Takotitaunermik 13:10 - Labrador Inuttitut Heritage Bible

¹⁰ Parngnanairsimavingmut pititsijok parngnanairsimavingmut pititaksaugivok; saviksoarmut toᴋotsijok saviksoarmut toᴋotaksaugivok. Tagvane ivjornaitut ᴋenuersâriaᴋarput okperneᴋarlutiglo.

Takotitaunermik 13:10 Iomraidhean Croise

Jesaiase 14:2

Nunaᴋatigêksuillo tigujomârpait aitillugillo nunagijaksangannut, Israêlikkullo kivgarijomârpait taipkoa angutillo arnallo Nâlekab nunangane; pititigijatiglo parngnanairsimavingmut pititsomârpait parngnanairsimavingmut, attaniojomârpullo attanerijamingnut.

Jesaiase 26:21

Ahâgle, Nâlegaᴋ inniminit annijomârpoᴋ, nunaᴋsûb inungit pidlariartorlugit kassẽningit pivlugit; nunablo auk ingminut kovijaumajoᴋ saᴋᴋertitsomârpâ, toᴋotaumajullo ingmine niparungnairtillugit.

Jesaiase 33:1

Kappianarmek igvit asserorsaijotit, nangmineᴋ asserortaulungigalloartotit sulle; igvillo aksorôtjijotit, nangmineᴋ aksorôtijaulungigalloartotit sulle. Asserorsainit pijarêrungne, igvittauᴋ asserortaujomârpotit; aksorôtjineᴋ nãmaksigungne, igvittauᴋ aksorôtijaujomârpotit.

Jeremia 15:2

Oᴋautikpatillo: Namut aijuksauvitâ? oᴋautilârpatit: Imâk Nâlagaᴋ oᴋarpoᴋ: Toᴋomut ilingatitaujut, toᴋomut; saviksoarmut ilingatitaujut, saviksoarmut; kângnartoᴋsoarmut ilingatitaujut, kângnartoᴋsoarmut; aularutjaunermullo ilingatitaujut, aularutjaunermut.

Jeremia 43:11

Tikituksauvorlo nunalo Egipten sâlagilugo; toᴋomullo pijuksat tunijaujomârput toᴋomut, aularutijaunermut pijuksat aularutijaunermut, saviksoarmullo pijuksat saviksoarmut.

Jeremiab Ogguarutigijangit 3:26

Idluadlarpok inuk nerriungmat, ᴋenuesârlunelo utaᴋingmat Nâlekab piuliklerninganik.

Habakûb 2:3

Takotitjutib neliuniksane tikitsiaringmago, naggatiksamullo aisâdlarpoᴋ sagloniangilarlo; muludlaraloarpat utaᴋituinaruk; neliutidlalârmat, nelautsinginiangilarlo.

Mattêuse 26:52

Tagva Jêsusib oᴋautivâ: Saviksuit kênailitanganut pôleruk; saviksoarmik atortok, saviksoarmut nungutaksaungmat.

Mattêuse 7:2

Erᴋartuinipsingnut erᴋartortaujomârpose; ôktûtipsingnullo ôktortaujomârivose.

Lukase 21:19

Soᴋoserlugase tarnise piulisigik.

Kolossamiunut 1:11

Ilitarsivalliarᴋovluselo Gûdemik nakoksijauᴋovluselo pitsartunernut illûnainut, tâpsoma pitsartuninganut ânanaujomut, ᴋenuersârluse, kamangitsertorluselo tamaine ᴋuviasukluse;

Ebrêerinut 6:12

Erᴋeasungniarᴋonase, malikteolerᴋovluse kingormgujijuksanik angerutigijaumajomik, okpernermut ᴋenuersârnermullo.

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 11:18

Nelojullo ᴋaningajâdlarput, ningaumajârnîlle neliutilerpok, toᴋungajullo erᴋartortauniarvingat, kivgatillo, nelautaijoᴋotitillo, ivjornaitullo, aterniglo nâlektut, mikijullo angijullo akkileromagangne; asserorlugillo nunamik asseruilauktut.

Takotitaunermik 14:12

Tagvane ivsornaitut ᴋenuêningat; tagvane Gûdib perᴋojanginik okpernermiglo Jêsusemut torᴋuijut.

Takotitaunermik 16:6

Ivjornaitut nelautaijokotitillo aungit tâpkoa kovilaungmagit, aungmik imertilaurivatit, taimaititaujariaᴋarmatta.

Takotitaunermik 17:11

Nergjullo ilauktok itsungnairtorlo, tamna 8 ingat, 7 it illangat, aivorlo asserortauvingmut.

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

Takotitaunermik 2:19

Piniarnitit ᴋaujimavakka, nagligosungnîllo, kivgartornîllo, okpernîllo, ᴋenuersârnîllo, sulidlaravillo kingorlît pivalliatilugit sivorlinit.

Takotitaunermik 2:2

Piniarnitit senanîllo ᴋenuersârnîllo ᴋaujimavakka, idluitulijullo ᴋenuersârvigijungnanginangne, Apostelionermingniglo oᴋartut, taimainatiglo ôktulaurangne, nagvârlutillo saglotojoksôngmatta.

Takotitaunermik 3:10

Torᴋulaurangne oᴋausek ᴋenuersârnimnik, uvangatauk saputijomavagit neliutomit ôktorlungnartomit, silaᴋsoarmiunut tamainut tikitsomârtomit, ôktorlugit nuname nunaᴋartut.

Takotitaunermik 3:3

Tamanna pivlugo erᴋainiarit pigilauktarnik tussalauktarniglo, tamakkoalo malingniakit ᴋaᴋialerlutillo. Pigârniangikuvit tikidlarniarpagit tigliktotut, stundillo naliane tikiviginiarmangâpkit naloniarpotit.