Takotitaunermik 1:16 - Labrador Inuttitut Heritage Bible

¹⁶ Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.

Takotitaunermik 1:16 Iomraidhean Croise

Hiobe 38:7

“Uvloritjat uvlâksiutit illagêklutik nertordlilauktillugit, Gûdiblo ᴋittorngangit ilûnatik igiaᴋomijarlauktillugit.

Imgerut 45:3

Saviksuit tapseruserutigiuk makkitikut angutaudlartotit, pinnanarsitilutillo ânanâmik;

Imgerusersoak 6:10

Attersârsimavunga perorsêvingmut nappârtolingmut Nusseliksanik, takkojomavlugo tungojoktak kôb sanniane, takkojomavlunga nappârtok Weineliksak nuvugolâtârmangât, paungâluillo Granatit nuvugolâᴋarmangâtta.

Jesaiase 11:4

Idluartomigle aklujut erᴋartoromârpait, ajulertullo nuname idluarsaromârpait. Kanermelo oᴋausinginut nunamiut sugiaromârpait ᴋanermelo anerninganut idluitullijoᴋ toᴋolugo.

Jesaiase 24:23

Taᴋᴋerlo kangusugomârpoᴋ, seᴋinerlo ᴋattagomârpoᴋ, ᴋilangmiugasaksuit Nâlegangat attanersoangongmat Zionib ᴋaᴋᴋangane Jerusalemelo, angajoᴋângortitangitalo ânanaunersoangat takkuksaulermat.

Jesaiase 49:2

Kaneralo saviksoatut ipiktotut illingatipâ, aggame tachalininganut ijertorpânga, kẽnariktomik ᴋargjungortipânga, ᴋargjoᴋautiminelo ijertorpânga.

Daniel 12:3

Silatujullo ᴋibliromârput ᴋilaub issivisimajub ᴋaumaringningatut; unuktuniglo sâgiartitsijut idluanimut uvloriatutit issoᴋangitoᴋsoarmut.

Daniel 8:10

Angijororporlo ᴋilaub katimgajoᴋsoangit tikidlugit aglât; katimgajoᴋsuillo ilangit uvloritjallo ilangit nunamut igipait tullirajârlugillo.

Mâlaki 4:2

Ilipsingnulle attimnik sivôrajunut nuijomârpoᴋ idluarnerub seᴋininga, inûlinartunik esarolik; anijomârposelo ᴋiggertarluselo noggaktitut tuktuvaᴋautimit pijutitut.

Mattêuse 17:2

Ananausijauvorlo sângane, kênangalo seᴋinertut ᴋaumatigilerpok, annorângillo ᴋaᴋorsidlarput ᴋaumaneᴋtut.

Apostelit Piniarningit 26:13

Nagliktara atanek, uvlok ᴋeterarmat, apᴋomêtilunga, ᴋaumajok ᴋilangmit pijok takovara, seᴋerngub ᴋaumaninganit ᴋaumaluartok, tamattoma ᴋaumarsarpânga ingergaᴋatikkalo.

Efêsusemiunut 6:17

Niaᴋôtiksaᴋaritselo piulijaunermik, saviksoaᴋarluselo Anernerub pinganik, tamadja Gûdib oᴋausinganik.

Ebrêerinut 4:12

Gûdib oᴋausinga ômanartôngmat pitsartudlalarmelo igluktut kênalingmit ipingnersauvlune, kibligutivoᴋ saviklugit tarnelo anernerlo, patteᴋtauᴋ saunerlo, erᴋartuijôvlunelo ômatib issumanginik erᴋarsautinginiglo.

Takotitaunermik 1:20

Uvloritjallo 7 it talerpimnêtut takojavît nelonarningat pivlugo, nennergoarvîllo goldit pivlugit. Uvloritjat tâpkoa 7 it Engeliovut illagêktotalingnut 7 inut, nennergoarvîllo 7 it takojatit tamadja illagêktotalît 7 it.

Takotitaunermik 10:1

Engelemiglo assianik sôngojoksoarmik takovunga, ᴋilangmit aᴋᴋartomik; tâmna nuvujamik annorârsimavok, ajagutaᴋaporlo niaᴋungane, kênanga seᴋinertun-ipok, itigangillo sukatitut ikomaliktitun-iput.

Takotitaunermik 12:1

Kilangmelo nelunaikutaᴋsoak sakᴋerpok: Arnak seᴋinermik annorârsimajok, takᴋerlo itigangita atânêtok, niaᴋominelo niaᴋôteᴋarlune uvloritjanik 12 nik.

Takotitaunermik 19:15

Kaninganillo anijoᴋarpok saviksoarmik ipiktoksoarmik, nelojut unatartaujutiksanganik; mianeriniarpaillo ajaupiamut kikiangmut, tullerniarpâlo iptêjaivik Gûdib ajugaᴋangitovitôjub ilungertudlartub ningausingata vaininganik pitalik.

Takotitaunermik 19:21

Assingillo nungudlugit toᴋotauvut saviksoarmut, horseme iksivajub ᴋaninganit anijomut; tingmitjallo ilûnatik nerivut taipkoa uvininginik aᴋeartorlutik.

Takotitaunermik 2:1

Illagêt Efêsusemiut Engelingat aglagvigiuk: Uvloritjanik 7 inik talerpingminut tigumiartok, nennergoarvît 7 it goldit akorngane arvertartok imâk oᴋarpok:

Takotitaunermik 2:12

Illagêt Pergamusemiut Engelingat aglagvigiuk: Ipiktomik igluktut kênalingmik saviksoalik imâk oᴋarpok:

Takotitaunermik 2:16

ᴋaᴋialerit! pingikuville tikisârniarpagit, sorsugiartorlugit ᴋanerma saviksoanganut.

Takotitaunermik 3:1

Illagêllo Sardusemiut Engelingat aglagvigiuk Gûdib: anerninginik 7 nik, uvlorianiglo 7 nik peᴋartok imâk oᴋarpok: Piniarnitit ᴋaujimavakka, ômanerartaugavit toᴋungavlutillo.

Idluarsaijut 3:16

Ehudib saviksoak igluktut kênalik sanava piksane, tallertut takkitigijok, tapsilugolo annorâme illuane makkitimigut tallerpingmigut,

Idluarsaijut 5:31

Taimak nungutuksauvut, Nâlegak omigijitit ilûnaita! Tapsomingale naglingniktut îtuksauvut seᴋerngub nuiningatut songonermine. Nunalo inilangalaukpok jârenik 40 ginik.