Takotitaunermik 19:6 - Labrador Inuttitut Heritage Bible

⁶ Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 19:6 Iomraidhean Croise

Hiobe 40:9

“Talleᴋarkît Gûdetut nippemullo taimailuatsiartomut Kallerungnarᴋît, sôrlo tâmna piniarmat?

Imgerut 47:2

Nâlegak ᴋotsingnerpângojok kappianadlarmat, attanersoangovlune nunaksoarmut illunânut.

Imgerut 47:7

Gûde attanniôngmat nunaksoarme illunâne; imgerutinnik imgervigissiuk.

Imgerut 77:18

Kalluᴋotit tussaksaulaukpok ᴋilangme; ᴋaumalait sillaksoak ᴋaumartilaukpât; nuna ᴋoaᴋsâdlalaukpok sajukpiludlarlunelo.

Imgerut 93:1

Nalegak attaniôvok, ânanaunelijarlunelo pinarnadlartomik, Nâlegak ânanaunelijarpok, tapseruseruteᴋarporlo pitsartunermik; tamanna pivlugo nunaksoak pallangilak aularanelo.

Imgerut 97:1

Nalegak attanniovok, nunaksub tamanna ᴋuviasutigiliuk ᴋikkertallo unnurningit tamaita serrilerlît.

Imgerut 97:12

Idluartose Nâlegak ᴋuviasutigissiuk, ᴋujaliluselo, ivsornainingalo nakorissiuk.

Imgerut 99:1

Nalegak attanniôvok, tamanna pivlugo innuᴋattigêksuit sajukput; iksivavok Kêrubit ᴋângine, tamanna pivlugo sillaksoak aulavok.

Jesaiase 52:7

Kuvianartoᴋsôvut illa ᴋaᴋᴋane oᴋalloriktut ittigangit, ullapirsaumik oᴋâlajut, ajungitomiglo oᴋautjijut, piulijaunermiglo oᴋâlajut, Zionemullo oᴋartut: Gûdit attaniolerivoᴋ!

Jeremia 51:48

Kilaglo nunalo tâpkonangnêtullo ilûnatik serridlaromârput Babilone pitjutigilugo; asseroijut tikitsomârmatsuk avangat, oᴋarpoᴋ Nâlagaᴋ.

Hesekiel 1:24

Ingerarmattalo tusarpunga isarungita suluksungninginik sorlo imaᴋsuit imarpalungninginik, Ajugaᴋangitub nippingatut, perajaluktut pervalungningititut sorᴋsuktoᴋatigêksuit pervalungningititut: noᴋangamattalo isarungit imuvait.

Hesekiel 43:2

Ahâglo, Israêlib Gudingata ânanauninga tikilerpoᴋ unangat: iktulijângalo ingiulît nunamut ᴋarrâjut iktulijârningititut ipoᴋ, nunalo ᴋeblerpoᴋ tâpsoma ânanauninganut.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Takotitaunermik 1:15

Itigangillo ᴋakᴋorlertun-iput, aumauksimajotut kiaksaume, nippingalo sorlo imaksuit unuktut nippingititut,

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 12:10

Nippersoarmiglo tussarpunga imâk oᴋartomik ᴋilangme: Mâna piuliklernek, pitsartunerlo, nâlegaunerlo, ajugaᴋanginerlo Gûdipta Kristûsingatalo pigivait, ᴋatangutiptingnik passiklertok kataktitaungmat, tâpkoninga passiklertok Gûdib sângane uvlôtilugolo unnuamelo.

Takotitaunermik 14:2

Nippemiglo ᴋilangmit tussarpunga, sorlo kôksûb nippinganik, sorlolo kallidlartub nippinganik, nippelo tussartara harfesijartut harfimingnik atortut nippingititut-iput.

Takotitaunermik 19:1

Tamakkoa kingorngatigut inugasaksuit nippersoanginik ᴋilangme tussarpunga, oᴋartunik: oᴋartunik: Hallêlaja! piuliklerneᴋ, nakorijaunerlo, nâlengnarnelo, pitsartunerlo pigiligit Nâlekab Gûdipta.

Takotitaunermik 19:4

Angajoᴋaunerôjullo 24 it, ômajullo sitamat ipkoa pâmakterput Gûde tuksiarvigivlugo, iksivautaksoarme iksivajok, oᴋarlutiglo: Amen, Hallêluja!

Takotitaunermik 21:22

Tempelemiglo tâpkonane takungilanga; Nâlegak Gûde ajugaᴋangitovitôjok Saugârsuglo Tempelegingmagik.

Takotitaunermik 4:5

Iksivautaᴋsoarmillo anivut ᴋaumalaglo kalluglo nippillo; nennergutillo 7 it ilomalit ikoalavut iksivautaᴋsûb sângane, tamadja Gûdib Anerningit 7 it.

Takotitaunermik 6:1

Takogivunga, Saugârsûblo naᴋitjutit ipkoa illangat angmarpâ. Omajullo sitamat ipkoa illangat tussarpara, sorlo kallûb nippinganut oᴋartok: Takojartorit.

Takotitaunermik 8:5

Engeliblo iluleᴋut iserluanititsivik tiguvâ, ilulerlugolo ikomamik Altâremit, nâvidlugolo nunamut. Nippersoakarpok tagva, kallungmiglo ᴋaumalangmiglo, nunablo sajukpilâdlarninganik.