Takotitaunermik 19:4 - Labrador Inuttitut Heritage Bible

⁴ Angajoᴋaunerôjullo 24 it, ômajullo sitamat ipkoa pâmakterput Gûde tuksiarvigivlugo, iksivautaksoarme iksivajok, oᴋarlutiglo: Amen, Hallêluja!

Takotitaunermik 19:4 Iomraidhean Croise

I Kronika 16:36

Nalegak Israelib Gûdinga nertortaule isoᴋangitomit isoᴋangitomut, inugasaksuillo ilûnatik oᴋarlit: Amen, Nalegarlo nertorlitsuk.

Nehemia 5:13

Ikkiaratauk nâvilugo ipsortorlaukpara, oᴋarlungalo: Taimâk Gûdib nalliat ipsortorlitsuk iglunganit sullijaksanganillo, oᴋautsemik ominga nellautsititsilungitok, ipsortauvlune navisimajotun, ilûlêrtotullo îᴋovlugo. Ilagêllo ilûnâmassiatik oᴋarput: Taimaile, Nâlegarlo nertorpât. Inugasaksuillo taimailiorput, oᴋautsit tapᴋoa malliklugit.

Nehemia 8:6

Esrablo Nâlegak Gûdejoksoak nertorpa. Inugasaksuillo ilûnâmasiatik kiovut Taimaile! Taimaile! Aggatik ᴋongmuartilugit pivlutik; okᴋolutiglo, opigosuglarmiglo Nâlekamik kênatik pûvlugit nunamut.

Imgerut 104:35

Ajortullijut nungutaulerlît nuname, Gûdeᴋangitullo sorairlît. Tarnîk Nâlegak nertoruk! Halleluja!

Imgerut 106:48

Nertortaule Nâlegak Israelib Gûdinga issoᴋangitomit issoᴋangitomut; innugasaksuillo illûnamasiatik oᴋarlît: Amen Halleluja.

Imgerut 41:13

Nertortaule Nâlegak Israelib Gûdinga issoᴋangitomit issoᴋangitomut. Amen. Amen.

Imgerut 72:19

Nertortaule attinga ânanaudlartok issoᴋangitomut; nunallo illunaita nâmalerlit nertortauninganik, Amen, Amen.

Imgerut 89:52

Nâlegak nertortaule issoᴋangitomut, Amen, Amen.

Jeremia 28:6

Jeremialo nalautaijoᴋ oᴋarpoᴋ: Amen, Nâlagaᴋ taimailiorle; Nâlakab oᴋautsitit nalautaijutigijatit nalautsitiligit, Nâlakab iglungata perᴋutingit, tamaitalo aularutijaujovinit tamaungautitsomavlugit Babilonemit.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

I Korintemiunut 14:16

Saimartitsiguville anernikut, ᴋanok illisimangitok tagvanêtok Amenemik oᴋarungnarᴋâ ᴋujalitiksatit pitjutigilugit, oᴋautsitit tukkisinginamigît?

Takotitaunermik 15:7

Omajullo ipkoa sitamat illangat Engelit 7 it tunitjivigivait iluleᴋutinik goldinik 7 nik, tattatunik Gûdib issoᴋangitomit issoᴋangitomut ômatsainartub ningausinganik.

Takotitaunermik 19:1

Tamakkoa kingorngatigut inugasaksuit nippersoanginik ᴋilangme tussarpunga, oᴋartunik: oᴋartunik: Hallêlaja! piuliklerneᴋ, nakorijaunerlo, nâlengnarnelo, pitsartunerlo pigiligit Nâlekab Gûdipta.

Takotitaunermik 19:3

Aipanganiglo oᴋarivut: Hallêluja! Iserlungallo ᴋongmuatsainarpok sorairane.

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 5:14

Omajullo sitamat oᴋarput: Amen. Angajoᴋaunerôjullo 24 it pâmakterdlutik tuksiarvigivât issoᴋangitomit issoᴋangitomut ômatsainartok.