Takotitaunermik 15:8 - Labrador Inuttitut Heritage Bible

⁸ Tempelelo iserlungmik tattalerpok Gûdib ânanauninganut pitsartuninganullo. Tempelemullo itertokarungnangilak, kappianarnerit 7 it Engelit 7 it najortangit nâmaksititauᴋârtinagit.

Takotitaunermik 15:8 Iomraidhean Croise

Imgerut 29:9

Nâlekab nippingata tuktut ernisuktipait erritârlaitalo nappârtut, Tempeleᴋotinganelo illunatik oᴋarput: opinak!

Exodus 19:18

ᴋakᴋarle Sinai ilûnnane iserludlarpok, Nâlekab akᴋarvigingmago ikomakut; iserlungalo ᴋongmuarpok sorlo ikomaksoaᴋarviksûb iserlungatut, ᴋakᴋarlo ilûnnane sajukpiludlarpoᴋ angijomik.

Jesaiase 6:4

Ablorallo tungavingit sajukpilukput ᴋaigarsuktut nippinginut, iglolo iserlungmik tatapoᴋ.

Jeremia 15:1

Nalekablo oᴋautivânga: Mosese Samuelelo nangerajaraloarpanik sâmne tuksiutjilutik, ômatima inôᴋatigêksuit ukkua ililertorajangilait; pingujarkit sâmnit, pêjarlit.

Jeremiab Ogguarutigijangit 3:44

Nuvujamut ulilaukpotit nangminernik, ᴋenunivut apᴋotiksaᴋarᴋonago.

Leviticus 16:2

Nâlekablo Mosese oᴋautivâ: Aron angajuit oᴋautiuk naliunerne sunatuinarne itertuksaungimat ivsornaitovingmut; upkôb ungatânut, iksivaviub saimarvigijauviub iklerviub kigligiutjinektaliub ᴋânganêtûb sânganut, toᴋoᴋonago; uvanga sakᴋeromagama nuvujarme iksivavingme saimarvigijauvingme.

Rômiunut 11:33

Inornarmêk Gûdib akluitoᴋsôningata itininga, tamangnik: silatujoᴋsônermik nalotuitoᴋsônermiglo! Ila tâpsoma kajusimaningit tukkisijaujungnangilat, apᴋotingillo nautsertortaujungnaratik!

II Tessalônikamiunut 1:9

Taipkoa pidlartaujomârput asserornartoᴋsoarmut issoᴋangitomut, Nâlekab kênanganit pitsartuninganillo ânanaujoᴋsoarmit pijomut;

Takotitaunermik 15:1

Nelunaikutablo assianik takovunga ᴋilangme angijoksôjomik tatamnadlartomiglo: Engelit 7 it kappianartunik kingorlerpânik 7 nik peᴋartut; tamakkonunga Gûdib ningausinga nâmaksititaumangmat.

Takotitaunermik 21:11

(Jerusalem tamanna) Gûdib ânanaunersoanganik pilik, ᴋaumaningatalo ujarak pivianarnerpâᴋ adsigivâ, Jasperetut ᴋaumatigijok.