Takotitaunermik 16:9 - Labrador Inuttitut Heritage Bible

⁹ Inuillo ônadlarput kiaksoarmut, Gûdiblo kappianartunik tamakkoninga aulatsijub atinga mitautigivât, ᴋaᴋialingilallo tâpsominga nâleklutik.

Takotitaunermik 16:9 Iomraidhean Croise

II Atannit 6:33

Taimaglo oᴋartillugo sulle, ahâk, tagva tillijak tikkipok unnunga tapsomunga, oᴋarlunelo: Ahâk, ᴋanoêtok taimaitok pivok Nâlekamit; sunamik sulle nerriuktuksauvik Nâlekamit?

II Kronika 28:22

Tettijaunimelo nalliuningane, Ahase attannek idluitulliganerpok sulle Nalekamut;

Jesaiase 1:5

Naukut annaujaksauvisê sulle, idluitullinise unuksivalliatitsainarapsigik? Niaᴋoᴋ illũnane ãniavoᴋ, õmallo illũnane ᴋanimavoᴋ.

Jesaiase 8:21

Nuname arvertarput kappiasuklutik kâklutiglo. Kâdlaruniglo ningalerput, attanitik Gûditiglo oᴋarnerlûtigivlugik.

Jeremia 13:6

Uvlullo unuktut nâsimangmatta Nâlakab oᴋautivânga: Makilerit, Farâtemullo ailerit, tapserullo, ijertauᴋolauᴋtara ilingnut, tigulermiuk tagvangat.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Hesekiel 24:13

Ivsornarnît kangunartulinermik ilaᴋarpoᴋ; epᴋêjalauraloarapkit epᴋêjartaujomanginavillo epᴋêjartaujungnailârpotit salumainernit kingorngane, nâmaksititsiᴋârtinanga ningaumajârnimnik ilingnik.

Lukase 13:3

Aukârpunga; sâgiarniangikupsele, tamapsetauk taimâk asseroromârivose.

Lukase 13:5

Aukârpunga; sâgiarniangiᴋupsele tamapsetauk taimâk asseroromârivose.

II Korintemiunut 12:21

(Sivôravungalo) piuluatangititauniarama pivluse, tikingmiguma, kiksartuksauniarlungalo unuktut idluitulilauᴋtut pivlugit, ᴋaᴋialilaungitullo maᴋojungnartulinerilauᴋtatik, assiniarnerilauᴋtatiglo illoᴋeudlarnerilautatiglo pivlugit.

Josua 7:19

Josualo Achanemut oᴋarpok: Ernîk nertordlernermik tunnijilerit Nalekamut Israelib Gudinganut, nakorilugolo pît, oᴋautilungalo, sunamik pinialaukât? missiarviginangalo sunamik.

Takotitaunermik 11:13

Tagvainarlo nuna sajukpilâdlarpok angijomik, iglugasaksuillo tallimaujortôlilugit tallimaujungit ochovut, toᴋotauvullo nunab sajukpilâdlarninganut inuit 7,000 it, amiakullo ᴋoaᴋsângadlarput nertordlerlutiglo ᴋilaub Gûdinganik.

Takotitaunermik 14:7

Nippersoarmullo oᴋarpok: Gûde kuksasungniarvigisiuk nertorsiuglo akkiniarviksanga neliutingmat; tuksiarvigisiuglo ᴋilangmiglo nunamiglo imarbingmiglo, imiuglo puilavinginik pingortitsijok.

Takotitaunermik 16:21

Nettaᴋonaksuille oᴋumailutâlûktut maggûktut oᴋumaitigijut ᴋilangmit katakput inuit akᴋunardlugit; inuillo Gûde mitautigivât kappianartoksoak nettaᴋonartoksoak pivlugo, kappianarninga angijovaksôngmat.

Takotitaunermik 2:21

Piviksaᴋartilaukparalo ᴋaᴋialerᴋovlugo anguniarnerminik, ᴋaᴋialingilarle.

Takotitaunermik 9:20

Amiakoᴋarporle sulle inungnik, kappianartunut tamakkonunga toᴋotaungitunik, ᴋaᴋialingituniglônêt aggangmik piniarningit pivlugit, Sâtanaselo gûdingoallo goldit, silberillo, ᴋaᴋorlillo, ujarᴋallo, ᴋejuillo sanamajut, tautugungnangitullônêt tussarungnangitullônêt arvertarungnangitullônêt tuksiarvigigamigit.