Takotitaunermik 18:13 - Labrador Inuttitut Heritage Bible

¹³ Tauvluᴋutiksaniglo, mingoarutiksaniglo, tipitsiariktoksoarmiglo, kutsumiglo, vainemiglo, orᴋsumiglo, sanaukamiglo, sanaugaksaniglo, nergjutiniglo, sauganiglo, horsiniglo, ᴋamutingniglo, inuillo timinginik, inuillo tarninginik.

Takotitaunermik 18:13 Iomraidhean Croise

I Atannit 10:10

Tapsomalo atannek tunnitsivigiva Goldemik Tallentinik 120 ginik, mingoarutiksaniglo tippitsiariktunik unuktovaksoarnik ujarganiglo pivianartunik. Mingoarutiksat taimâk unuktigijut Arabiamiut ataningata tunnilauktangititut atannermut Salomomut tikkiutjaujungnailaukput.

I Atannit 10:15

Tamânnalo niuvertinit niuveriarniartunillo, inugasaksuillo (angerlauktut Salomomut) atanninginit, aulatsijunillo nunnane pijok, taijaukasiutinago.

I Atannit 10:25

Ilûnnatiglo âtsivigivât pilliutinik, perᴋutinik Silbereôjunik Goldeôjuniglo, annorangniglo, sakkuniglo tauvlukutiksaniglo, horseniglo, horseojartuniglo, jârine tamaine.

I Kronika 5:21

Aularutivaillo taipkoa nergjuteᴋotingit, Kamelit 5,000 dit, saugello 250,000 dit, siuteᴋoktojut 2,000 dit, inuillo 100,000 dit.

II Kronika 9:9

Tapsomalo arnab attannek tunnitsivigiva Goldinik Talentinik 120 ginik mingoarutiksaniglo tippitsiariktunik unnuktunik, ujarᴋaniglo pivianartunik. Mingoarutiksaᴋalaungilak tapᴋotitunak, Arabiamiut attanningata tunnijangititut attannermut Salomomut.

Nehemia 5:8

Oᴋautivakkalo: Uvagut ᴋatangutivut Judit nellojunut niovgutigijaumalauktut pissiarilugit kippalutjarlaukpavut, ajugaringitaptingnit; ilipselo ᴋatangutisse niorvgotigijomavisigik, uvagut pissiarilauktavut? Tagva nippangerput, kiogutiksarsijungnaratiglo.

Exodus 21:16

Tigliktorlo inungmik niorvgutigilugolo, ubvalo nagvârtaukpat aggangine, tâmna toᴋotaksaudlarpok.

Salomob Okâl 7:17

Sinigviga tippitsiariktunut Mirinik Aloeniglo Zinnamenniglo taijaujunut, serparsarlaukpara.

Imgerusersoak 1:3

Mingoarutiksaᴋotivît tippingat mamadlarpok; attit mingoarutiovok ᴋovijaumajok, tamanna pivlugo uigasuit nagligivâtit.

Imgerusersoak 3:6

Kinauva tâmna (arnak) majorartok sunaᴋajuitomit, isserluktut ᴋongmualuatsiartotut, isserluktut Mirrinit Weirauchemillo âniasiusiortiblo serᴋallijanginnit sunatuinarnit pijotut?

Imgerusersoak 5:5

Tagva makkilaukpunga illanârijara upkoêrutijomavlugo; aggakka kussilaukput Mirrinik, Mirrillo kôlerput aggamnit pallangairuserviub sanneroanganut.

Jesaiase 50:1

Imak oᴋarpoᴋ Nâlegaᴋ: Aglait avititsijutiksat, anânapsingnik aularᴋojijut uvamnit naûk? Ubvalo kina akkiliksaᴋarvigigapko, akkiliutigivapsê tâpsomunga? Ahâk, idluitullinise pivlugit niorvgutigijauvose, anânaselo aularutjauvoᴋ tappatonise pivlugit.

Hesekiel 27:13

Javanemiullo Tubalemiullo Mesekemiullo niuverniarᴋatigivâtit: inungnik senamajuniglo ᴋaᴋorlermit taungniuteᴋalauᴋput perᴋutingnik.

Amos 2:6

Imâk oᴋarpok Nâlegak; Idluitulinerit pingasut sitamallônêt pivlugit Israêl pidlartautailititsomângilara; idluartut aulaingmagit silberemut, ajoksartullo kamiksiniutigilugit;

Amos 6:6

Vainetortose ᴋajûtanit, mingoartoselo ilipsingnik mingoarutinut pionerpânut; kiksauteᴋangitosele Josefib kapiasuktitauninganik.

Amos 8:6

Pisiniarungnarᴋovluta aklujunik silberemut, ajoᴋsartuniglo kamingnut, sanaugaksallo piunginerlukungit aulailugît?

Deuteronomy 24:7

Inuk naipitaukpat ᴋatangutime ilanganik tigliklune, Israêlib ᴋitorngangita ilanganik; kivgatullo perᴋutigijaujotut piniarvigilugo aulailugolônêt; tigliktok tâmna toᴋotaujuksauvok; taimaglo idluinek pêjarniarpat akunernit.

Deuteronomy 28:68

Nâlekablo tikiutijomalerivâtit Egiptenemut umiaᴋsoakut, apᴋotikut oᴋautigilauᴋtapkut ilingnut: Takojungnairaksarivat; tagvanelo aulaijomajomârpose ilipsingnik ômigijipsingnut kivgaujomavluse, angutillo arnallo, pisiniaromajoᴋaromângilarle ilipsingnik.

I Timôteusemut 1:10

Assiniartullo, nukapitjaniglo uivêriklertut, inungniglo tigliktut, saglotojullo, angerluktullo assingillo taimaitut ajoᴋertûtsemik atsuilinartomik akkerartortut pivlugit;

II Pêtrusib 2:3

Pijomatudlarnermullo ilipsingnit perᴋutiniarasuaromârput, oᴋautsinut mikseliungitunut piniarlutik. Taipkoa pidlartautiksangit oᴋautauᴋammerungnairtut noᴋᴋarniangilat, erᴋartortautiksangillo sininginivut.

Takotitaunermik 18:14

Paungaᴋsuillo tarnivit ikligijangit ilingnit ᴋemâsimavut; ilûnatiglo mamalauktut ânanaudlalauktullo ᴋemâsimavâtit, nennisijungnainiarlutillo tamakkoninga.

Takotitaunermik 18:15

Tamakkoningalo niuvernialauktut akluitigivlugit, ᴋaningitome nangeromârput, kappiasuktitauninga erᴋsigivlugo, ᴋeavlutiglo uggoridlaromârpât,