Biblia Todo Logo
Bìoball air-loidhne

- Sanasan -




Takotitaunermik 14:13 - Labrador Inuttitut Heritage Bible

13 ᴋilangmillo nippemik tussarpunga oᴋautjimnik: Aglagit: Piloridlarput toᴋungajut, Nâlekame toᴋojut, mânamit. Ilâ Anernek oᴋarpok, merngoerserniarmatta sulijamingnit, piniarningitalo malikpait.

Faic an caibideil Dèan lethbhreac




Takotitaunermik 14:13
41 Iomraidhean Croise  

Kivgaittauk tâpkonunga ᴋaumaksartauvok; malliktorlo tamakkoninga angijomik akkilertauvok.


Idluarnek arvertarniarpok tâpsoma kênangata sângane, tutininelo pitiniarpait apᴋosinermut.


Nâlekab uttertitangit uttileromârput, Zionemullo tikkitsomârput iggiaᴋomijarlutik; ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait; kiksarnerlo anersauminerlo ᴋemâjomârpuk.


Igvilli aularit naggatiksaᴋ tikidlugo; mingoêrsituksaugavit, iniksanilo nanituksauvlutit uvlut naggatiksangani.


Ahâglo, nippe ᴋilangmit oᴋarpok: Tagva ernera nagliktara, tâmna ᴋuviagijara.


Abrahable oᴋautivâ: Ernîk, erᴋaumagit, inôtilutit ajungijutitit pilaurangne: Lazarusele kappiaktoadlalauktok mâna manigortauvok, igville âniatitauvotit.


Oᴋaupapselo: Ilannâksarsiniaritse nunab pinginut idluangitunut, ajoksarupse ilaliortauᴋovluse iglunginut nâksaungitunut.


Inôguptale, Nâlekamut inôvogut; toᴋoguptalo, Nâlekamut toᴋovogut. Taimaimat inôguptalônêt, toᴋoguptalônêt, Nâlekab perᴋutigivâtigut.


Taimâktauk assiomavut Kristûseme sinisimajut.


Mânale Kristûse toᴋungajunit makisimavok, sivorlerpângovorlo sinisimajut akornganit.


Taimaimat nagliktakka ᴋatangutikka, Nâlekab piniarᴋojanginik pivalliatsainaritse, sôngoluse soᴋᴋosijuititse! Nalunginapse, piniarnise Nâlekame sulinase pinginapsigik.


Sivôrangilagulle; timelo ᴋemaklugo angergarneᴋ Nâlekamut ᴋuviaginersarivavut.


Augale kovijaukpallônêt okpernipsingnut, Gûdemik kivgartûtigijapsingnut, tunergutaujomut sorlo, ᴋuviasukpunga, ilûnaselo ᴋuviasuᴋatigiluse.


Okperupta, Jêsuse toᴋovlunelo makisimangmat, Taimâktauᴋ Gûdib ipkua Jêsuseme sinisimajut neksaromârivait illagilerdlugit.


Nangmineᴋ Nâlegaᴋ ᴋilangmit aᴋᴋaromârmat nippersoarmut kajungersarnartomut, Engelit ataningata nippinganut, Gûdiblo tiptulautinganut, Kristûsemelo toᴋungajut makerᴋâromârput.


Tâmna toᴋovoᴋ pivluta, inôᴋatigivlugo perᴋovluta, erᴋomatilutalônêt siniktilutalônêt.


Inuit ilangita ajorningit sivorngagut sakᴋijârput, erᴋartortaujungnarlutik; ilangille kingorngagut sakᴋeromârput.


Taimâktauk ajungitulinerit ilangit sivorngagut nelonangilat; assingillo taimaingitut ijerartortaujungnanginivut.


Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.


Kalluillo 7 it nippitik anitsarêrmatigik, aglagomalauktakka; nippemigle ᴋilangmit pijomik tussarpunga, uvamnut oᴋartomik: Naᴋitjusikit kalluit 7 it oᴋausingit, tâpkoa aglangniarnagit.


Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.


Gûdiblo Tempelinga ᴋilangme upkuêrtaulerpok, Testamentingatalo iklervinga takuksauvok Tempelingane, ᴋaumalaᴋarporlo, nippersoakalarmelo, kallidlarlarmelo, nuna sajukpiludlarlarmelo, nettaᴋonadlarlarmelo.


Engelillo 7 ingata iluleᴋutime imanga kovivâ silamut. Nippersoak tagva ᴋilangmit pivok iksivautaᴋsoarmit oᴋartok: Pimajarêrpok.


Oᴋarvigivângalo: Aglagit: Piloridlarput ᴋairᴋojaujut Saugârsûb Kommunioninganut katititauviksangane. Oᴋarvigigivânga: Tamakkoa Gûdib oᴋausingit mikseᴋârtôjut.


Illagêt Efêsusemiut Engelingat aglagvigiuk: Uvloritjanik 7 inik talerpingminut tigumiartok, nennergoarvît 7 it goldit akorngane arvertartok imâk oᴋarpok:


Siutiliub tussarligit Anernerub oᴋausingit illagênut: Sâlaᴋartok nerrititsomavara napârtomit ômanartomit, Gûdib Paradîsinganêtomit.


Piloridlarpok ivjornaitôvlunelo makinermik sivorlermik illangiutijok; taimaitomut toᴋub aipanga pitsartuneᴋangimat, Gûdemullo Kristûsemullo ajoᴋertuijôjomârput, atanioteᴋatigilugolo jârine tausendine.


Iksivautaksoarmelo iksivajok oᴋarpok: Ahâk, tamaitaᴋsuit nutângortipakka. Oᴋarvigivângalo: Aglagit; oᴋautsit tamakkoa mikseᴋârtôvlutik okpernartoksôngmatta.


Anernerlo nuliaksarlo oᴋarpuk: ᴋait! Tamatttomingalo tussartok oᴋarle: ᴋait! Imeruktorlo ᴋaile, pijomajorlo imermik ômanartomik pile akkeᴋangitomik.


Atunillo tâpkoa tunitsiviovut annorâmik ᴋaᴋortamik, oᴋautjauvlutiglo, sulle neliutomik anikitomik merngoêrserᴋovlugit, kivgauᴋatitik ᴋatangutitiglo sulle toᴋotauniartut tâpkotitunak illautsiarilugit.


Lean sinn:

Sanasan


Sanasan