Takotitaunermik 1:17 - Labrador Inuttitut Heritage Bible

¹⁷ Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

Takotitaunermik 1:17 Iomraidhean Croise

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

Imgerut 139:5

Sivumut tunnumullo illumavarma, aggaktillo ᴋollimnêtipattit.

Exodus 14:13

Mosesiblo inuit oᴋautivait: Sivôraniarase! ᴋikartuinaritse! Nâlekablo piuliklerninga nalonaijarniartanga uvlome pivluse takoniarlugo; Egiptenemiut takojase uvlome takojungnainiarapsigik isoᴋangitomut.

Exodus 20:20

Mosesiblo inuit oᴋautivait: Erᴋsiniarase: Gûde tikisimangmat ôktoromavluse, sivôranarningalo kênapse sânginêrᴋovlugo, idluitulerᴋonase.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jesaiase 41:4

Kia tamanna piniarᴋaûk nãmaksitillugolo? Kairᴋojijub kinguvârênik (nunaᴋsûb) pigiarninganit. Uvanga Nâlegaᴋ tâmnauvunga, sivorliojunga kingordlernelo tâmnatsainaᴋ.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jesaiase 48:12

Jâko, tussalaunga, Israêlelo ᴋairᴋojara: Uvangauvunga, uvanga sivorliovlungalo kingorliovunga.

Jeremiab Ogguarutigijangit 3:57

ᴋanitamnôrlaukpotit uvlorme ᴋaigarsugvigijamne ilingnut; oᴋalaukpotit: Sivôraniarnak.

Hesekiel 1:28

Ajagutab nuvujanêtub silalungnerub uvlungane tautuatut, taimak ᴋaumajoᴋsoaᴋ avatâne tautuᴋarpoᴋ. Tamanna tagva Nâlekab ânanauningata adsingata tautua. Takogapkolo pâmangalerpunga, tusarpungalo oᴋartub nippinganik.

Daniel 10:12

Oᴋautivânga tagva: Erᴋsiniarnak, Danieli, uvlormit sivorlipâmit ômatit kamatsiartilaurangni, manigôtilauravillo Gudivît sângani, oᴋautsitit tusartauvut; tikipungalo oᴋautsitit pivlugit.

Daniel 10:15

Oᴋautsillo tamakkoa oᴋausiringmagit uvamnut, okungavunga niplinangalo.

Habakûb 3:16

Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.

Mattêuse 14:27

Tuavidlunele Jêsusib oᴋarvigivait niplerlunalo: Maksualeritse, uvangauvunga, erᴋsinase.

Mattêuse 28:4

Udsertortulle erᴋsinermut ᴋoaksâdlalerput, toᴋungajutitunilivlutik.

Mattêuse 28:5

Engelele arnângnut oᴋarpok: Erᴋsiniaratik, nalungilaptik, Jêsuse Nazarêmiok ᴋeneraptikko.

Johannese 13:23

Nerrimârvingmele iksivajoᴋarpok ilinniartingita illanganik, Jêsusib sagvianut êgangajomik Jêsusib nagliktanganik.

Johannese 21:20

Pêtrusele ᴋevialerpok, ilinniartorlo Jêsusib nagliktanga maliktok takovâ, sagvinganullo êgangalauktok unnungme nerrivlutik, oᴋalauktorlo: Nâlegak, ilingnik pititsiniartok kinauvâ?

Takotitaunermik 1:11

Oᴋartomik: Uvanga Alfauvunga Omegauvlungalo, sivorliovlungalo kingorliovunga. Takojatillo aglakit makpertanut aglagviksanut, âtautikillo illagêktotalingnut Asiamêtunut 7 inut, Efêsusemêtunut, Smirnamêtunut, Pergamusemêtunut, Tiatîramêtunut, Sardusemêtunut, Filadelfiamêtunut, Laodiseamêtunullo.

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Takotitaunermik 1:8

Uvanga Alfauvunga Omegauvlungalo, pigiarniovlungalo naggatauvunga, Nâlegak oᴋarpok, tamattomanêtok, ilauktorlo, ᴋaijomârtorlo ajugaᴋangitovitôjok.

Takotitaunermik 2:8

Illagêt Smirnamiut Engelingat aglagvigiuk: Sivorliovlunelo kingorliojok toᴋolauklunelo ômarmijok imâk oᴋarpok:

Takotitaunermik 22:13

Alfauvunga Omegauvlungalo, pigiarneovlungalo naggatauvunga, sivorliovlungalo kingorliovunga.