Takotitaunermik 12:9 - Labrador Inuttitut Heritage Bible

⁹ Kuglugiaᴋsoarâluglo angijok anititauvok, ᴋuglugiatoᴋak ateᴋartok: Passiklertemik Sâtanasemiglo, silaksoarmiunik tamainik asseroijok, egitauvlunelo nunamut, Engelingillo egitaugivut.

Takotitaunermik 12:9 Iomraidhean Croise

Genesis 3:1

Kuglugiarle pingitsertornersauvoᴋ ômajunit tamainit naternamêtunit, Gûdib Nâlekab sanajanginit, oᴋarporlo arnamut: Gûde oᴋamarigalloarᴋâ napârtut perorsêvingmêtut nallianit nerᴋiksarsiniangilatîk?

Genesis 3:13

Tagva Gûdib Nâlekab arnaᴋ oᴋautivâ: Sôᴋ taimailiorᴋêt? Arnarle oᴋarpoᴋ: Kuglugiab taimak uiveringmanga, nerrivunga.

I Kronika 21:1

Satanasib Israelitit akkerartorpait. Davidelo kajungersarpa Israelitit kittitauᴋolugit piᴋovlugo,

II Kronika 18:21

Tamna oᴋarpok: Aularomavunga, annerniôjomalungalo nallagongitok, tapsoma nallautaijoᴋotingita illunatik ᴋanningine. Tamnalo oᴋarpok: Tilliorniarpat, sullidlarniarlutillo, aularit taimailiorlutillo.

Imgerut 109:6

Gûdeᴋangitok angajoᴋângortiuk tâpsomunga; Sâtanaselo nangerle tâpsoma tallerpiane.

Jesaiase 14:12

Aiai! kattakpotit ᴋilangmit, uvloriangojotit ᴋausiut! Nunamut ochotitauvotit, nunaᴋatigêksoarnik aksorôdjijotit.

Jesaiase 27:1

Taipsomane Nâlekab pidlariartoromârpak leviâta, ᴋuglugiaᴋsoangojoᴋ sukkalidlartoᴋ, leviâtalo, ᴋuglugiaᴋsoangojoᴋ niungajoᴋsoaᴋ, saviksoarmigut sittijokut, angijokut, sôngojokut, toᴋotsomârpâlo imarbiub ômajoâlua.

Jesaiase 65:25

Amaroᴋ saugârarlo nerriᴋatigêgomârpuk, loeve tuktuvaktut ivingnik nerᴋiksaᴋaromârpoᴋ, ᴋuglugiarlo ivjomik nerrijomârpoᴋ. Erᴋsinaromângilat asseroinatiglo ᴋaᴋᴋamne ivsornaitome illũnâne, oᴋarpoᴋ Nâlegaᴋ.

Hesekiel 28:16

Niuverniarnivit unurningit maliklugit, ilumerlauᴋpâtit idluinermik, idluitulivotillo: tamanna pivlugo ivsornartotut ajaktorpagit Gudib ᴋaᴋᴋanganit; pêjarpagillo Kerubiojotit mattojijoᴋ, ujarᴋat ikomalit akornganit.

Mattêuse 13:39

Akkerartorte ukkuninga karngasuijok tagva Sâtanase. Katersivik tagva silaksûb mattoma naggatiksanga. Kibluijut tagva Engelit.

Mattêuse 24:24

Kristûseonerartunik saglojunik nalautainerluktuniglo Sakᴋertoᴋaromârmat, nalunaikutaksoarnik tatamnadlartuniglo piniarlutik tammartitaulerᴋovlugit tammarnartomut anerimajuttauk, ajornangipatta.

Mattêuse 25:41

Saumingmêtunullo oᴋarniarivok; Idluitoâlôjose, uvamnit aularitse, ikomamut ᴋamitsuitomut pijarêrsimajomut Sâtanasemut Engelinginullo.

Mattêuse 4:1

Tagva Anernerub Jêsuse aitipâ inuᴋangitomut, ôktortaukovlugo Sâtanasemut.

Mattêuse 4:10

Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.

Mattêuse 4:5

Tagva Sâtanasib aularutivâ iglogasaksoarnut ivsornaitunut, âlâllo katimaviksûb nuvugusinganut,

Mattêuse 4:8

Ama Sâtanasib aularutivâ ᴋakᴋaksoarmut kingiktoksoarmut, silaksûblo ataniovingit ânanauningillo ᴋemergojautipait tâpsomunga.

Lukase 10:18

Oᴋautivaille: Sâtanase takolauralloarpara kataktok ᴋilangmit, sorlo ᴋaumalâk.

Lukase 13:16

Tagva tâmna, Abrahâb panigigalloarmago, pitûdjârtaujariaᴋangilâᴋ pitûtamit tamattomangat, Sâtanasib ᴋelaksulauktanga jârine 18 inê?

Lukase 22:3

Sâtanasele Jûdasemut Iskâriotemik atelingmut, 12 it ilanganut, pulamajarêrpok.

Lukase 22:31

Nâlegarle oᴋarpok: Simon, Simon, ahâk Sâtanasib pijomagalloarpâse sannêjaromavluse sorlo ᴋakᴋôjaksatitut.

