Takotitaunermik 13:17 - Labrador Inuttitut Heritage Bible

¹⁷ Pisiniartoᴋarᴋonago niuverniartoᴋarᴋonagolônêt taimak nelunaikusersimangitomik nergjutsûb atinganiglônêt, atingata kittitanganiglônêt.

Takotitaunermik 13:17 Iomraidhean Croise

Galâtsiamiunut 6:17

Mattoma kingorngane neliata oᴋumaitiniaraninga; Nâlekab Jêsusib nelunaikutanga timimiutarigapko.

Takotitaunermik 13:16

Tamaitalo imailingatipait, mikijut angijullo, akluitut aklujullo, kivgaungitut kivgaujullo nelunaikuserdlugit talerpingitigut ᴋaungitigullônêt.

Takotitaunermik 13:18

Tagvane illisimaneᴋarpok! Silatuneᴋartub kittiliuk nergjutsûb kittitanga; inûb kittitangatun-ingmat, kittitangalo 666 ovok.

Takotitaunermik 14:11

Aniangitalo iserlunga ᴋongmuaromârpok issoᴋangitomit issoᴋangitomut; inilangajungnangilallo uvlôtilugo unnuamelo, nergjutemik tâpsomalo adsingoanganik tuksiarveᴋalauktut, atingatalo nelunaikutanganik illaliulauktut.

Takotitaunermik 14:9

Engeliglo pingajungata tâpkoa malikpak nippersoarmullo oᴋarlune; Neliata nergjut tâmna adsingoangalo tuksiarvigigunigik, nelunaikutanganiglo ᴋaungmigut aggangmigullônêt tigusigune,

Takotitaunermik 15:2

Takovungalo sorlo imarbingmik igalâksajaujârtomik ikomamik akkulersimajomik, tâpkoalo sâlaᴋalauktut nergjumik adsingoanganiglo, nelunaikutanganiglo, atingatalo kittitanganik nangerput imarbiub igalâksajaujârtub sinâne, Gûdib harfinginik tigumiarlutik.

Takotitaunermik 17:5

Kaunganelo atek aglaksimavok: Nelonartok, Babilônersoak, ajortulinerit maᴋojungnarnerillo ilûnatik anânangat nuname.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

Takotitaunermik 22:4

Kênangalo takojomârlugo; atingalo ᴋaunginêtsomârpok.

Takotitaunermik 3:12

Sâlaᴋartok sukkangortitsomavara Gûdima iglungane, tamattomangallo kingorngane anijungnainiarpok. Gûdimalo atinga aglagomavara tâpsomane Jerusalemiblo nutâb atinga, Gûdima iglogasaksoangita ᴋilangmit akᴋartut Gûdimnit, ateralo taimna nutâk.

Takotitaunermik 7:3

Oᴋarlunelo: Nuna akᴋunarniarnago, imârbiglônêt napârtullônêt, Gûdipta kivgangit naᴋitjutilugit (nelunaikuserdlugit) ᴋaungitigut perᴋârtinata.