Takotitaunermik 11:3 - Labrador Inuttitut Heritage Bible

³ Uvamniglo kigligiutsijûk maggûk tunitsivigijomavakka, nelautainiarᴋovlugik uvlut 1,260 it nâvlugit, pôksajanik atisimavlutik.

Takotitaunermik 11:3 Iomraidhean Croise

Genesis 37:34

Jakoblo annorâne alikpait pôksajaniglo tapserusêvlune sibviamigut ernine oggurivâ uvlunik unuktunik.

II Samuel 3:31

Davidele Joabemut innugatsoarnullo illunainut tapsoma illagijanginut oᴋarpok: Annorase alliktorsigik, pôngniglo tapseruseritse illipsingnut, Abnerelo oggurilugo pititse. Attanniublo pissuklune iklervik mallikpa.

I Atannit 21:27

Ahabible oᴋautsit taimaitut tusaramigit, annorane allikpait, pôngmiglo tapserusêvok timiminut, nerritaililunelo, sinnilarmelo pôngme, sukᴋailisarlunelo pisukpok.

II Atannit 19:1

Atanniuble Hiskiab tamakkoa tussaramigit, anorâne allikpait, pôngmiglo attitipok, ailunelo Nâlekab iglunganut,

I Kronika 21:16

Davidelo takkosarpok, takkovâlo Nalekab Engelinga nangertillugo ᴋilaub nunablo akkorngangne, saviksoarmiglo kenailitaᴋangitomik tigumiartillugo aggangmine, issautjitillugolo tapsominga Jerusalemut. Tagva Davide angajoᴋaunerôjullo pôngnut ulliksimavlutik pamakterput kênatik pûvlugit.

Nehemia 9:1

Takᴋib tapsoma uvlungita 24 ingane Israelib ᴋitorngangit katimalerput, nerritaililutik, pôksaijamiglo (silliktunik illerksalingnik) attisimavlutik, ivjolijarlutiglo niaᴋomik ᴋângine.

Hiobe 16:15

Pôksaijak mersorsimavara amimnut, naksugalo illimavara sanningnut.

Imgerut 69:11

Attisimavunga pôksaijamik, oᴋausiovakpungalo tâpkonunga.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Jeremia 1:10

Takuit! Uvlome angajoᴋângortipagit nunaᴋatigêksoarnut ataniovingnullo; nussuksijuksauᴋovlutit serᴋomitsijuksauᴋovlutillo, asseroijuksauᴋovlutit oggotitsijuksauᴋovlutillo; igloliortuksauᴋovlutit ilijijuksauᴋovlutillo.

Jeremiab Ogguarutigijangit 2:10

Zionib paningata angajoᴋângit iksivavut nuname nipangerdlutik; egitsivut sanningnik niaᴋomingnut; pôᴋsajaniglo attivut: Jerusalemib uigasungit niaᴋotik okungatipait nunamut.

Hesekiel 4:6

Tamakkoalo nâmaksitijarêrungne, inartuksauvotit talerpingnut, nangmarlutillo Judab ᴋitorngangita idluininginik: uvlut 40, tagva uvloᴋ atauseᴋ jâremut atausermut, ilingatipakka ilingnut.

Daniel 12:7

Angullo miᴋoᴋangitomik ᴋaᴋortamik annorâlik, kôb imanganik ᴋolangiartoᴋ, tusarpara, aggani talipîllo saumîllo issângmagit ᴋilangmut, angimariklunilo inôtsainartoᴋ issoᴋangitomut taivlugo, oᴋartoᴋ: tamanna naliuniᴋ atausiᴋ, naliunîglo maggûk, naliunirublo abvanga nâvlugit sivitutigijomârpoᴋ; noᴋarpattalo inuit ivsornaitut pitsartuningit siᴋalilugit, tamakkoa tamaita nâmaksititaujomârput.

Daniel 7:25

Tâpsomalo ᴋotsingnipângojoᴋ oᴋarnilutigijomârpâ, ᴋotsingnipângojûblo ivsornaitungit unangmidlarlugit; issumaᴋalârporlo naliunirit piᴋojallo ablatsangortitsomavlugit, tâpkoalo tunijaujomârput tâpsoma agganginut naliutoᴋ, naliutullo, naliutûblo abvanga nâvlugit.

Daniel 8:14

Oᴋautivângalo: Unnut uvlâllo 2,300 nâvlugit; taipsomanilo ivsornaitovik idluarsititaujomârpoᴋ.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Jona 3:5

Ninivemiullo okperput Gudemut, nerritailiviksaᴋarᴋojivullo, attisivullo pôksajavinernik, erᴋanarnerpânginit erᴋananginerpâk tikidlugo.

Jona 3:8

Pôksajavinernigle uliksimaniarlit inuillo nergjutillo, ilungertorlutiglo ᴋaigarsuglit Gudemut; ilâ, ilûnatik sâgiarlit apᴋotigijamingnit idluitunit, aggangmiglo idluitulinerijanginit.

Numbers 11:26

Angutîgle maggûk tangmârvingmêtuarpûk, aipâ Eldademik atteᴋarpoᴋ, aipangalo Medadeovoᴋ; anernerublo tupvigivak; aglaksimajunut ilingagaloarpûk, tupiliaᴋataulaungilâgle; nelautailerpûglo tangmârvingme.

