Takotitaunermik 14:4 - Labrador Inuttitut Heritage Bible

⁴ Tâpkoa tagga, arnanut ipeᴋtotisimangitut; uigasôgamik, Saugârsuglo namut pijarangat malikpât. Tâpkoa pisiangovut inungnit sivorlerpângovlutik Gûdemut Saugârsungmullo.

Takotitaunermik 14:4 Iomraidhean Croise

Imgerut 45:14

Annorâlijarlune taksapatânik tassiortauvlune âtauvok attannermut; uigasuit mallikpât, illagijangit âtauvut illingnut.

Imgerut 74:2

Illagêktoᴋotitit erᴋarkit, itsaksoarmit pinialauktâttit, kingormgutijaksarnullo piulilauktâttit; ᴋaᴋᴋak Zion innigijât (erᴋaruk)!

Imgerusersoak 1:3

Mingoarutiksaᴋotivît tippingat mamadlarpok; attit mingoarutiovok ᴋovijaumajok, tamanna pivlugo uigasuit nagligivâtit.

Imgerusersoak 6:8

Attauserle Taubeᴋotigivara, idluitailijoᴋotigivara. Attausek anânangata nagligijanârivâ, anerijaumajovorlo erniarijiminut. Panît takkolauramitsuk pilloringnerarpât; arnat attanniojut pannervgallo nertorpât.

Jeremia 2:3

Israêle ivsornaitoᴋutaulauᴋpoᴋ Nâlakamut, perorsijaᴋotingita innerᴋârtungit; nungûtsijut tâpkoninga passijaksaulârput, tikitaulârput ogguarnartomut, Nâlagaᴋ oᴋarpoᴋ.

Amos 6:1

Kapianarmek ilimasungitut Zioneme, terliktullo Samariab ᴋakᴋangane, erᴋanartut inôᴋatigêksuit angajoᴋângit, Israêlib ᴋitorngangita aivigijangit.

Mattêuse 19:12

Aipaitoᴋarporle ilanginik, anânamik timinganit taimaidlutik erniangomajunik; aipaitokarivorlo ilanginik, inungnut aipaitôᴋojaujunik; aipaitokarivorlo ilanginik, pijarilutik aipaitsomajunik, Gûdib nâlegauvia pivlugo. Tikkisijungnartub tikkisiliuk una!

Mattêuse 25:1

Tamanna naliutikpat, Gûdib nâlegauvia uigasuktitut tallimaujortutitut itsomârpok, ᴋollermingnik tigusijutitut, anijutitullo, uiksak pagrearlugo.

Mattêuse 8:19

Aglangniglo ilisimajok tikipok Jêsusemut oᴋautivlugo: Ajoᴋertuijok, maligomavagit, namullônêt aiguvit.

Johannese 10:27

Saugaᴋotima nipiga tusarpât ilitarivakkalo; malikpângalo.

Johannese 12:26

Kivgartoromajûb uvamnik, maliklinga; najukamnelo kivgara tagvanêtsomarivok. Atâtamalo uvamnik kivgartorniartok nertoromârpâ.

Johannese 13:37

Pêtrusib kiovâ: Nâlegaᴋ, sôk tamattomane maligungnangilagît? Inôsera tunijomavara pivlutit!

Johannese 8:12

Tagva Jêsusib oᴋarvigigivait oᴋarlunelo: Silaᴋsoarmiut ᴋaumanerivânga; uvamnik maliktok tâᴋtome arvertarniangilak, ᴋaumajorle inôgutaujok piginiarpâ.

Apostelit Piniarningit 20:28

Tagva mâna udsertoritse ilipsingnik ilagêktuniglo ilûnainik, Anernerub ajunginerub ajoᴋertuijungortilaungmase tâpkoninga, Gûdib ilagêktitangit pairilugit aungminut pisiarilauktangit.

I Korintemiunut 16:15

ᴋaiblarpapsele, ᴋatangutikka: Stefanasib iglomioᴋatingit ᴋaujimavase, tâpkoa okperᴋârtôngmatta Achâjame, ingmingniglo tunivut, ivjornaitut (okpertut) kivgartoromavlugit.

I Korintemiunut 6:20

Akkitudlartomik pisiangomagapse: taimaimat Gûde nertorsiuk timipsingne tarnipsingnelo, Gûdib tamakkoa perᴋutigingmagit.

I Korintemiunut 7:28

Nulianikkuville, idluitulingilatit; uigasuglo uinikkune, idluitulinginivok. Taimaitulle timikut kappianarneᴋarniarput. Taimaitaukojomangigalloarpapse.

II Korintemiunut 11:2

Ilungertorama pivluse Gûdib ilungertûtânut. Katitinapse angumut, tagva Kristûsemut, uigasungmik ivsornaitomik âtsivigijomavlugo.

Efêsusemiunut 1:14

Tâmna kingormgutijaksaptingnut nalunaikutarivavut, inuᴋotingita piulijauviksangat tikidlugo, ânanauninga nertortauᴋovlugo.

Efêsusemiunut 5:27

Ingminut pititsomavlugit illagêt ânanaujut, ivsornartoᴋangitut, imulloᴋangitullo, taimaitomiglônêt assianik peᴋangitut, ivsornaiᴋovlugille pidlaraksausuerlutik.

I Timôteusemut 4:3

Tâpkoalo okpertut mikseᴋârnermiglo ilitarsijut nuliarêlerᴋongilait, aglerᴋovaillo nerᴋiksanik Gûdib pingortitanginik, ᴋujalinermut tigujaksanginik.

Ebrêerinut 12:23

Erniangoᴋârtullo illagêngninginut, ᴋilangme aglaksimajunut, Gûdemullo tamainik erᴋartuijomut, idluartullo pijarêrsimajut anerninginut,

Jâkobusib 1:18

Issumaminik tâpsoma ernertârilaukpâtigut, mikseᴋârnerub oᴋausertanginut; sivorliojôᴋovluta pingortitanginit.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 21:22

Tempelemiglo tâpkonane takungilanga; Nâlegak Gûde ajugaᴋangitovitôjok Saugârsuglo Tempelegingmagik.

Takotitaunermik 21:23

Iglugasaksuillo seᴋinermut takᴋermullônêt ᴋaumarsartaujariaᴋangilat; Gûdib ânanauningata ᴋaumartingmagit, Saugârsuglo ᴋaumautigivât.

Takotitaunermik 3:4

Inuᴋoteᴋarpottitauk ikitunik Sarduseme, annorâmingnik ipeᴋtotitsilaungitunik; tâpkoalo arvertaᴋatigijomârpânga ᴋaᴋortanik annorâlijarlutik, taimaituksaugamik.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;