Lukase 8:12

Apᴋosiniub sanianêtut, tâpkoangovut, tussartut tamakkoninga; kingorngagut Sâtanasib tâva oᴋautsit pêjariartorpait ômatinginit, okperᴋonagit piulijauᴋonagillo.

Johannese 12:31

Mâna silaksoarmiut erᴋartortaunermut tikitaulerput, mâna silaᴋsûb tamattoma ataninga anititauniarpok.

Johannese 14:30

Mattoma kingorngane unuktunik oᴋauseᴋarniarungnairpunga ilipsingnut; silaksûb tamattoma ataninga tikilermat peᴋaranelo uvamne.

Johannese 16:11

Erᴋartuinek pivlugo, silaksûb mattoma ataninga erᴋartortaungmat.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

Apostelit Piniarningit 26:18

Ijingit uititaulerᴋovlugit, taᴋtomit sâgiarᴋovlugit ᴋaumajomut, Sâtanasiblo pitsartuninganit Gûdemut; ajorninginit isumangnarungnaitomik kingormgutijaksamiglo pititauᴋovlugit, ivjornaititaujut ilagivlugit, okpernermut uvamut uvamnut.

Apostelit Piniarningit 5:3

Pêtrusele oᴋarpok: Ananîase, sôk Sâtanasib ômatit ilumertipaûk, Anerneᴋ ajunginek sagloᴋidlarangne, perorsêviub akingita ilangit angiarilugît?

Rômiunut 16:18

Taimaitut Nâlegavut Jêsuse Kristuse kivgartungilât, natjatigle; oᴋautsinullo ajungitôjârtunut manigornartôjârtunullo pasijaksaungitut ômatingit uivêrivait.

Rômiunut 16:20

Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

II Korintemiunut 11:14

Tamannalo tatamnangilaᴋ; Sâtanase nangmineᴋ saᴋᴋijârmat sôrlo ᴋaumajûb Engelingatut.

II Korintemiunut 11:3

Sivôravungale, sôrlo ᴋuglugiab pingitsertorlune Eva uivêridlalaungmago, taimâktauᴋ issumase asserorniarasugilugit issumalingasuernermit Kristûsemêtomit.

II Korintemiunut 12:7

Ilingaᴋonangalo pingijaidlarnermut takotitjutit ussornarnartut pivlugit, kaputimik pititsiviovunga uvinipkut, tagva Satanasib tilijanganik sugiartimnik, pingijaidlarᴋonanga.

II Korintemiunut 2:11

Sâtanasemut sâlagijauᴋonata; tâpsoma issumalungninga nelunginaptigo.

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

Efêsusemiunut 4:14

Sorusiojungnairᴋovluta, maliktitut aulatauᴋonata anoremut, tagva ajoᴋertûtsinut sunatuinarnut, inuit nalangaininginut uivêriklerninginullo, pingitsertorlutik tamartinasuarmatigut.

II Tessalônikamiunut 2:3

Tamartitauta lititse kimullônêt, sunamullônêt. Neliutijomângimat, kissiane okperungnaineᴋarᴋârpat, saᴋᴋerᴋârlunelo inuk ajortoliksoaᴋ, asseroinerub ᴋitornganga,

I Timôteusemut 2:14

Adamelo uivêrijauᴋâlaungilak, arnarle uivêrijaulaukpok, nâlegungnainermiglo pititsilertok.

II Timôteusemut 3:13

Inuille ajortut uivêriklertullo ajorpallianiarput, tamartitsivlutik tamartitaularmiglo.

Ebrêerinut 2:14

Taimaimat, sorlo sorutsit uvineᴋarlutiglo auᴋarmatta, tâmna ukkutitunaᴋ tamakkoninga illangiusimavoᴋ, toᴋominut pitsartuerutijomavlugo toᴋub pitsartuninganik peᴋartoᴋ, tagva Sâtanase,

I Pêtrusib 5:8

Silatuniaritse erᴋomavluselo; akkerartortise Sâtanase arvertarmat loevetut nipliajoᴋsoatut, êjaksarsiorlune nelianik.

I Johannesib 5:19

Kaujimavogut, Gûdemit pigapta, silaᴋsûblo inungit ilûnamassiatik ajortomut ilingavut.

Jûdasib 1:9

Miggailible, Engelit angajoᴋângata, Sâtanase akkerartoramiuk, oᴋautjudlarlugo Môsesib timinga pivlugo, erᴋartorlugo sapperpâ oᴋautsit mitautelît atorlugit, oᴋarporle: Nâlekab pidlarniarlitit!

Takotitaunermik 12:12

Taimaimat ᴋuviasugitse ᴋilait, ilipselo tâpkonane ineᴋartose. Kappiasungniarpulle nunamêtut imarbiksoarmêtullo; Sâtanase akᴋarmat ilipsingnut, angijomik ningausilik, ᴋaujimagame sivikitomik piviksaᴋarnerminik.

