Takotitaunermik 18:23 - Labrador Inuttitut Heritage Bible

²³ Nennerutiblo ᴋaumaninganut ᴋaumaksaijoᴋarungnainiarivok ilipsingne, uiksablo nuliaksablo nippingit tussartaujungnainiarivut ilipsingne. Niuvertut ilipsingne angajoᴋâksoangolaungmatta nuname, angakonipsingnut nelojut tamaita tamartitaulaungmatta.

Takotitaunermik 18:23 Iomraidhean Croise

II Atannit 9:22

Joramiblo Jehu takkogamiuk, oᴋarpok: Jehu ullapirsautekarka? Tamnâle oᴋarpok: Ullapirsaut suna? anânavit Isebelib anguniarningit, angakoktorningillo pivalliatuinartillugit?

Hiobe 21:17

Ila Gûdeᴋangitut ᴋaumautingat kamileromârpok, ᴋanoêtoᴋotingatalo tikkiniarpait! Ningarnermine ômattib kappianarninganik aitortuiniarpok.

Salomob Okâl 24:20

Idluitok nerriugijaksaᴋangimat sumiglonêt, Gûdeᴋangitullo ᴋaumautingit kamitsomârpok.

Jesaiase 23:8

Kina taimak issumaᴋarᴋâ Tirusemut tunitjisôngojomut niaᴋôtenik? Niuverniartut tagvanẽtut attaniovut, pissiniarpaktullo nertortauvut nuname.

Jesaiase 47:9

Kissianele tamakkungnunga tamangnut tikkitaujomârpotit tagvainaᴋ uvlorme attausẽnarme; ᴋitorngaerutivlutit uigarniojomârpotit, illa tamakkungnunga tikkitaummarigomârpotit, angakkoᴋaluaralloartillugo elisêniartoᴋaluaralloartillugolo sôngojunik illingne.

Jeremia 16:9

Imâk Nâlagaᴋ Zebaot, Israêlib Gudinga, oᴋarmat: Ahâk, sorairtitsomavakka nuname tamattomane, ijipse sângine uvlupsingnalo, ᴋuviasuktut nippingit serrijullo nippingit; nulianiktut nippingit uiniktullo nippingit.

Jeremia 25:10

Tâpkonangallo pêjaromavakka ᴋuviasuktut serrijullo nippingit, uiksablo nuliaksablo nippingit, serᴋalitsiviublo pervalungningit, nannergoablo ᴋaumaninga.

Jeremia 7:34

Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Nahum 3:4

Anguniarpaktûb takoranidlartûb ajortuliningita unuktoksôningit pivlugit, angakoktonermik ilisimadlartûb, inôᴋatigêksoarnik ajortulinerminut aulaijûb, ᴋitorngarêniglo angakonerminut.

Apostelit Piniarningit 8:11

Tamanna pivlugole kamagivât, akunersoarmik uivêrilaungmagit angakôtsiminut.

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 17:2

Tâmna atanît nuname arnarniararijangat, nunablo inungit tallaput anguniarningata vaininganut.

Takotitaunermik 17:5

Kaunganelo atek aglaksimavok: Nelonartok, Babilônersoak, ajortulinerit maᴋojungnarnerillo ilûnatik anânangat nuname.

Takotitaunermik 18:22

Imgertullo, harfesijartullo, nipjausijartullo, tiptulausijartullo, nippingit tussartaujungnainiarput ilipsingne; sanajôngojut sanajanginik ilipsingne nagvârtokarungnainiarpok, kaivivîllo nippinginik tussartoᴋarungnainiarivok ilipsingne.

Takotitaunermik 18:3

Assiniarninganut ningautsib vaininganik nelojut ilûnatik imermatta, atanîllo nunamêtut tâpsominga arnarnialaukput, niuverniartullo nunamêtut akluititaumavut ikligudlarninganut.

Takotitaunermik 18:9

Atanîllo nuname tâpsominga arnarnialauktut ikligudlarvigilugo, ᴋeaniarpât kappiaktoadlarutigivlugolo, ikomangata iserlunga takogamitsuk.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.

Takotitaunermik 6:15

Atanîllo nunamêtut, nâlegaᴋsuillo akluitoksuillo, Angajoᴋâviksuillo, sôngojullo kivgaujullo, kivgaungitullo ilûnatik ijeriartorput ᴋairosungnelo ᴋakᴋallo ᴋongnângine,

Takotitaunermik 9:21

Kaᴋialingilallotauk inuarnermingnit, Angaᴋonermingnillo, assiniarnermingnillo, tiglingnermingnillo.