Takotitaunermik 19:12 - Labrador Inuttitut Heritage Bible

¹² Ijîgiglo ikomatut ikoalajotut-ipuk, unuktuniglo niaᴋôteᴋarpok niaᴋomine, aglaksimajomiglo ateᴋarpok kialônêt ᴋaujimangitanganik, nangminek kissime (ᴋaujimavâ).

Takotitaunermik 19:12 Iomraidhean Croise

Genesis 32:29

Jakoblo aperivâ oᴋarlune: Attît tussarlago-ai? Oᴋautivâ: Sôᴋ attera aperᴋutigiviûk? Tagvanelo saimauserpâ.

Imgerut 8:5

Annikitomik Gûdemit ᴋemaktaukolaukpet; opinarnermulle, pinarnarnermullo niaᴋoseromârpet.

Exodus 23:21

Ileragiuk, nipingalo nâleklugo, sinaungasarniarnagolo; tappanise isumagijungnairniangimagit: atera tâpsomanêngmat.

Salomob Okâl 30:4

Kina kongmuarka ᴋilangmut akkarlunelo? Kia aggangminut annore tiguvauk? Kina imaksoarnik ᴋellaksiva ulliksoarmut? Kia silaksub kiglingit tamaita âkilaukagit? ᴋanok Atteᴋarᴋâ? ᴋanorlo tapsoma erninga atteᴋarᴋâ? Tamakkoninga ᴋaujimavit?

Imgerusersoak 3:11

Annileritse, Zionib panningit illipse, takkonârlugolo attanek Salomo, niaᴋotelijarlune niaᴋosertaujutigijanganik anânaminut kattititauvingata uvlungane, ômattingatalo ᴋuviasungningata uvlungane.

Jesaiase 62:3

Niaᴋôtiksaujomârpotillo takorannertoᴋ Nâlekab aggangine ᴋaurutauvlutillo attanersoamut nãmaktoᴋ Gûdivit aggangine.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Daniel 10:6

Timinga ujarᴋatut Tarsisemit pijotun-ipoᴋ, kênangalo ᴋaumalaᴋtut, ijîgik sorlo ᴋollîk ikomajûk, talîgiglo itigangillo tautuᴋarput ᴋaᴋorlitut ᴋibliriᴋsârtaumajotut, oᴋâlaningatalo nippiᴋortoninga sorlo inugiartoᴋsuit nippingat.

Saggaria 9:16

Nâlekablo Gudingata piulijomârpait uvlorme tâpsomane inuᴋotigijamitut saugaᴋutaujutitut; niaᴋôtib ujarangititut îtsomârmatta, ᴋebleriklutik nunangane.

Mattêuse 11:27

Tamaita Atâtab tunilaukpait uvamnut. Ernermiglo ilitarsijokangilak, Atâtab kissime ilitarivâ; Atâtamiglo ilitarsijokanginivok, Ernerub kissime, Ernerublo nalojungnaititsomajangita ilitarivât.

Mattêuse 21:5

Zionib pania oᴋautisiuk: Ahâk, atanît ᴋaivok ilingnut sunaungaidlune, siuterᴋortojome iksivavlune, siuterᴋortojublo nangmarpaktub noggangata ᴋânganêdlune.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Lukase 10:22

Tunitjiviovunga tamainik Atâtamnut. Ernerublo kinauninganik ᴋaujimajoᴋangilak, Atâta kisSîme ᴋaujimavok; Atâtablo kinauninganik ᴋaujimajoᴋanginivok, Erneᴋ kisSîme, Ernerublo nelojungnaititsomajangit nelunginivut.

Johannese 17:11

Silaksoarmêtsungnairpungalo, tâpkoale silaksoarmêput, uvangalo ilingnut ᴋaivunga. Hailigeojok Atâtak, aternêtsainartikit tunijatit uvamnut, atausioᴋovlugit sôrlo uvaguk.

Johannese 17:12

Najulaurapkit silaksoarme, aternêtitsainarpakka. Tunijatit uvamnut saputilauᴋpakka; asiojoᴋangilarlo tâpkonangat, ᴋitorngak asiojok kisime, aglait nelautsilerᴋovlugit.

Efêsusemiunut 1:21

Anginersangordlugo nâlegaunernit tamainit, sôngonernillo, pitsartunernillo, ataniotinernillo, tamainillo taijaujungnartunit, silaᴋsoarme tamattomane kissianeungitoᴋ, pijomârtomeletauᴋ.

Ebrêerinut 2:9

Tâmnale anikitomik Engelinit mingnersautitaujoᴋ, Jêsusiongmat takovavut, toᴋub ânernadlarningagut niaᴋôsersimajoᴋ nertornarnermik nâlengnarnermiglo, Gûdib nâpkiningninganut toᴋomik ôksiniarᴋovlugo tamaita pivlugit.

Takotitaunermik 1:14

Niaᴋoale nujangillo ᴋaᴋortaᴋsôvut saugab imerᴋungititut, aputitut; ijîgiglo ikomatut ikoalajotut-ipuk;

Takotitaunermik 12:3

Nelunaikutablo assia sakᴋerpok ᴋilangme, ahâk ᴋuglugiaᴋsoarâluk angijok aupaluktak, niaᴋoᴋarlune 7 nik, nakjuᴋarlarmelo 10 nik, niaᴋominelo niaᴋôteᴋarlune 7 nik.

Takotitaunermik 13:1

Imarbiublo sinâne siorᴋane nangerpunga. Nergjutsoarmiglo imarbingmit ᴋakᴋijomik takovunga, niaᴋolingmik 7 nik, nakjuᴋarlunelo 10 nik; nakjunginelo niaᴋôteᴋalaukpok 10 nik, niaᴋunginelo aternik mitautilingnik (aglaksimajokarpok).

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.

Takotitaunermik 3:12

Sâlaᴋartok sukkangortitsomavara Gûdima iglungane, tamattomangallo kingorngane anijungnainiarpok. Gûdimalo atinga aglagomavara tâpsomane Jerusalemiblo nutâb atinga, Gûdima iglogasaksoangita ᴋilangmit akᴋartut Gûdimnit, ateralo taimna nutâk.

Takotitaunermik 6:2

Takogivunga, ahâglo horsemik ᴋaᴋortamik; tâpsomalo ᴋângane iksivajok pitiksilijartok, niaᴋôtemiglo tunitsiviolertok, ajugaᴋaranelo ailerpok sâlaᴋarniardlune.

Idluarsaijut 13:18

Nâlekable Engelingata oᴋautiva; Sôg attera pivlugo apperivinga, tattamnadlaralloartok?