Takotitaunermik 1:6 - Labrador Inuttitut Heritage Bible

⁶ Ataningortilutalo ajoᴋertuijungortilaukpâtigut Gûdemut Atâtaminullo: tâmna nertortaule ajugaunerôlunelo issoᴋangitomit issoᴋangitomut. Amen.

Takotitaunermik 1:6 Iomraidhean Croise

Exodus 19:6

Atanioviojuksaulârpose ajoᴋertuijut uvamnut, inôᴋatigêllo ivsornaitut. Tamadja oᴋautsit oᴋauserijaksarijatit Israêlikunut.

Jesaiase 61:6

Illipsele Nâlekab ajoᴋertuijoᴋotinginik atserartaujomârpose, Gûdiptalo kivganginik taijaujomârpose; nallojut perᴋutinginik nerᴋiksaᴋaromârpose, nertornautigijangillo kingormgutijomarpasse.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Daniel 7:14

Tunitjiviovorlo nâlegaunimik, ânanaunimiglo, ataniovingmiglo, inôᴋatigêt, nunaᴋatigêllo, oᴋausiᴋatigêllo ilûnatik kivgartorᴋovlugit tâpsominga; nâligauninga nâligauniovoᴋ issoᴋangitoᴋ, sorairniangilaᴋ, atanioningalo assirotauniatsangilaᴋ.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Johannese 5:23

Ernek ilûnainut nâlektauᴋovlugo, sôrlo Atâta nâlengmatsuk. Ernermik nâlengitok Atâtamiktauk nâlenginivok tilijinganik.

Rômiunut 11:36

Tâpsomangat, tâpsomûnalo tâpsomungalo ilûnamatsiatikingmatta. Tâmna nertortaudlarle issoᴋangitomut. Amen.

Rômiunut 15:6

Kajusimaᴋatigêkmarikluse ᴋanermut atautsemut (sorlo) nertordlerᴋovluse Gûdemik Nâlegaptingnik, Jêsusib Kristusib Atâtanganik.

Filippimiunut 2:11

Oᴋallo ilûnatik nalonaijaijuksaungmatta Jêsuse Kristusemik Nâlegaujomik, Gûdib Atâtab nitornautinganut.

I Timôteusemut 6:16

Toᴋosuitotôjok tâmna, ᴋaumajome tikiviksaujungnangitomêtok; inûb atautsiblônêt takolaungitanga takojungnangitangalo, tâmna nertortaunermik pile nâlegauvingmiglo issoᴋangitomik! Amen.

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

I Pêtrusib 4:11

Oᴋâlajoᴋarpat, Gûdib oᴋausingititut oᴋâlatigivlugit pile. Kivgartortoᴋarpat, Gûdib tunijanga ajungijutigilugo piniarle. Gûde piniarnernut ilûnainut nertortauᴋovlugo Jêsuse Kristusikut; tâmna nertortaule pitsartunerôlunelo issoᴋangitomit issoᴋangitomut. Amen.

I Pêtrusib 5:11

Tâmna nertortaule pitsartunerôlunelo issoᴋangitomit issoᴋangitomut. Amen.

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

Jûdasib 1:25

Gûde tâmna, silatujotôjoᴋ, piulijivut, nertortaunermik pile, opigijaunermiglo, pitsartunermiglo, ajugaᴋanginermiglo, mâna issoᴋangitoᴋsoarmullo! Amen.

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 20:6

Piloridlarpok ivjornaitôvlunelo makinermik sivorlermik illangiutijok; taimaitomut toᴋub aipanga pitsartuneᴋangimat, Gûdemullo Kristûsemullo ajoᴋertuijôjomârput, atanioteᴋatigilugolo jârine tausendine.

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.

Takotitaunermik 5:10

Ataniotilaukpaptigut ajoᴋertuijungortilutalo Gûdiptingnut, atanioniarpogullo nunaᴋsoarmiunut.