Takotitaunermik 12:17 - Labrador Inuttitut Heritage Bible

¹⁷ Kuglugiaksoarâlub tagva arnak ningaumajârvigivâ aivlunelo tâpsoma kinguvângita amiakungit sorsugiartoromavlugit, Gûdib perᴋojanginik nâlektut kigligiutsijullo Jêsuse Kristûsemik.

Takotitaunermik 12:17 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Daniel 11:36

Atanilo pijomajani maliklugo piniaromârpoᴋ; pimariutitsomârporlo nangminiminik, anginisautitsomârporlo nangminiminik gudinit tamainit, gudillo Gudingat oᴋarnilutigijomârpâ tatamnartunik; sulidlaromârporlo ningaumajârnirub naliuninga nâmaksiᴋârtinago; kajusijutaujoᴋ nalautsilârmat.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

I Korintemiunut 2:1

Uvangalo ᴋatangutikka, tikinapse oᴋâlavigijartorluse Gûdib ajoᴋertûtânik, oᴋautsit sanamatsiartut silatojoᴋsuillônêt atulaungilakka.

I Pêtrusib 5:8

Silatuniaritse erᴋomavluselo; akkerartortise Sâtanase arvertarmat loevetut nipliajoᴋsoatut, êjaksarsiorlune nelianik.

I Johannesib 2:3

Tamannalo ᴋaujijutigivavut, illitarigaptigo, piᴋojangit nâlakuptigik.

I Johannesib 5:10

Gûdib Erninganut okpitub kigligiutsiniᴋ tamanna ilumiutarivâ. Naliata Gûde okpiringikuniuk, saglotunirarpâ, kigligiutsiniᴋ okpiringinamiuk, Gûdib kigligiutsininga ernerminik.

I Johannesib 5:2

Mattomangat ᴋaujivogut, Gûdib ᴋitorngangit nagligigaptigik, Gûde nagligiguptigo piᴋojangillo malikuptigik.

Takotitaunermik 1:2

Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 11:7

Kigligiutsinitik nâmaksigunikik nergjutsûb netteᴋangitomit nuijub sorsugomârpak, sâlagivlugiglo toᴋoniarlugiglo.

Takotitaunermik 12:16

Nunable arnak ikajorpâ, ᴋanine aitarlugo kôksoak êvâ, kuglugiaksoarâlub anitanga ᴋanerminit.

Takotitaunermik 13:7

Perᴋojaugivorlo ivsornaitut sorsugvigilugit sâlagilugillo; pitsartuneᴋarvigivlugillo kinguvârêt ilûnaita, ingmigôlingajuniglo oᴋausilit nelojullo.

Takotitaunermik 14:12

Tagvane ivsornaitut ᴋenuêningat; tagvane Gûdib perᴋojanginik okpernermiglo Jêsusemut torᴋuijut.

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.

Takotitaunermik 17:6

Arnarlo tâmna takovara tallatok ivsornaitut aunginut, Jêsusemiglo kigligiutsijut aunginut. Takogapkolo, angijomik tataminiarpunga.

Takotitaunermik 18:20

ᴋilak ᴋuviasugit tâpkoninga, ilipsetauk Apostelit, nelautaijullo ivjornaitose, ilipse akkiniarutigivluse Gûdib erᴋartulaungmagit.

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)

Takotitaunermik 19:19

Nergjullo imna, atanîllo nuname, sorsuktoᴋutsoangillo takogivakka katersorsimajut sorsugomavlutik horsib ᴋângane iksivajomut sorsuktoᴋutsoanginullo.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

Takotitaunermik 22:14

Piloridlarput perᴋojanginik nâlektut, pitsartuneᴋarᴋovlugit napârtomut ômanartomut, itertarvikullo iterᴋovlugit iglogasaksoarnut.

Takotitaunermik 6:9

Naᴋitjutillo tallimangat (Saugârsûb) angmarmago, takovunga Altârib atâne Gûdib oᴋausingit pitjutigilugit kigligiutsinitiglo tamakkoninga pitjutigilugit toᴋotaulauktut tarninginik.