Takotitaunermik 13:7 - Labrador Inuttitut Heritage Bible

⁷ Perᴋojaugivorlo ivsornaitut sorsugvigilugit sâlagilugillo; pitsartuneᴋarvigivlugillo kinguvârêt ilûnaita, ingmigôlingajuniglo oᴋausilit nelojullo.

Takotitaunermik 13:7 Iomraidhean Croise

Exodus 9:16

Tamanna pivlugole inûlivagit, pitsartunera takuksautitsomavlugo ilingnut, ateralo oᴋautigijaurᴋovlugo nuname ilûnâne.

Jesaiase 10:15

Ullimaut nertorungnarᴋâ attortiminut? ubvalo kiblût nertorungnarᴋâ attortiminut? Taimailiorungnarpanik, tagva issaᴋautiub aulanajarivâ aulatine, ajaupiablo kivigajarivâ ᴋejûngitoᴋ (inuk).

Jesaiase 37:26

Tussalaungilatît, uvanga tamanna itsaᴋsoame taimailingatilaurapko, itsaᴋsoarnit kajusimautigivlugo? Mãnale nalliutipara, iglugasaksuit sôngojut asserortaurᴋovlugit serᴋomakungortitauvlutik.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Daniel 7:21

Takonârpunga, ahâglo, nakjûb tâpsoma ivsornaitut sorᴋsugvigivait, sâlagilugillo.

Daniel 7:25

Tâpsomalo ᴋotsingnipângojoᴋ oᴋarnilutigijomârpâ, ᴋotsingnipângojûblo ivsornaitungit unangmidlarlugit; issumaᴋalârporlo naliunirit piᴋojallo ablatsangortitsomavlugit, tâpkoalo tunijaujomârput tâpsoma agganginut naliutoᴋ, naliutullo, naliutûblo abvanga nâvlugit.

Lukase 4:6

Oᴋautivlugolo: Makkoa ataniovît tamaita ânanauningillo ilingnut tunijomavakka; uvamnut tunijaungmatta, issumamniglo tunivakka pijomajamnut.

Johannese 19:11

Jêsusib kiovâ: Pitsartuneᴋarajangilatit uvamnut pângat tunitjiviongikuvit tamattominga; tamanna pivlugo uvamnik pititsijok ilingnut, ajortoᴋarnersauvok.

Takotitaunermik 10:11

Oᴋautivângalo: Ama nelautaijuksaugivotit inugasaksoarnut, nelojunullo, ingmigôlingajuniglo oᴋauselingnut, atanernullo unuktunut.

Takotitaunermik 11:18

Nelojullo ᴋaningajâdlarput, ningaumajârnîlle neliutilerpok, toᴋungajullo erᴋartortauniarvingat, kivgatillo, nelautaijoᴋotitillo, ivjornaitullo, aterniglo nâlektut, mikijullo angijullo akkileromagangne; asserorlugillo nunamik asseruilauktut.

Takotitaunermik 11:7

Kigligiutsinitik nâmaksigunikik nergjutsûb netteᴋangitomit nuijub sorsugomârpak, sâlagivlugiglo toᴋoniarlugiglo.

Takotitaunermik 12:17

Kuglugiaksoarâlub tagva arnak ningaumajârvigivâ aivlunelo tâpsoma kinguvângita amiakungit sorsugiartoromavlugit, Gûdib perᴋojanginik nâlektut kigligiutsijullo Jêsuse Kristûsemik.

Takotitaunermik 17:15

Engeliblo oᴋarvigivânga: Imeksuit takojatit, anguniartub iksivavigijangit, tagga inugasaksuit, katimajoksuillo, nelojullo, ingmigôlingajuniglo oᴋausilit.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;