Takotitaunermik 13:15 - Labrador Inuttitut Heritage Bible

¹⁵ Pitsartuneᴋartitauvorlo nergjutsûb adsingoanga anerneᴋartidlugo, nergjutsûb adsingoanga oᴋarungnarᴋovlugo, piniarᴋovlugolo, nergjutsûb adsingoanganik tuksiarveᴋaromangitut toᴋotauᴋovlugit.

Takotitaunermik 13:15 Iomraidhean Croise

Genesis 2:7

Gûdelo Nâlegaᴋ ivjomit, nunab ilanganit, inuliorpoᴋ, supporlugolo anernermik ômanartomik ᴋingâkikkut. Taimaglo inuk tarnelingorpoᴋ ômajomik.

Imgerut 115:5

Kanneᴋarput oᴋaratiglo; ijearput tautugatiglo;

Jeremia 10:14

Inuit ilûnatik silaitôvut ilisimaneᴋaratik, goldelerijut ilûnatik kangusuktitauvut gudingoaliarimajamingnut; gudingoaliarimajangit auktisimajut sagloniovut anerneᴋanginamik.

Jeremia 10:5

Nappajotuinauvut napârtutitut sanasimajutitut, oᴋarungnangilallo; adjartaujariaᴋarput pisugungnangimatta. Erᴋsiginiarasigik, idluitomik piniarungnangimatta, ajungitulinerlo tâpkonanêngilaᴋ.

Jeremia 51:17

Inuit ilûnatik silaitôvut ilisimaneᴋaratik, goldelerijut ilûnatik kangusuktitauvut gudingoaliarimajamingnut; gudingoaliarimajanga auktisimajoᴋ sagloniovoᴋ, anerneᴋangimat.

Daniel 7:20

Nakjuillo 10 niaᴋunganêtut pivlugit, nakjuglo tâpkoa assiat nuijoᴋ, tâpsomalo nuiviani pingasut katakput; ilâ, nakjuk imna ijilik, ᴋaniliglo oᴋausisoarnik oᴋâlajomik, angiluartorlo saniliminit.

Daniel 7:25

Tâpsomalo ᴋotsingnipângojoᴋ oᴋarnilutigijomârpâ, ᴋotsingnipângojûblo ivsornaitungit unangmidlarlugit; issumaᴋalârporlo naliunirit piᴋojallo ablatsangortitsomavlugit, tâpkoalo tunijaujomârput tâpsoma agganginut naliutoᴋ, naliutullo, naliutûblo abvanga nâvlugit.

Habakûb 2:19

Kapianarmêk ᴋejungmut oᴋartoᴋ: Tupalerit! ujarᴋamullo nipliajuitomut: Makigit! Tamanna ajoᴋertuiniarᴋâ? Ahâk, goldemik silberemiglo ᴋagleᴋarpoᴋ, iluminele anerneᴋangimarikpoᴋ.

Jâkobusib 2:26

Sorlo time toᴋungangmat anerneᴋangikune, taimaktauk okpernek toᴋungagivok piniarnermik ilaᴋangikune.

Takotitaunermik 13:1

Imarbiublo sinâne siorᴋane nangerpunga. Nergjutsoarmiglo imarbingmit ᴋakᴋijomik takovunga, niaᴋolingmik 7 nik, nakjuᴋarlunelo 10 nik; nakjunginelo niaᴋôteᴋalaukpok 10 nik, niaᴋunginelo aternik mitautilingnik (aglaksimajokarpok).

Takotitaunermik 13:12

Pitsartuneᴋarlunelo tamainik piniarpok nergjututut sivorliojotut tâpsoma takoane, nunalo tâpsomanelo nunaᴋartut pitipait tuksiarveᴋarᴋovlugit nergjumik sivorlermik, mamilauktomik ikiminit toᴋonartomit.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 14:11

Aniangitalo iserlunga ᴋongmuaromârpok issoᴋangitomit issoᴋangitomut; inilangajungnangilallo uvlôtilugo unnuamelo, nergjutemik tâpsomalo adsingoanganik tuksiarveᴋalauktut, atingatalo nelunaikutanganik illaliulauktut.

Takotitaunermik 14:9

Engeliglo pingajungata tâpkoa malikpak nippersoarmullo oᴋarlune; Neliata nergjut tâmna adsingoangalo tuksiarvigigunigik, nelunaikutanganiglo ᴋaungmigut aggangmigullônêt tigusigune,

Takotitaunermik 16:2

Sivorliublo kovijartorpâ iluleᴋutime imanga nunamut. Kappianartoksoarmik asserornartomik tagva ajuadlarput inuit nergjutsûb nelunaikutanganik peᴋartut, adsingoanganiglo tuksiarveᴋartut.

Takotitaunermik 16:5

Imiublo Engelinga tussartara oᴋartok: Nâlegak, idluartoksôvotit tamattomane itotit, ilauktotillo, hailigiojotit taimak erᴋartuigavit;

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 17:17

Gûdib ômatingit aulatingmagit, issumanga nâleklugo, atautsemiglo piniarlutik issumaᴋartidlugit, nergjumullo tunijilutik ataniovingmingnik, Gûdib oᴋausingit nâmaksititauᴋârtinagit.

Takotitaunermik 17:6

Arnarlo tâmna takovara tallatok ivsornaitut aunginut, Jêsusemiglo kigligiutsijut aunginut. Takogapkolo, angijomik tataminiarpunga.

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

Takotitaunermik 18:24

Tâpkonanelo nagvârtauvuttauk nelautaijut ivsornaitullo aungit, ilûnatiglo nuname toᴋotaujut aungit.

Takotitaunermik 19:20

Nergjut tagva tigujauvok, tâmnalo illagilugo nelautaijok nelangaitok, tâpsoma takoane tatamnartulidlalauktok, tamakkonunga tamartilaungmagit nergjutsûb nelunaikutanganik tigusimajut, adsingoanganiglo tuksiarveᴋalauktut; tâpkoa magguk ômavlutik egitauvuk ᴋôrᴋumut orᴋsorutelingmik ikomaᴋsoalingmut.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.