Takotitaunermik 15:3 - Labrador Inuttitut Heritage Bible

³ Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 15:3 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

I Kronika 6:49

Aronible erningillo tunnergutinik tunnijivut tunnergutiksaliub ôtaksanik Altaringane, isserluanijutiksaliublo Altaringane, pinniaraksanullo tamainut ivsornainerpangojome ilingalaukput, ullapkoserpaillo Israelitit, taimaluatsiak, sorlo Mosese, Gûdib kivganga perᴋojilaungmat.

II Kronika 24:6

Tagva attanniub Jojada ajochertuijersoak ᴋaiᴋova, oᴋautilâlo: Sôg Levitit kammagingipigit, kattersoiᴋovlugit Judamiunit Jerusalemiunillo, tunnergutinik, Mosesib Nalekab kivgangata kattersortauᴋojanginik Israelitit akkorngane, perᴋojaktaliub tuppinganut?

Nehemia 9:14

Sabbateᴋotillo ivsornaitok nallonairlaukpet tapᴋonunga; perᴋojaniglo, ilûsiksaniglo, malligaksaniglo perᴋolaukpattit Mosekut kivgaᴋotikut.

Hiobe 36:24

“Erᴋaumalerit tâpsoma piniarninga angijorortitaksarigangne, inuit imgerutigijangit.

Hiobe 5:9

Angijunik pinniartok, nautsertortaujungnangitunik, tattamnartuniglo kittiksaungitunik.

Imgerut 100:5

Nâlegak illanâᴋarmat, saimarveᴋarninga issoᴋangitôvok, mikseᴋârningalo soraijuitôvok.

Imgerut 105:5

Erᴋaumalersigik tattamnartulliningit, pinnialauktangit; nellunaikutangit ᴋaningatalo idluarsainingit.

Imgerut 111:2

Nâlekab pinniarningit angijôvut, makkoninga kamajub ᴋuviagidlarpait.

Imgerut 111:7

Aggangita pinniarningit mikseᴋârniôvut, idluarneôlutiglo, perᴋojangit illûnatik soᴋᴋosijuiput.

Imgerut 139:14

ᴋujagivagit tamanna pivlugo kappianadlartomik tattamnadlartomik sanajaumagama; pinniarnitit tattamnarput, tamannalo tarnima tukkisitsiarpâ.

Imgerut 145:17

Nâlegak idluarpok apᴋotimine tamaine, ivsornailunelo pinniarnermine tamaine.

Imgerut 145:6

Pitsartunît kappianartok oᴋautigijauᴋovlugo, angijônît unipkautigijomavara.

Imgerut 18:30

Gûdib apᴋosiningit ᴋannoetoᴋatsangilat; Nâlekab oᴋausingit illaᴋangilat. Sappulutauvok illunainut Tatteᴋartunnut tâpsominga.

Imgerut 78:12

Atâtagilauktangita sânginne tattamnartullilaukpok Egiptenib nunangane, Zoanib naternangane.

Imgerut 92:5

Nâlegak pinniarnitit ila angijôvaksôvut! issumattit ᴋannok ittijôksovlutik!

Imgerut 99:4

Attanniublo pitsartuninga, idluarnermik nagligosuktub. Illusitsiaᴋarnek aulajuitipat; idluarnermik idluarsainermiglo peᴋartitsivotit Jakokune.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jesaiase 45:21

Oᴋâlatitse, tamaungarluselo ᴋaggimioleritse! Kia itsaᴋsoarnit tamanna tussartautipaûk ᴋaujijautillugolo sivornganenit? Uvanga Nâlegaujunga tamanna pinialungitarâ? Assimniglo Gûdeᴋangilaᴋ, idluartôjomik piuliklerteojomiglo Gûdeᴋangilaᴋ assimnik.

Daniel 6:20

Itisâlublo pânganut Danielimut tikigami, ᴋaigarsukpoᴋ nippimut ârusuktomut; niplilunilo ataniub Danieli oᴋautivâ: Daniel, Gudib ômajub kivganga, Gudivît kivgartutsainartavît piulijungnarᴋâtît loivinît?

