Takotitaunermik 14:14 - Labrador Inuttitut Heritage Bible

¹⁴ Takogivungalo, ahâglo nuvuja ᴋaᴋortak, nuvujamelo iksivajok inûb erninganik adseᴋartok, niaᴋomine niaᴋôteᴋartok goldemik, kibluitemiglo ipiktomik tigumiartok.

Takotitaunermik 14:14 Iomraidhean Croise

Imgerut 21:3

Igvit koverigangne saimartitsinernik ajungitomik, niaᴋutelo Goldeojok illivet niaᴋoanut.

Imgerut 97:2

Nuvujat, târniublo illumavât idluarnerlo idluarsainerlo iksivautavît aulajuijutigivak.

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Hesekiel 1:26

Issivisimajôjârtublo niaᴋungita ᴋolânêtub ᴋolâne iksivautaᴋsoangojârtoᴋarpoᴋ, ujarᴋab Safiremik atteliub tautuatut: iksivautaᴋsoangojârtomelo iksivajoᴋarpoᴋ inôjârtomik.

Daniel 7:13

Takotitjutini unnuarmi takovunga, ahâglo, ᴋilaub nuvujangini ᴋaijoᴋarpoᴋ inûb iningatun-itomik, tikiporlo uvlut inuᴋoartunganut, âpâllo tâpsoma sânganut.

Mattêuse 13:30

Tammarmik perorᴋatigêkilit, katersivik naliuterᴋârtinago: katersivigle naliutilerpat, kibluijut oᴋautigomavakka: Perornerluktokulluit katerᴋârsigik, ᴋepidlugillo ikoalaklugit; perornitsiariktulle katersorsigik ᴋematulivimnut.

Mattêuse 17:5

Sulle taimâk oᴋartilugo, ahâk nuvujab ᴋaumajub ullikpait. Ahâglo, nippe nuvujamit oᴋarpok: Tagga ernera nagliktara, ᴋuviagijara, tâmna nâleksiuk!

Markuse 4:29

Sulugainermarîlle inerangata, inuata kibloriartorsârpait, katersivik neliutingmat.

Lukase 21:27

Taimaipallo Inûb Erninga tagva takoniarpât nuvujatigut ᴋaijok, pitsartudlarlune ânanaudlartok.

Ebrêerinut 2:9

Tâmnale anikitomik Engelinit mingnersautitaujoᴋ, Jêsusiongmat takovavut, toᴋub ânernadlarningagut niaᴋôsersimajoᴋ nertornarnermik nâlengnarnermiglo, Gûdib nâpkiningninganut toᴋomik ôksiniarᴋovlugo tamaita pivlugit.

Takotitaunermik 1:13

Nannergoarvîllo tâpkoa 7 it ᴋerᴋanêtomik tautulerpunga inûb erningata adsinganik; tâmna annorârsimajok angijoktamik, ᴋeterusersimavlunelo sakiangmigut ᴋeterumik goldemik.

Takotitaunermik 1:7

Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.

Takotitaunermik 10:1

Engelemiglo assianik sôngojoksoarmik takovunga, ᴋilangmit aᴋᴋartomik; tâmna nuvujamik annorârsimavok, ajagutaᴋaporlo niaᴋungane, kênanga seᴋinertun-ipok, itigangillo sukatitut ikomaliktitun-iput.

Takotitaunermik 11:17

Oᴋarpullo: ᴋujagidlarpaptigit Nâlegak, Gûde ajugaᴋangitovitôjotit, tamattomane itotit, ilauktotillo, itsomârtotillo, pitsartujoksônît atorangne nâlegautilutillo;

Takotitaunermik 19:12

Ijîgiglo ikomatut ikoalajotut-ipuk, unuktuniglo niaᴋôteᴋarpok niaᴋomine, aglaksimajomiglo ateᴋarpok kialônêt ᴋaujimangitanganik, nangminek kissime (ᴋaujimavâ).

Takotitaunermik 20:11

Iksivautaksoarmiglo ᴋaᴋortamik takogivunga, tâpsomanelo iksivajomik; tâpsoma kênanganit nunalo ᴋilaglo ᴋemâvuk, tâpkungnungalo iniksamik nagvârtoᴋangilak.

Takotitaunermik 6:2

Takogivunga, ahâglo horsemik ᴋaᴋortamik; tâpsomalo ᴋângane iksivajok pitiksilijartok, niaᴋôtemiglo tunitsiviolertok, ajugaᴋaranelo ailerpok sâlaᴋarniardlune.