Takotitaunermik 10:1 - Labrador Inuttitut Heritage Bible

¹ Engelemiglo assianik sôngojoksoarmik takovunga, ᴋilangmit aᴋᴋartomik; tâmna nuvujamik annorârsimavok, ajagutaᴋaporlo niaᴋungane, kênanga seᴋinertun-ipok, itigangillo sukatitut ikomaliktitun-iput.

Takotitaunermik 10:1 Iomraidhean Croise

Imgerut 104:3

Igvit igloᴋotitit kattigoliungatipattit imermut; igvit nuvujat aksalloaligivâttit; agvertarpotit annorib esarungita ᴋângine.

Imgerut 97:2

Nuvujat, târniublo illumavât idluarnerlo idluarsainerlo iksivautavît aulajuijutigivak.

Exodus 16:10

Aroniblo ilagêt Israêlikut iluêngartut oᴋarvigingmagit, takosarput sunaᴋajuitomut, ahâglo, Nâlekab ivlernarninga takotipok nuvujarme.

Imgerusersoak 5:15

Niungit nappajutitut Marmoreôjutitut tunganilititaumajutitut ittikkanut Goldeojunut ipuk. Tautua Libanonetut ipok annerijaumavlune Cederititut.

Jesaiase 19:1

Tamadja oᴋauseᴋ inerterijutiksaᴋ Egiptenemut. — Ahâk, Nâlegaᴋ nuvujakut tuavitokut ingergaromârpoᴋ tikkidlunelo Egiptenemut. Gûdingoallo Egiptenemẽtut sajugomârput sângane, Egiptenemiullo õmatingit kakkillâromârput illungine.

Jesaiase 54:9

Tamanna illingavoᴋ uvamnut ullitornivaksoatut Noa inôtillugo. Sôrlo angermarigama, ullitornivaksoaᴋ, (pijoᴋ) Noa inôtillugo, pijungnairᴋovlugo kingorngane nunaᴋsoarmut, taimak angermarikpungatauᴋ ningaumajârvigijungnairomavlutit suangajungnairomavlutillo.

Jeremiab Ogguarutigijangit 3:44

Nuvujamut ulilaukpotit nangminernik, ᴋenunivut apᴋotiksaᴋarᴋonago.

Hesekiel 1:28

Ajagutab nuvujanêtub silalungnerub uvlungane tautuatut, taimak ᴋaumajoᴋsoaᴋ avatâne tautuᴋarpoᴋ. Tamanna tagva Nâlekab ânanauningata adsingata tautua. Takogapkolo pâmangalerpunga, tusarpungalo oᴋartub nippinganik.

Daniel 10:6

Timinga ujarᴋatut Tarsisemit pijotun-ipoᴋ, kênangalo ᴋaumalaᴋtut, ijîgik sorlo ᴋollîk ikomajûk, talîgiglo itigangillo tautuᴋarput ᴋaᴋorlitut ᴋibliriᴋsârtaumajotut, oᴋâlaningatalo nippiᴋortoninga sorlo inugiartoᴋsuit nippingat.

Daniel 7:13

Takotitjutini unnuarmi takovunga, ahâglo, ᴋilaub nuvujangini ᴋaijoᴋarpoᴋ inûb iningatun-itomik, tikiporlo uvlut inuᴋoartunganut, âpâllo tâpsoma sânganut.

Leviticus 16:2

Nâlekablo Mosese oᴋautivâ: Aron angajuit oᴋautiuk naliunerne sunatuinarne itertuksaungimat ivsornaitovingmut; upkôb ungatânut, iksivaviub saimarvigijauviub iklerviub kigligiutjinektaliub ᴋânganêtûb sânganut, toᴋoᴋonago; uvanga sakᴋeromagama nuvujarme iksivavingme saimarvigijauvingme.

Mattêuse 17:2

Ananausijauvorlo sângane, kênangalo seᴋinertut ᴋaumatigilerpok, annorângillo ᴋaᴋorsidlarput ᴋaumaneᴋtut.

Lukase 21:27

Taimaipallo Inûb Erninga tagva takoniarpât nuvujatigut ᴋaijok, pitsartudlarlune ânanaudlartok.

Apostelit Piniarningit 26:13

Nagliktara atanek, uvlok ᴋeterarmat, apᴋomêtilunga, ᴋaumajok ᴋilangmit pijok takovara, seᴋerngub ᴋaumaninganit ᴋaumaluartok, tamattoma ᴋaumarsarpânga ingergaᴋatikkalo.

Takotitaunermik 1:7

Ahâk, ᴋaivok nuvujatigut, ijillo ilûnatik takojomârpât, tâpsomingalo kappisilauktuttauk, inûᴋatigêllo nunaksoarmiut ilûnamasiatik avâladlaromârput. Ilâ, Amen.

Takotitaunermik 18:1

Kingorngagullo Engelemik assianik takovunga pitsartuniliksoarmik, nunalo ᴋaumarsartauvok tâpsoma ᴋaumaninganut.

Takotitaunermik 18:21

Engelelo sôngojoksoak ujaraksoarmik serᴋalitsiviub ujaraktangatut kiviksilarmelo imarbingmut egitsivok oᴋarlunelo: Taimak tagvainak erinesârdlugit Babilône iglugasaksuit angijut egitauniarput nagvârtaujungnainiarlutik.

Takotitaunermik 20:1

Engelemiglo takogivunga ᴋilangmit akᴋartomik; tâmna pêrumik netteᴋangitomut peᴋarpok, ᴋelaumgujaᴋsoarniglo aggangminut tigumiarpok.

Takotitaunermik 4:3

Iksivajub tâpsoma tautua sorlo ujaraktut Jasperetut Sardisetullo; ajagutaublo iksivautaksoak ilumavâ, tautua Emaraldetunitok.

Takotitaunermik 5:2

Engelelo pitsartujoksoak takogivara, nippersoarmut oᴋâladlartok: Aglait ukkua makperlugit naᴋitjutingillo serᴋomidlugit kina nelopᴋotinajangilâk?

Takotitaunermik 8:13

Engelemiglo takovunga tussarlungalo ᴋilaub ᴋerᴋagut tingijomik, nippersoarmut oᴋartomik: Kappianarmêk, kappianarmêk, kappianarmêk nunamêtut, tiptulautit assingita nippingit pivlugit, Engelit pingasut sulle tiptulausijartuksat neliutilârningine!