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Hosea 14:9

Kina ilisimavâ, tamakkoa tukkisijungnarlugît? Issumagiktôvlune, tamakkoa ilitarilugît? Nâlekab apᴋotigijangit idluadlarmatta, idluartullo tâpkonane arvertartuksauvut; tapatojulle oggolârput tâpkonane.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Sefania 3:5

Nâlegak tagvanêtok idluartôvok; tâmna idluituliniangilak; ᴋaujarangat idluarsainine ᴋaumajomut pitipâ, nipotilungilak; idluitulle kangusulungilat.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Johannese 1:17

Perᴋojalle Môsesekut tunijauvut, saimanek mikseᴋârnerlo Jêsuse Kristûsekut pivuk.

Deuteronomy 31:30

Mosesiblo imgerutsit makkoa oᴋausertangit nâvlugit oᴋautigivait Israêlekut ilûnatik katimajut tusâtilugit.

Deuteronomy 32:3

Nâlekab atinga oᴋâlautigijomagapko; Gûdivut nâlengnartomik oᴋautigisiuk.

Deuteronomy 34:5

Taimaimallo Mosese, Nâlekab kivganga, toᴋovok tagvane Moabib nunangane, Nâlekab oᴋausinga maliklugo.

I Timôteusemut 1:17

Gûdele, atanivik issoᴋangitok, nungusuitorlo, takuksaungitorlo silatujotôjorlo nâlengnarsile nakoridlartaulunelo issoᴋangitoksoarmut. Amen.

Ebrêerinut 3:5

Môseselo tâpsoma iglungane ilûnâne nelâgôlauralloarpoᴋ kivgatut, oᴋautigijauᴋovlugit oᴋautigijaksat.

Josua 22:5

Manale katsungailuse attaruilititse pinniarᴋovluse Nalekab perᴋojanga illusioᴋojangalo, Mosesib Nalekab kivgangata perᴋolauktanga illipsingnut malliklugo, nagliᴋovluse Nalegapsingnik Gudipsingnik, arvertarluselo apᴋosiningine tamaine, malliᴋovluselo perᴋojanginik, ungaluselo tapsomunga, kivgartorᴋovluselo tapsominga, omamut tamanut tarnemullo tamanut.

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 11:17

Oᴋarpullo: ᴋujagidlarpaptigit Nâlegak, Gûde ajugaᴋangitovitôjotit, tamattomane itotit, ilauktotillo, itsomârtotillo, pitsartujoksônît atorangne nâlegautilutillo;

Takotitaunermik 14:3

Imgerusertâmiglo imgerput iksivautaᴋsûb sângane, ômajullo sitamat angajoᴋaunerôjullo sângane; assingitalo imgerusertâk tamanna illiniarlugo ajorpât, tâpkoa 144,000 it kissimik illipât, nunamit pisiangojut.

Takotitaunermik 14:8

Engeliblo assia malikpok oᴋarlune: Ochomavut ochomavut iglugasaksuit angijut Babilône, nelojut tamaita imertinamigit assiniarnermik vaininganik.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.

Takotitaunermik 19:2

Erᴋartuiningit mikseᴋârtôvlutiglo idluartôngmatta, anguniartoksoak erᴋartulaungmago, anguniarnerminut nunamik asseroilauktok, kivgamelo aungit akkiniarutigilugit, tâmna pidlalaungmago.

Takotitaunermik 4:8

Omajullo tâpkoa sitamat atunit isaroᴋarput pingasujortunik, ilumikullo ilûnâne ijilit, inilangajungnangerput uvlôtilugo unnuamelo, oᴋarlutik: Hailig, Hailig, Hailigeovok Gûde Nâlegak, ajugaᴋangitovitôjok, ilauktok, tamattomanêtorlo, ᴋaijomârtorlo.