Takotitaunermik 1:20 - Labrador Inuttitut Heritage Bible

²⁰ Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.

Takotitaunermik 1:20 Iomraidhean Croise

Exodus 25:37

Âkᴋisûtingillo 7nit sanajaksarivatit, Âkᴋisurᴋovlugit ikomanginik, ᴋaumaivlutiglo sangmijamingnik.

Exodus 37:23

Kollingillo 7nit, takᴋersûtingillo, argjaᴋautingillo, sanavait goldemit ilaᴋangitomit.

Saggaria 4:2

Oᴋautivângalo: Sumik takovêt? Oᴋarpungalo: Tautukpunga, ahâglo, nanergoarvik ilûnane goldeojok, orᴋsiviᴋartok ᴋângane, ᴋollingillo 7 tâpsomanêtut, ᴋollillo tâpkoa ᴋânganêtut atunit suvloᴋarput 7nik;

Mâlaki 2:7

Ajoᴋertuijûb ᴋangasinâgik piulimaklertuksaungmanik ilisimanermik, perᴋojallo ᴋenertaujuksaungmatta tâpsoma ᴋaninganit, Nâlekab Zebaotib tilijaringmago.

Mattêuse 13:11

Kiovait oᴋautivlugillo: Ilipse Gûdib nâlegauvingata nalonarninganik ᴋaujititauvose; taipkoale tamattominga tunitjiviongilat.

Lukase 8:10

Kiovaille: Ilipse Gûdib nâlegauviata nelonarninganik ᴋaujititaugalloarpose; assisele oᴋautjauvut adsiujutigut, takogalloardlutik takoᴋonagit, tussaralloardlutiglo tussarᴋonagit.

Rômiunut 11:25

Katangutikka, nangminipsingnik silatunasugerᴋonase, naloᴋojomangilapse nalonartomik tamattominga: Israêlib kinguvângita illangit mangaitisimavut, nalojut (sâgiaromârtut) unurningit nâmakserᴋârtinagit,

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:16

Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 17:5

Kaunganelo atek aglaksimavok: Nelonartok, Babilônersoak, ajortulinerit maᴋojungnarnerillo ilûnatik anânangat nuname.

Takotitaunermik 17:7

Engeliblo oᴋautivânga: Suna pivlugo tataminiarᴋêt? Oᴋautijomavagit arnab tâpsoma, nergjutsûblo (arnab) ᴋânganêvingata, niaᴋoliub 7 nik, nakjuliublo 10 nik nelonarnîgingnik.

Takotitaunermik 2:1

Illagêt Efêsusemiut Engelingat aglagvigiuk: Uvloritjanik 7 inik talerpingminut tigumiartok, nennergoarvît 7 it goldit akorngane arvertartok imâk oᴋarpok:

Takotitaunermik 2:12

Illagêt Pergamusemiut Engelingat aglagvigiuk: Ipiktomik igluktut kênalingmik saviksoalik imâk oᴋarpok:

Takotitaunermik 2:18

Ilagêt Tiatîramiut Engelingat aglagvigiuk: Gûdib erninga ikomatut ikoalajotut ijeᴋartok, itigaliglo ᴋaᴋᴋorlertun-itunik, imâk oᴋarpok:

Takotitaunermik 2:5

Erᴋailerit, sunamit katangneravit, ᴋaᴋialerillo, piniarnerit sivorlît piniarlugit. Pingikuville, tikisârniarpagit, nennergoarvît ininganit pinguvlugo nûtsomârpara, ᴋaᴋialingikuvit.

Takotitaunermik 2:8

Illagêt Smirnamiut Engelingat aglagvigiuk: Sivorliovlunelo kingorliojok toᴋolauklunelo ômarmijok imâk oᴋarpok:

Takotitaunermik 3:1

Illagêllo Sardusemiut Engelingat aglagvigiuk Gûdib: anerninginik 7 nik, uvlorianiglo 7 nik peᴋartok imâk oᴋarpok: Piniarnitit ᴋaujimavakka, ômanerartaugavit toᴋungavlutillo.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata:

Takotitaunermik 3:7

Illagêt Filadelfiamiut Engelingat aglagvigiuk: Imâk oᴋarpok Hailigeojok, mikseᴋârtok, Dâvidib pêrutânik peᴋartok; palangairutjârsijorlo naliata palangairungnangitanganik; palangairsijorlo naliata palangairutjârungnangitanganik.