Takotitaunermik 12:3

Nelunaikutablo assia sakᴋerpok ᴋilangme, ahâk ᴋuglugiaᴋsoarâluk angijok aupaluktak, niaᴋoᴋarlune 7 nik, nakjuᴋarlarmelo 10 nik, niaᴋominelo niaᴋôteᴋarlune 7 nik.

Takotitaunermik 12:7

Angijomiglo sorsuktoᴋalerpok ᴋilangme: Miggailib Engelingitalo ᴋuglugiaksoarâluk sorsugvigingmatsuk, ᴋuglugiaᴋsoarâlublo Engelingitalo sorsugvigivait,

Takotitaunermik 12:8

Sâlaᴋarlugatik iniksanginiglônêt Nagvârtoᴋarungnairpok ᴋilangme.

Takotitaunermik 13:14

Nunamiullo tamartidlugit tatamnartut piniarungnartitaujutigijane nergjutsûb takoane pivlugit; oᴋautivlugillo nuname nunaᴋartut, adsiliorᴋovlugit nergjumik, saviksoarmut ikilertaulauktomik, ômatitaulauktomiglo.

Takotitaunermik 16:14

Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

Takotitaunermik 18:2

Aksororlunelo nipliavok nippersoarmut oᴋarlune: Ochomavok, ochomavok Babilône angijoksoak, iniksauvlunelo Sâtanasinut, iterviksauvlunelo anernernut maᴋojungnartunut tamainut, iterviksauvlunelo tingmitjanut ivsornartunut erᴋsinartunullo tamainut.

Takotitaunermik 18:23

Nennerutiblo ᴋaumaninganut ᴋaumaksaijoᴋarungnainiarivok ilipsingne, uiksablo nuliaksablo nippingit tussartaujungnainiarivut ilipsingne. Niuvertut ilipsingne angajoᴋâksoangolaungmatta nuname, angakonipsingnut nelojut tamaita tamartitaulaungmatta.

Takotitaunermik 19:20

Nergjut tagva tigujauvok, tâmnalo illagilugo nelautaijok nelangaitok, tâpsoma takoane tatamnartulidlalauktok, tamakkonunga tamartilaungmagit nergjutsûb nelunaikutanganik tigusimajut, adsingoanganiglo tuksiarveᴋalauktut; tâpkoa magguk ômavlutik egitauvuk ᴋôrᴋumut orᴋsorutelingmik ikomaᴋsoalingmut.

Takotitaunermik 2:13

Sulijatit ᴋaujimavakka, nunaᴋarnîllo nane, Sâtanasib iksivautaᴋsoangata ininganek ateralo atavigigangne, okpernerlo uvamnut misiarutiginago uvlune ipkonane aglât, Antipase ataruilivlune uvamnik kigligiutsijok toᴋotaungmat ilipsingne, Sâtanasib ineᴋarviane.

Takotitaunermik 2:24

Ilipsele oᴋarvigivapse, Tiatîrame amiakôjose, tamattominga ajoᴋertûseᴋangitose, itijuniglo Sâtanasib issumanginik ᴋaujimangitose (taimak ipkoa oᴋarmatta): assianik oᴋumainartomik ilijivigijomangilapse.

Takotitaunermik 2:9

Piniarnitit ᴋaujimavakka, kappiasungnîllo aklunîllo (akluigalloartotit), mitautaunîllo oᴋartunut Jûdionermingnik taimainatiglo, Sâtanasible ajoᴋertuivinganut ilingavut.

Takotitaunermik 20:10

Sâtanaselo tâpkoninga tamartitsijok egitauvok ᴋôrᴋumut orᴋsorutelingmik ikomaᴋsoalingmut, nergjutsûb nelautaijublo nellangaitub iningangnut; âniatitauniarivullo uvlôtilugo unnuamelo issoᴋangitomit issoᴋangitomut.

Takotitaunermik 20:8

Aijomârlunelo nelojut tamartitsartorlugit nunaksûb terreᴋunginêtut sitamane, Goglo Magoglo katitiniardlugit sorsugiartorᴋovlugit, siorᴋatitut imarbiub kiglinganêtutitut unuktigijut.

Takotitaunermik 3:9

Ahâk, Sâtanasib ajoᴋertuivianit illangit pitiniarpakka, oᴋartut Jûdionermingnik taimainatiglo, saglovlutigle pijut. Ahâk, iliorvigijomavakka tikerᴋovlugit, itikavît sânganut tuksiarlutik, illitarsiniarlutiglo, igvit nagligigapkit.

Takotitaunermik 9:1

Engelillo tallimangat tiptulausijarpok. Uvloriak tagva takovara ᴋilangmit kataktok nunamut; tâmna tunitsiviolerpok pêrumik netteᴋangitomut.

Takotitaunermik 9:20

Amiakoᴋarporle sulle inungnik, kappianartunut tamakkonunga toᴋotaungitunik, ᴋaᴋialingituniglônêt aggangmik piniarningit pivlugit, Sâtanaselo gûdingoallo goldit, silberillo, ᴋaᴋorlillo, ujarᴋallo, ᴋejuillo sanamajut, tautugungnangitullônêt tussarungnangitullônêt arvertarungnangitullônêt tuksiarvigigamigit.