Takotitaunermik 14:7 - Labrador Inuttitut Heritage Bible

⁷ Nippersoarmullo oᴋarpok: Gûde kuksasungniarvigisiuk nertorsiuglo akkiniarviksanga neliutingmat; tuksiarvigisiuglo ᴋilangmiglo nunamiglo imarbingmiglo, imiuglo puilavinginik pingortitsijok.

Takotitaunermik 14:7 Iomraidhean Croise

Genesis 22:12

Oᴋautivâ: Nukapiaᴋ issaktailivlugo âniatiniarnago pît; mâna ᴋaujimagapkit Gûdemik sivôrajotit ernituat ivlerinago pivlunga.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Imgerut 115:15

Illipse pitsartutitauvose Nâlekamut, ᴋillangmik nunamiglo pingortitsijomut.

Imgerut 124:8

Ikajortaunivut Nâlekab attinganêpok, ᴋillangmik nunamiglo sannalauktub.

Imgerut 33:6

ᴋillait Nâlekab oᴋausinginut pingortitauvut, tamaitalo kattimgajoᴋotingit tâpsoma ᴋaningata annerninganut.

Imgerut 36:1

Omattimne oᴋausiksaᴋarpok Gûdeᴋangitub illusinginnik; sivuranealungilak Gûdemik ijikita sângangne.

Imgerut 89:7

Gûde sivôranadlarpok ivsornaitut kattimaniksangine, opinadlarlunelo illunainut illumajiminut.

Imgerut 95:5

Imarbik perᴋutigivâ, tâpsomalo sannalaukpâ, aggangita ipterilingajok âᴋilaukpât.

Exodus 20:11

Uvlune 6ine Nâlekab ᴋilak nunalo imarbiglo ilûnnaitalo imab iluanêtut sanalaungmagit, uvlullo 7ingane merngoersilaukpok: tamanna pivlugo Nâlekab uvlok Sabbateojok saimanartipâ ivsornaitilâllo.

Jesaiase 40:3

Nipliajoᴋarpoᴋ: Inuᴋajuitome Nâlekab apᴋutiksanga âᴋiksorsiuk, naternamelo apᴋosinersoaᴋ maniksarsiuk Gûdiptingnut.

Jesaiase 40:6

Okoᴋsê, oᴋartoᴋarpoᴋ: Oᴋâlagit! Kiojoᴋarivoᴋ: Kanoᴋ oᴋâlajuksauvêk? Imâk: Uviniggit illũnatik iviksukatitut-iput pinarnarningallo nuvugulaktut-ipoᴋ natername.

Jesaiase 40:9

Zione, tussarnertunik oᴋâlajuksaujotit, majorarit ᴋaᴋᴋamut poᴋtojomut; Jerusaleme, tussarnertunik oᴋâlajuksaujotit, nippeᴋarit sôngojomik, nipliadlarit sivoranaglo; Jûdab iglugasaksoangit oᴋâlavigikit: Ahâk, tagga Gûdise!

Jesaiase 42:12

Tâpkoa Nâlegaᴋ opigilitsuk nertornarningalo oᴋautigivlugo ᴋikkertane!

Jesaiase 44:23

Kilait, nertordleritse, Nâlegaᴋ tamattominga piniarmat! nunaᴋsûb inningit akpasiktut, nipliadlaritse! ᴋaᴋᴋat, iggiaᴋomijaritse napârtoliksuit napârtullo tagvanẽtut tamaita illagivlugit, Nâlekab Jâkokkut piulingmagit Nâlegaujotôvlune Israêleme.

Jesaiase 58:1

Nipperᴋortojomik nipliagit illerasungnak, nipliadlarit tiptulautitut, inuᴋotikka ᴋaujitikit tappatoninginik Jâkokkullo idluitullininginik.

Jeremia 10:10

Nâlagarle Gudeovoᴋ mikseᴋârtoᴋ; Gudeovoᴋ ômatsainartoᴋ, ataniovlunalo issoᴋangitoᴋ; tâpsoma ningaumajârningane nuna sajukpilakpoᴋ, inôᴋatigêksuillo tâpsoma silungninga sappilerpât.

Hesekiel 7:2

Igvillo, inûb erninga, imâk, oᴋarpoᴋ Nâlegaᴋ Nâlegaujoᴋ Israêlib nunanganut; Naggatiksaᴋ, naggatiksaᴋ tikipoᴋ nunab terreᴋunginut sittamanut.

Hesekiel 7:6

Naggatiksaᴋ ᴋaivoᴋ, naggatiksaᴋ tikilerpoᴋ, ilingnut neliutilerpoᴋ; ahâk, tikilerpoᴋ,

Daniel 8:19

Oᴋarporlo: Nalonaijaivigijomavagit pijomârtuksanik ningarnirub naggatiksangata tungâni; naggatiksab naliuninganut kajusijutaujomut ilingangmat.

