Takotitaunermik 13:1 - Labrador Inuttitut Heritage Bible

¹ Imarbiublo sinâne siorᴋane nangerpunga. Nergjutsoarmiglo imarbingmit ᴋakᴋijomik takovunga, niaᴋolingmik 7 nik, nakjuᴋarlunelo 10 nik; nakjunginelo niaᴋôteᴋalaukpok 10 nik, niaᴋunginelo aternik mitautilingnik (aglaksimajokarpok).

Takotitaunermik 13:1 Iomraidhean Croise

Jeremia 5:22

Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Daniel 11:36

Atanilo pijomajani maliklugo piniaromârpoᴋ; pimariutitsomârporlo nangminiminik, anginisautitsomârporlo nangminiminik gudinit tamainit, gudillo Gudingat oᴋarnilutigijomârpâ tatamnartunik; sulidlaromârporlo ningaumajârnirub naliuninga nâmaksiᴋârtinago; kajusijutaujoᴋ nalautsilârmat.

Daniel 2:41

Sorlolo takolaurangni itikat inugangoallo, ilangagut maggalirijub magganga ilangagullo kikiak, taimak atanioviojomârpoᴋ aviksimajoᴋ, tâpsomanêtoᴋaromârporli kikiaktut sôngotigijomik, takolauravit kikiak akusimajoᴋarmat maggarmik.

Takotitaunermik 11:7

Kigligiutsinitik nâmaksigunikik nergjutsûb netteᴋangitomit nuijub sorsugomârpak, sâlagivlugiglo toᴋoniarlugiglo.

Takotitaunermik 12:3

Nelunaikutablo assia sakᴋerpok ᴋilangme, ahâk ᴋuglugiaᴋsoarâluk angijok aupaluktak, niaᴋoᴋarlune 7 nik, nakjuᴋarlarmelo 10 nik, niaᴋominelo niaᴋôteᴋarlune 7 nik.

Takotitaunermik 13:11

Nergjutiblo asianik nunab iluanit nuijomik takogivunga, maggûngnik nakjuᴋartomik saugârsutut, oᴋauseᴋartomik ᴋuglugiaksoarâluktut.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 13:15

Pitsartuneᴋartitauvorlo nergjutsûb adsingoanga anerneᴋartidlugo, nergjutsûb adsingoanga oᴋarungnarᴋovlugo, piniarᴋovlugolo, nergjutsûb adsingoanganik tuksiarveᴋaromangitut toᴋotauᴋovlugit.

Takotitaunermik 15:2

Takovungalo sorlo imarbingmik igalâksajaujârtomik ikomamik akkulersimajomik, tâpkoalo sâlaᴋalauktut nergjumik adsingoanganiglo, nelunaikutanganiglo, atingatalo kittitanganik nangerput imarbiub igalâksajaujârtub sinâne, Gûdib harfinginik tigumiarlutik.

Takotitaunermik 16:13

Takovungalo ᴋuglugiarsoarâlub ᴋaninganit, nergjutsûblo ᴋaninganit, nelautaijublo nelangaitub ᴋaninganit anernernik maᴋojungnartunik pingasunik anijunik, narrajetun-itunik.

Takotitaunermik 17:16

Nakjuillo tallimaujortut takojatit nergjumêtut ômigijomârpât anguniartok, pêjarlugolo annorairtidlugo, uviningalo nerrivlugo, ikomamullo nungutsomârpât.

Takotitaunermik 17:3

Anernikullo pitipânga inuᴋajuitomut. Arnamiglo takovunga nergjutsûb aupaloriktub ᴋângane iksivajomik, ilûnane ateliksôjub mitautiksanik, niaᴋoᴋartub 7 nik, nakjuᴋartublo 10 nik.

Takotitaunermik 17:5

Kaunganelo atek aglaksimavok: Nelonartok, Babilônersoak, ajortulinerit maᴋojungnarnerillo ilûnatik anânangat nuname.

Takotitaunermik 19:19

Nergjullo imna, atanîllo nuname, sorsuktoᴋutsoangillo takogivakka katersorsimajut sorsugomavlutik horsib ᴋângane iksivajomut sorsuktoᴋutsoanginullo.