Mattêuse 11:21

Kappianamêk, Korazin! Kappianamêk Betsaida! Tirusemelo Sidonemelo taimaitunik tatamnartunik pijokalaukpat, sorlo ilipsingne; itsak pôksaijatuinarnik annorâᴋardlutik argjamêdlutiglo ᴋaᴋialerajalaukput.

Mattêuse 18:16

Tussangipatille, atautsemik maggûngniglônêt illaᴋalerit, oᴋausise okpernarᴋovlugit, maggôvlutik pinasôvluselônêt oᴋalerupse.

Lukase 10:13

Kappianamêk Korazin! Kappianamêk Betsaida! Tiruseme Sidonemelo taimâk angitigijunik tatamnartoᴋalaukpat sorlo ilipsingne, itsak pôksaijanik annorâᴋardlutik argjamêdlutiglo ᴋaᴋialerajalaukput.

Lukase 24:48

Ilipsele tamakkoninga tamainik kigligiutsijôvose.

Johannese 15:27

Ilipselo kigligiutsiniarivose; pigiarnermit najulaurapsinga.

Johannese 3:27

Johannese kiovoᴋ oᴋarlunelo: Inuk tigusijungnangilak sumik, ᴋilangmit tunitjiviongikune.

Apostelit Piniarningit 1:8

Pitsartunermigle pilârpose, Anernerub ajunginerub tikilârpase; kigligiutsijigilârpapselo Jerusalemiunut Jûdêamiunullo ilûnainut, Samâriamiunullo, silaksûblo issua tikidlugo.

Apostelit Piniarningit 13:31

Uvlunelo unuktune takojauvok Galilêamit Jerusalemut majoraᴋatigilauktaminut; tâpkoa kigligiutsijoᴋotigivait inungnut.

Apostelit Piniarningit 2:32

Jêsuse tâmna Gûdib tupaktilaukpâ; ilûnata tamattominga kigligiutsijeovogut.

Apostelit Piniarningit 3:15

Inôtsible Nâleganga toᴋolaukpase; tâmna Gûdib tupaktilaukpâ toᴋungajunit, uvagut tamattominga kigligiutsijiovogut.

I Korintemiunut 12:28

Gûdiblo illagêktune kivgartorᴋolaukpait sivorlermik Apostelit, aipanganik nelautaijut, pingajuanik ajoᴋertuijut, tungâgut tatamnartulijut, tungâgut inûliklernermik tunergutilit, ikajortuksallo, ataniotijullo, oᴋautsiniglo (ingmigolingajunik) sunatuinarnik oᴋâlajut.

II Korintemiunut 13:1

Mâna pingajuanik tikiniaruma ilipsingnut, tagva maggûk pingasullônêt kigligiudsijut oᴋautigijanginut ilinganerit sunatuinait soᴋosijuititauniarput.

Efêsusemiunut 4:11

Tâpsomalo illangit Apostelingortilauᴋpait, illangille nelautaijungortilauᴋpait, illangit oᴋautsinik tussarnertunik oᴋâlajungortilugit, illangit pairsijungortilugit, ajoᴋertuijungortilauᴋpaillo.

Deuteronomy 17:6

Kigligiutjijut maggûk pingasullônêt oᴋausingit maliklugit toᴋotaksa toᴋotaujuksauvok; kigligiutjijûb atautsib oᴋausingit maliklugit toᴋotaujuksaungilak.

Deuteronomy 19:15

Kigligiutjijok atausênaujok nikovituksaungilak pinialungnek ajornerlônêt assime idluitulinerijanga pivlugo; kigligiutjijuk maggûk pingasullônêt oᴋausingit maliklugit oᴋautigijaujok aulajangititaujuksauvok.

Takotitaunermik 1:5

Jêsusemillo Kristûsemit; tâmna nertornartôvlune kigligiutsijôvok, toᴋungajunillo erniangoᴋârtok, nâlegaunerôjorlo atanivingnut nunamêtunut; tâpsoma nagligilaukpâtigut ubvarlutalo ajorniptingnit aungminut,

Takotitaunermik 11:2

Tempelible silatânêtok egidlugo ôktorniangilat, nelojunut tunijaungmat, iglugasaksuillo ivjornaitut tullerajaromârpait takᴋit 42 it nâvlugit.

Takotitaunermik 11:6

Tâpkoa pitsartuneᴋarpuk ᴋilak parngnanairlugo silaloᴋonago uvlune nelautaivigijamingne, pitsartuneᴋarpuglo imek aungolertidlugo, nunalo pidlarlugo kappianartunut sunatuinarnut, pijomajarangamik.

Takotitaunermik 12:6

Arnarlo ᴋemâvok inuᴋajuitomut, tagvane Gûdib iniksarsisimavâ, tagvane nerrititaukovlugo uvlut 1,260 it nâvlugit.

Takotitaunermik 13:5

Kanermiglo tunitsiviovok oᴋausersoakarlune mitautiksaniglo, pitsartuneᴋartitauvlunelo soraingitomik takᴋit 42 it nâvlugit.

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.