Takotitaunermik 1:8 - Labrador Inuttitut Heritage Bible

⁸ Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 1:8 Iomraidhean Croise

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 43:14

Gûdible ajugaᴋangitub nâpkigijautilise angutib taipsoma sângane, ᴋatangutise Benjaminelo illaurᴋojauniartilugik illipsingnut! Uvangale ᴋitorngairutiguma, ᴋitorngairutivunga.

Genesis 48:3

Jakole Josefemut oᴋarpoᴋ: Gûdib ajugaᴋangitub saᴋᴋervigilaujuvânga Luseme, nuname Kânaaneme, saimauserlungalo,

Genesis 49:25

Atâtavit Gûdinganit tamanna pivoᴋ: Tâpsoma ikajorlitit, ajugaᴋangitublo saimauserlitit pikuminartunik pângat ᴋilangmit pijunik, pikuminartuniglo kanangat ittinermit pijunik, pikuminartunik amâmamit igliamillo pijunik!

Exodus 3:14

Gûdelo oᴋarpok Mosesemut: Tâmnauvunga tâmnatsainak! Oᴋarporlo: Taimâk oᴋartuksauvotit Israêlikunut: Tâmnaujungagôk, tâpsoma tilivânga ilipsingnut.

Exodus 6:3

Sakᴋertipungalo Abrahamut Isaamullo Jakomullo Gûdeojunga ajugaᴋangitok, aterale una: Nalegak nalunailungitara taipkonunga.

Jesaiase 41:4

Kia tamanna piniarᴋaûk nãmaksitillugolo? Kairᴋojijub kinguvârênik (nunaᴋsûb) pigiarninganit. Uvanga Nâlegaᴋ tâmnauvunga, sivorliojunga kingordlernelo tâmnatsainaᴋ.

Jesaiase 43:10

Illipse kigligiudsijôvose pivlunga, oᴋarpoᴋ Nâlegaᴋ, kivgaralo anerijara, ᴋaujilerᴋovluse okperᴋovluselo uvamnut tukkisilerᴋovluselo, uvangaugama. Sivunipkut Gûdeojomik pijoᴋangilaᴋ, kingunipkullo pijoᴋaromânginivoᴋ.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jesaiase 48:12

Jâko, tussalaunga, Israêlelo ᴋairᴋojara: Uvangauvunga, uvanga sivorliovlungalo kingorliovunga.

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Numbers 24:4

Gûdib oᴋausinginik tusartoᴋ, oᴋarpoᴋ: ajugaᴋangitûb takotitjutinganik tautuktoᴋ, pâmangavlune, ijeᴋarlunele uitajunik:

II Korintemiunut 6:18

Atâtaginiarpapsingalo, uvangalo ernerivluselo panigijomavapse, taimâk Nâlegaᴋ ajugaᴋangitoᴋ oᴋarpok.

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:17

Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 11:17

Oᴋarpullo: ᴋujagidlarpaptigit Nâlegak, Gûde ajugaᴋangitovitôjotit, tamattomane itotit, ilauktotillo, itsomârtotillo, pitsartujoksônît atorangne nâlegautilutillo;

Takotitaunermik 15:3

Imgerpullo Môsesib, Gûdib kivgangata imgerusinganik, Saugârsûblo imgerusinganik, oᴋarlutiglo: Angijoksôvut tatamnarlarmiglo piniarnitit, Nâlegak, Gûde ajugaᴋangitovitôjotit; idluartôvlutiglo mikseᴋârtôvut apᴋosinitit, igvit ataniojotit ivjornaitunut.

Takotitaunermik 16:14

Anerniovullo Sâtanasinut, tâpkoa tatamnartulivut, anivlutiglo atanernut nunamêtunut nunaksoarmêtunullo ilûnainut, katersorlugit sorsungniarᴋovlugit, Gûdib ajugaᴋangitovitôjub uvloksoangane ipsomane.

Takotitaunermik 16:7

Engelemiglo assianik Altâremit tussarpunga oᴋartomik: Ahamarik Nâlegak, Gûde ajugaᴋangitovitôjotit, erᴋartuinitit mikseᴋârtôvlutiglo idluartôvut.

Takotitaunermik 19:15

Kaninganillo anijoᴋarpok saviksoarmik ipiktoksoarmik, nelojut unatartaujutiksanganik; mianeriniarpaillo ajaupiamut kikiangmut, tullerniarpâlo iptêjaivik Gûdib ajugaᴋangitovitôjub ilungertudlartub ningausingata vaininganik pitalik.

Takotitaunermik 19:6

Inugasaksuillo nippingit tussarpakka, kôksûb nippingatut, kallûblo angijoksûb nippingatut oᴋartut: Hallêluja! Gûdib ajugaᴋangitovitôjub nâlegauvik pigingmago.

Takotitaunermik 2:8

Illagêt Smirnamiut Engelingat aglagvigiuk: Sivorliovlunelo kingorliojok toᴋolauklunelo ômarmijok imâk oᴋarpok:

Takotitaunermik 21:22

Tempelemiglo tâpkonane takungilanga; Nâlegak Gûde ajugaᴋangitovitôjok Saugârsuglo Tempelegingmagik.

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 22:13

Alfauvunga Omegauvlungalo, pigiarneovlungalo naggatauvunga, sivorliovlungalo kingorliovunga.

Takotitaunermik 4:8

Omajullo tâpkoa sitamat atunit isaroᴋarput pingasujortunik, ilumikullo ilûnâne ijilit, inilangajungnangerput uvlôtilugo unnuamelo, oᴋarlutik: Hailig, Hailig, Hailigeovok Gûde Nâlegak, ajugaᴋangitovitôjok, ilauktok, tamattomanêtorlo, ᴋaijomârtorlo.