Takotitaunermik 16:14 - Labrador Inuttitut Heritage Bible

¹⁴ Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

Takotitaunermik 16:14 Iomraidhean Croise

I Atannit 22:6

Tagva Israelitit atanningata nellautaijut 400 deôkasait ᴋatimaᴋovait, oᴋautilaitalo: Ramotemut Gileademêtomut aijuksauvîk sorsugvigilugit, nippotijaksarivakkalonêt? Tapᴋoa oᴋarput: Majorarit takpaunga, Nâlekab tunniniarpait atanniub agganginut.

Hesekiel 14:9

Nelautaijorlo uivêrijaulerpat oᴋautsimiglo oᴋarune, tagva uvanga Nâlegaᴋ nelautaijoᴋ tâmna uivêrilaukpara, aggakkalo issagomavakka tâpsomunga, pêjaromavaralo inuᴋotima Israêlitit akornganit.

Mattêuse 24:14

Oᴋautsillo tussarnertut nâlegauvingmik oᴋautaujomârput silaksoarme ilûnâne, inuᴋatigêt ilûnatik nalojungnairutiksanganut; tâva silaksûb naggatiksanga naliutijomârpok.

Mattêuse 24:24

Kristûseonerartunik saglojunik nalautainerluktuniglo Sakᴋertoᴋaromârmat, nalunaikutaksoarnik tatamnadlartuniglo piniarlutik tammartitaulerᴋovlugit tammarnartomut anerimajuttauk, ajornangipatta.

Markuse 13:22

Kristuseovlutik oᴋartut, nalautainerluktut saglojut sakᴋeromârput, nalunaikutaᴋsoarniglo tatamnartunik pilutik, annerimajut aglât tamartinasuarlugit, ajornangipatta.

Lukase 2:1

Taipsomane atanersûb Augustusib perᴋojivlune inuit ilûnaita ataniovingminêtut aglaktauᴋovait, (atingit perᴋutingillo).

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Rômiunut 1:8

Sivorlermik Jêsuse Kristusikut Gûdimnut ᴋujalijutigivapse tamapse, okpernise oᴋautigijaungmat silaᴋsoarme ilûnâne.

II Tessalônikamiunut 2:9

Taipsoma saᴋᴋijârninga Sâtanasib aulatsininganut pivoᴋ, pitsartunernut sunatuinarnut saglotonelingnut, nelunaikutanullo, tatamnartulinernullo,

I Timôteusemut 4:1

Anernerle tukkisinartomik oᴋarpok, neliutut kingorlingine ilangit okpernermit katangniaromârmatta, ungajomârmattalo anernernut uivêriklertunut, Sâtanasiblo ajoᴋertûsinginut.

Jâkobusib 3:15

Ilisimanerle tamanna pângat pingilak nunamille, inungnit, Sâtanasemillo.

Josua 11:5

Attannit tapkoa illunatik kattimalerput ᴋailutiglo tangmarput kattimgavlutik tetserme Meromemik attelingme, Israelitit sorsugvigijomavlugit.

I Johannesib 5:19

Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

Takotitaunermik 12:9

Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 13:3

Niaᴋungitalo illangat sorlo toᴋonartomit ikilersimajok, takovara, ikingalo toᴋonartôgalloak mamilaukpok, nunaᴋsoarmiullo ilûnatik tataminiarutigivât nergjutsoak.

Takotitaunermik 16:16

Katitipaillo nunab illanganut Ebrêerit taijanganut Harmageddonemik.

Takotitaunermik 16:7

Engelemiglo assianik Altâremit tussarpunga oᴋartomik: Ahamarik Nâlegak, Gûde ajugaᴋangitovitôjotit, erᴋartuinitit mikseᴋârtôvlutiglo idluartôvut.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 20:8

Aijomârlunelo nelojut tamartitsartorlugit nunaksûb terreᴋunginêtut sitamane, Goglo Magoglo katitiniardlugit sorsugiartorᴋovlugit, siorᴋatitut imarbiub kiglinganêtutitut unuktigijut.

Takotitaunermik 3:10

Torᴋulaurangne oᴋausek ᴋenuersârnimnik, uvangatauk saputijomavagit neliutomit ôktorlungnartomit, silaᴋsoarmiunut tamainut tikitsomârtomit, ôktorlugit nuname nunaᴋartut.

Takotitaunermik 6:17

Uvloᴋsoak ningaumavinga neliutingmat, kinalo nâmagijaujungnarniarᴋâ?