16 Iomraidhean Croise

Jesaiase 11:4

Idluartomigle aklujut erᴋartoromârpait, ajulertullo nuname idluarsaromârpait. Kanermelo oᴋausinginut nunamiut sugiaromârpait ᴋanermelo anerninganut idluitullijoᴋ toᴋolugo.

Jesaiase 49:2

Kaneralo saviksoatut ipiktotut illingatipâ, aggame tachalininganut ijertorpânga, kẽnariktomik ᴋargjungortipânga, ᴋargjoᴋautiminelo ijertorpânga.

Efêsusemiunut 6:17

Niaᴋôtiksaᴋaritselo piulijaunermik, saviksoaᴋarluselo Anernerub pinganik, tamadja Gûdib oᴋausinganik.

II Tessalônikamiunut 2:8

Idluitulijoᴋ tagva saᴋᴋeromârpoᴋ; tâmna Nâlekab nungutsomârpâ ᴋanerme anerninganut, pêrlugolo tikivingme saᴋᴋijârninganut.

Takotitaunermik 1:16

Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.

Takotitaunermik 16:9

Inuillo ônadlarput kiaksoarmut, Gûdiblo kappianartunik tamakkoninga aulatsijub atinga mitautigivât, ᴋaᴋialingilallo tâpsominga nâleklutik.

Takotitaunermik 19:15

Kaninganillo anijoᴋarpok saviksoarmik ipiktoksoarmik, nelojut unatartaujutiksanganik; mianeriniarpaillo ajaupiamut kikiangmut, tullerniarpâlo iptêjaivik Gûdib ajugaᴋangitovitôjub ilungertudlartub ningausingata vaininganik pitalik.

Takotitaunermik 19:21

Assingillo nungudlugit toᴋotauvut saviksoarmut, horseme iksivajub ᴋaninganit anijomut; tingmitjallo ilûnatik nerivut taipkoa uvininginik aᴋeartorlutik.

Takotitaunermik 2:12

Illagêt Pergamusemiut Engelingat aglagvigiuk: Ipiktomik igluktut kênalingmik saviksoalik imâk oᴋarpok:

Takotitaunermik 2:5

Erᴋailerit, sunamit katangneravit, ᴋaᴋialerillo, piniarnerit sivorlît piniarlugit. Pingikuville, tikisârniarpagit, nennergoarvît ininganit pinguvlugo nûtsomârpara, ᴋaᴋialingikuvit.

Takotitaunermik 22:20

Kigligiutsijok tamakkoninga oᴋarpok: Âhamarik, mânakasakut ᴋainiarpunga. Amen ilâ, ᴋailaurittôᴋ Nâlegak Jêsuse!

Takotitaunermik 22:7

Ahâk, mânakassâkut ᴋainiarpunga. Piloridlarpok torᴋoijok oᴋautsinik nelautaimajunik aglangne tamakkonane.

Takotitaunermik 3:19

Nagligijakka pidlarlugit ᴋaujisarpakka. Taimaimat ataruililutit ᴋaᴋialerit.