Takotitaunermik 14:11 - Labrador Inuttitut Heritage Bible

¹¹ Aniangitalo iserlunga ᴋongmuaromârpok issoᴋangitomit issoᴋangitomut; inilangajungnangilallo uvlôtilugo unnuamelo, nergjutemik tâpsomalo adsingoanganik tuksiarveᴋalauktut, atingatalo nelunaikutanganik illaliulauktut.

Takotitaunermik 14:11 Iomraidhean Croise

Genesis 19:28

Sodomab Gomorrablo nunangak takosarpâ, nunablo tamattoma erᴋâ ilûnât. Takosarmallo, sunaubva, isserluksoaᴋ nunamit ᴋangatarpoᴋ, sorlo kiaksautiâlub isserluksoanga.

Imgerut 10:16

Nâlegak attanniotsainarpok issoᴋangitomut; nallojut nunanganit nungutaujomârput.

Imgerut 145:1

Angijorortitsomavagit, Gûdiga, attaniôjotit, attillo nertutsainaromavara issoᴋangitomut.

Exodus 15:18

Nâlegak ataniovok isoᴋangitomit isoᴋangitomut.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jesaiase 34:10

Unnuakullõnêt uvlokullõnêt ᴋammitaksaungilaᴋ, issinga ᴋongmuaromârpoᴋ soraijuidlune, kinguvângita kingorlinginut inniksaujungnairomârpoᴋ, attautsemiglõnêt pissuktoᴋaromângilaᴋ tagvûna issoᴋangitomut.

Jesaiase 34:8

Tâmnaungmat uvloᴋ Nâlekab sugiarviksanga, jâre akkiorviksaᴋ Zione pitjutigivlugo.

Jesaiase 57:20

Idluitullijulle imarbiksoatut-iput iktullijâdlartotut; ikkublaumijungnangilaᴋ manna, malliksoangillo maujâlungmik mamaitoâlungmiglo tipjautitsivut.

Daniel 3:6

Pâmaktingitorlo opigosulungtoᴋ tagvainaᴋ igitaujuksauvoᴋ kiaksautiâlub ikomaliksûb ᴋiᴋânut.

Joel 2:30

Tatamnadlartuniglo saᴋᴋijârtitsijomârpunga ᴋilangmelo nunamelo, aungmik, ikomamiglo, isserlungniglo napajunik.

Mattêuse 11:28

ᴋaititse uvamnut tamapse, ajulertose kappiasuktoselo, nakoᴋsititsomavapse.

Mattêuse 25:41

Saumingmêtunullo oᴋarniarivok; Idluitoâlôjose, uvamnit aularitse, ikomamut ᴋamitsuitomut pijarêrsimajomut Sâtanasemut Engelinginullo.

Mattêuse 25:46

Tâva taipkua ânianartoksoarmut nungusuitomut pijomârput; idluartulle inônermut nâksaungitomut.

Deuteronomy 28:65

Inôᴋatigêksuillo tâpkoa akorngane inilangaviksarsijomângilatit, itikavîllo alungit merngoerserviksarsijomângilat; Nâlekable tagvane tunitjivigijomârpâtit ômatemik sajuktomik, ijiniglo taututsiarungnaitunik, tarnemiglo kipitomik;

Ebrêerinut 1:8

Ernerle pivlugo oᴋarpoᴋ: Gûde, iksivautat issoᴋangitomit issoᴋangitomut itsainarpoᴋ; nâlegauvikpît ajaupianga opigijaujutiksaᴋ naggojôvlune opigijautiksauvoᴋ.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 13:12

Pitsartuneᴋarlunelo tamainik piniarpok nergjututut sivorliojotut tâpsoma takoane, nunalo tâpsomanelo nunaᴋartut pitipait tuksiarveᴋarᴋovlugit nergjumik sivorlermik, mamilauktomik ikiminit toᴋonartomit.

Takotitaunermik 13:15

Pitsartuneᴋartitauvorlo nergjutsûb adsingoanga anerneᴋartidlugo, nergjutsûb adsingoanga oᴋarungnarᴋovlugo, piniarᴋovlugolo, nergjutsûb adsingoanganik tuksiarveᴋaromangitut toᴋotauᴋovlugit.

Takotitaunermik 13:17

Pisiniartoᴋarᴋonago niuverniartoᴋarᴋonagolônêt taimak nelunaikusersimangitomik nergjutsûb atinganiglônêt, atingata kittitanganiglônêt.

Takotitaunermik 14:9

Engeliglo pingajungata tâpkoa malikpak nippersoarmullo oᴋarlune; Neliata nergjut tâmna adsingoangalo tuksiarvigigunigik, nelunaikutanganiglo ᴋaungmigut aggangmigullônêt tigusigune,

Takotitaunermik 18:18

Nipliadlarlutiglo, ikomangata isserlunga takogamitsuk, oᴋarpullo: Iglugasaksuit angijut ukkua ane adseᴋarᴋât?

Takotitaunermik 18:9

Atanîllo nuname tâpsominga arnarnialauktut ikligudlarvigilugo, ᴋeaniarpât kappiaktoadlarutigivlugolo, ikomangata iserlunga takogamitsuk.

Takotitaunermik 19:3

Aipanganiglo oᴋarivut: Hallêluja! Iserlungallo ᴋongmuatsainarpok sorairane.

Takotitaunermik 20:10

Sâtanaselo tâpkoninga tamartitsijok egitauvok ᴋôrᴋumut orᴋsorutelingmik ikomaᴋsoalingmut, nergjutsûb nelautaijublo nellangaitub iningangnut; âniatitauniarivullo uvlôtilugo unnuamelo issoᴋangitomit issoᴋangitomut.

Takotitaunermik 22:5

Tagvane unnuaᴋarniangilak, ᴋaumajutiksamiglo seᴋiniublônêt ᴋaumaninganik pijariaᴋarnianginivut, Gûdib Nâlekab ᴋaumarsarniarmagit, ataniotijomârpullo issoᴋangitomit issoᴋangitomut.

Takotitaunermik 7:12

Oᴋarlutiglo: Amen, nakorijaunerlo, nâlengnarnerlo, silatunerlo, ᴋujanarnerlo, nertornarnerlo, pitsartunerlo, ajugaᴋanginerlo Gûdipta pigiligit issoᴋangitomit issoᴋangitomut. Amen.