Hosea 8:1

Tiptulaut ᴋanernut pileruk; nektoraliktut Nâlekab iglunganut pivoᴋ; angiᴋatigêngnera tapagingmatsuk, perᴋojakkalo nâlagungnailugit.

Mâlaki 2:2

Tusâjomangikupse, ômamiutarijomangikupsiuglo attera opigijaksarigapsiuk, oᴋarpoᴋ Nâlegaᴋ Zebaot, tagva ôminarsijautiksaᴋ tililârpara akunapsingnut, saimanartoᴋotigijaselo ôminarsititsomavakka; ilâ, ôminarsititsarêrpakka, ômamiutarilaunginapsiuk.

Mattêuse 25:13

Tamanna pivlugo pigâritse; uvlorlônêt stundelônêt nalogapsigik, Inûb Erningata tikitsomârvinga.

Lukase 17:18

Assianik utertoᴋangilâk Gûde nakorilugo takorngartamit ômangât?

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;

Josua 7:19

Josualo Achanemut oᴋarpok: Ernîk nertordlernermik tunnijilerit Nalekamut Israelib Gudinganut, nakorilugolo pît, oᴋautilungalo, sunamik pinialaukât? missiarviginangalo sunamik.

I Pêtrusib 4:7

Tamaitaᴋsuille naggatiksangat ᴋaglilerpoᴋ.

Takotitaunermik 11:13

Tagvainarlo nuna sajukpilâdlarpok angijomik, iglugasaksuillo tallimaujortôlilugit tallimaujungit ochovut, toᴋotauvullo nunab sajukpilâdlarninganut inuit 7,000 it, amiakullo ᴋoaᴋsângadlarput nertordlerlutiglo ᴋilaub Gûdinganik.

Takotitaunermik 11:18

Nelojullo ᴋaningajâdlarput, ningaumajârnîlle neliutilerpok, toᴋungajullo erᴋartortauniarvingat, kivgatillo, nelautaijoᴋotitillo, ivjornaitullo, aterniglo nâlektut, mikijullo angijullo akkileromagangne; asserorlugillo nunamik asseruilauktut.

Takotitaunermik 15:4

Kia kuksasugviginajangilâtît, Nâlegak, attît nakorivlugô? Kissivît hailigeojotôgavit. Nelojut ilûnatik tuksiariartorviginiarmatit, akkiniarnitit nelonairsimangmatta.

Takotitaunermik 16:9

Inuillo ônadlarput kiaksoarmut, Gûdiblo kappianartunik tamakkoninga aulatsijub atinga mitautigivât, ᴋaᴋialingilallo tâpsominga nâleklutik.

Takotitaunermik 18:10

Nangeromârpullo ᴋaningitangane kappiasuktitauninga erᴋsigivlugo, oᴋarlutiglo: Kappianarmêk, kappianarmêk iglugasaksuit angijut Babilône, iglugasaksuit sôngojut! Stundeme atautseme erᴋartortaunît neliutivok.

Takotitaunermik 18:17

Stundeme atautseme akluinerit tamakkoa asserorsimangmatta. Umiaᴋsuillo angajoᴋângit ilûnatik, inugasaksuillo umiaksoarnêtut, kipalullo ilûnatik niuverniartut imarbiksoakut, ᴋaningitome nangerput;

Takotitaunermik 18:19

Sannîllo karngautigivait niaᴋomingnut, ᴋeavlutiglo ogguadlarnerniglo nipliadlarput, oᴋarlutiglo: Kappianarmêk, kappianermêk iglugasaksuit angijut tâpkonane ilûnatik imarbingme umiaᴋsoakartut akluitigilaukpait niorvgotiksangit! Stundeme atautseme asserorsimangmatta.

Takotitaunermik 19:5

Iksivautaᴋsoarmillo nippe pivok: Gûdivut nertorsiuk, tâpsomunga kivgaujose nâlektullo tamapse, mikijullo angijullo!

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.

Takotitaunermik 4:9

Omajullo (sitamat) nertulerangatsuk nakorivlugolo ᴋujagiviklugolo iksivautaᴋsoarme iksivajok, issoᴋangitomit issoᴋangitomut inôjok,

Takotitaunermik 8:10

Engelillo pingajuat tiptulausijarivok. Uvloriaksoak tagva ᴋilangmit kattakpok, nennergutsoatun ikoalajok, kôllo pingasuililugit, puailavîllo tupvigivait;

I Samuel 6:5

Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.