Takotitaunermik 1:9 - Labrador Inuttitut Heritage Bible

⁹ Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 1:9 Iomraidhean Croise

Mattêuse 20:23

Oᴋautivaglo: Ermgusiârsub (imanga) imigaksara imerniaralloarpatik, baptitauniksamnullo baptitaujuksaugalloarpotik, talerpingmale tungâne, saumingmalônêt tungâne iksivajomârnek, uvamnut perᴋojaksaungilak (ilîptingnut), Atâtamale iksivaᴋojangit, taipkoa iksivajomârput.

Markuse 10:39

Kiovâk: Ahaila ajungikalloarpoguk. Jêsusible oᴋautivak: Ermgusiârsub imanga imigaksara imerniaralloarpatik baptitauniksamnullo baptitaujuksaugalloarpotik;

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Apostelit Piniarningit 1:15

Uvlunelo taipkonane Pêtruse ilinniartut akornganit nikovipok, (tagvanele katimajut 120 iulaukput) oᴋarlunelo:

Apostelit Piniarningit 14:22

Ilinniartut tarningit nakoᴋsitipait, kaiblalaitalo okpernermik sorairᴋonagit, kappianartullo unuktut atorlugit Gûdib nâlegauvinganut pijuksaugapta.

Rômiunut 8:17

Kitorngaugaptale, kingormgujijuksaugivoguttauᴋ, imaipoᴋ, Gûdemit kingormgujiluta, Kristuselo kingormgujeᴋatigilugo; kappianarnernik peᴋaᴋatigiguptigo, ânanauseᴋattaujomârᴋovlutatauᴋ.

Rômiunut 8:25

Tautungitavulle nerriugiguptigo, ᴋenuersârnermut tagva utaᴋivavut.

II Korintemiunut 1:7

Nerriungnivullo soᴋᴋosingimarikpoᴋ pivluse; ᴋaujimagapta, sôrlo ilipse âniamik illangiutititaugapse, taimaktauᴋ manigortaunermik illangiutititauniarivose.

Filippimiunut 1:7

Taimâk idluarmat, tamattominga issumaᴋariaᴋarpunga ilûnase pivluse, ômatimninapse ovane parngnanairsorsimanimne, akiornimnelo oᴋautsit tussarnertut kigligiutigilugit aulajungnangertinapkit, ilipse ilûnase saimarsauteᴋaᴋatigigapse.

Filippimiunut 4:14

Idluartomigle pivose, kiksartilunga issumagilaurapsinga.

II Tessalônikamiunut 3:5

Nâlekable torârtiligit ômatise Gûdib naglingninganut, Kristusiblo ᴋenuersârninganut.

II Timôteusemut 1:8

Taimaimat kangusungniarnak kigligiutsinek Nâlegaptingnik pivlugo, pivlungalônêt ᴋelaksugaujunga tâmna pivlugo; uvaptulle kappiasuktitauneᴋ oᴋautsit tussarnertut pivlugit ᴋunuginago pît Gûdib pitsartuninganut.

Ebrêerinut 10:36

Kenuersârnermigle pijariaᴋarpose, Gûdib pijomajanganik atutsiarᴋovluse, angerutigijaumajomiglo illangiutititaulerᴋovluse.

I Pêtrusib 5:1

Angajoᴋaunerôjut ilipsingnêtut kaiblarpakka, uvanga angajoᴋaunerôᴋataujunga, kigligiutsijôlarmalo Kristusib ânianganik, illangiuteᴋatauvlungalo ânanaunermik saᴋᴋeromârtomik:

Takotitaunermik 1:1

Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.

Takotitaunermik 1:2

Tâmna kigliutsilaukpok Gûdib oᴋausinganik, kigligiutsinermiglo Jêsuse Kristûsemik, tamainiglo takojaminik.

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 1:6

Ataningortilutalo ajoᴋertuijungortilaukpâtigut Gûdemut Atâtaminullo: tâmna nertortaule ajugaunerôlunelo issoᴋangitomit issoᴋangitomut. Amen.

Takotitaunermik 11:7

Kigligiutsinitik nâmaksigunikik nergjutsûb netteᴋangitomit nuijub sorsugomârpak, sâlagivlugiglo toᴋoniarlugiglo.

Takotitaunermik 12:11

Sâlagidlarpâlle Saugârsûb aunganut, kigligiutsinerijamiglo oᴋausinginut, inôtsitiglo ivlerilaunginamigit toᴋo tikidlugo aglât.

Takotitaunermik 12:17

Kuglugiaksoarâlub tagva arnak ningaumajârvigivâ aivlunelo tâpsoma kinguvângita amiakungit sorsugiartoromavlugit, Gûdib perᴋojanginik nâlektut kigligiutsijullo Jêsuse Kristûsemik.

Takotitaunermik 13:10

Parngnanairsimavingmut pititsijok parngnanairsimavingmut pititaksaugivok; saviksoarmut toᴋotsijok saviksoarmut toᴋotaksaugivok. Tagvane ivjornaitut ᴋenuersâriaᴋarput okperneᴋarlutiglo.

Takotitaunermik 14:12

Tagvane ivsornaitut ᴋenuêningat; tagvane Gûdib perᴋojanginik okpernermiglo Jêsusemut torᴋuijut.

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.

Takotitaunermik 3:10

Torᴋulaurangne oᴋausek ᴋenuersârnimnik, uvangatauk saputijomavagit neliutomit ôktorlungnartomit, silaᴋsoarmiunut tamainut tikitsomârtomit, ôktorlugit nuname nunaᴋartut.

Takotitaunermik 6:9

Naᴋitjutillo tallimangat (Saugârsûb) angmarmago, takovunga Altârib atâne Gûdib oᴋausingit pitjutigilugit kigligiutsinitiglo tamakkoninga pitjutigilugit toᴋotaulauktut tarninginik.

Takotitaunermik 7:14

Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.