Takotitaunermik 11:4 - Labrador Inuttitut Heritage Bible

⁴ Taipkoa napârtôvuk maggûk orᴋsulîk, nennergutaujûglo maggûk ikomajûk nunab Gûdingata sângane nangertûk.

Takotitaunermik 11:4 Iomraidhean Croise

I Atannit 17:1

Elialo Tisbitemiok Gileademiut illangat oᴋarpok Ahabemut: Sorlo mikseᴋârtomik Nâlegak Israelitit Gûdingat, sângiartara inôngmat, jârine tamakkonane mitsungniangilarlonêt, sillalungniangilarlonêt, kisiane uvanga oᴋaruma.

Imgerut 52:8

Uvangale nappârtotut orksoliktotut tungojortotut Gûdib iglunganêtuatsainaromârpunga; Gûdib pitsiarninga tattigitsainarpara issoᴋangitomut.

Exodus 8:22

Uvlormelo taipsomane Gosenib nunanga, inuᴋotima nunagijangat, ingmikôrniarpara niviuvaᴋartailivlugo, tukisilerᴋovlutit uvanga Nâlegaugama nuname.

Jesaiase 54:5

Pingortitit aiparigangne, ᴋilangmiugasaksuit Nâlegangat tagva attinga; ivlernartitorlo Israêlikkune piulijigigangne, sillaᴋsoarmiut illũnamatsiatik Gûdigijangannik atserartaujoᴋ.

Jeremia 11:16

Nâlakab atseralauᴋpâtit: Napârtomik tungujoᴋtamik, takoranidlartomik paungalingmik orᴋsulingnik; perajaludlartulle pervaludlarninginut ikitsilauᴋpoᴋ ikomamik tâpsomane, akkerungillo naviksimavut.

Migga 4:13

Nikovigit katijuklutillo, Zionib paninga; nakjut kikiangortitsomârapko, itikatillo ᴋaᴋorlingordlugit; inôᴋatigêksuillo unuktut serᴋalilârpatit, akluiningillo ilingatilârpatit Nâlekamut, perᴋutingillo silaksûb ilûnangata Nâleganganut.

Lukase 11:33

Nennergoamik ikitsijokangilak ijeriartorlugo, ᴋattaujab atânullônêt; nennergoarvingmulle ilivâ, itertunut takojauᴋovlugo nennergoak.

Lukase 21:36

Taimâk pivlugo pigâtsainaritse tuksiarluselo, ᴋemâjuksauᴋovluse tamakkoninga pijomârtunik ilûnainik, Inûblo Erningata sângane nangerungnarᴋovluse.

Rômiunut 11:17

Akkerungitale illangit naviksimagalloarmatta, igville orᴋsuliksamik napârtutsiangolaungitotit, akornganut ivertitauleravit napârtutsiab orᴋsuliksab amânganik iptinganiglo illangiusimavlutit;

Deuteronomy 10:8

Neliutomelo tâpsomane Nâlekab kinguvârêt Levikut ingmikôrtipait akigarᴋovlugit Nâlekab angerᴋatigêngnerijangata iklervinganik, nangerᴋovlugillo Nâlekab sângane tâmna kivgartorlugo, saimarsaiᴋovlugillo tâpsoma atingane, uvlome tikidlugo.

Takotitaunermik 1:20

Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.