Takotitaunermik 1:1 - Labrador Inuttitut Heritage Bible

¹ Tamadja Jêsusib Kristûsib takotitangit, Gûdib tunijangit tâpsomunga, takotitjutigilugit kivgaminut, mânakut neliutuksat; tamakkoalo nalonailivait, Engeline tiligamiuk kivgaminut Johannesemut.

Takotitaunermik 1:1 Iomraidhean Croise

Imgerut 25:14

Nâlekab illanâᴋarninga tâpᴋonanêpok sivôrajunne tâpsominga, angernerminiglo ᴋaujitipait.

Daniel 8:16

Tusarpungalo inûb nippinganik kôb Ulaiib sanirâkita akorngangnit, ᴋaigarsuktomik oᴋartomiglo: “Gabriel, angut una ajoᴋitoruk takotitjutib tukkigijanganik.”

Daniel 9:21

Ilâ, tuksiarnimi oᴋâlatilunga, angut imna Gabrieli, takotitjutimni takojara pigiarnimi, tingisaraititauvluni, aktorpânga, tunigutit unnuksiutit tunijauningita tungâni.

Daniel 9:23

Tuksiarnivît pigiarningani piᴋojaᴋ anilauᴋpoᴋ, tikipungalo oᴋautijartorlutit; angijomik nâpkigijaugavit; taimaimat tamanna issumaksarsiorutigiuk, takotitjullo tukkisiniarlugo.

Amos 3:7

Nâlegak Nâlegaujok sumiglônêt piniarnialungilak, kissiane angiarijane nalonaijarᴋâruniuk kivgaminut nalautaijunut.

Johannese 12:49

Uvamnik oᴋalaunginama; Atâtable tilijima perᴋojamik tunitjivigilaukpânga piniaraksamnik oᴋauserijaksamniglo.

Johannese 15:15

Mattoma kingorngane oᴋangilanga kivgaugapse; kivgak ᴋaujimangimat angajoᴋâme piniarninginik. Ilipsele ilannârijimnik taimavapse; tamainik Atâtamnit tusalauᴋtamnik, nelojungnaitilaurapse.

Johannese 17:8

Oᴋautsille tunilauktatit uvamnut, tunilaukpakka tâpkonunga; ilaliulauᴋpaillo, nelâgullo ilitarsilutik, ilingnit anilaurama, okpilerlutiglo, tililauramga.

Johannese 3:32

Kigligiudsivorlo takolauᴋtaminik tusalauᴋtaminiglo; illaliortoᴋalungilarlo kigligiutsininganik.

Johannese 8:26

Unuktunik oᴋausiksaᴋarpunga ilipsingnut, erᴋartuitiksaᴋarlarmalo; tilijigale mikseᴋârtôvok; tusalauᴋtakkalo tâpsomangat oᴋauserivakka silaᴋsoarmiunut.

Rômiunut 16:25

Ilipsingnigle sôngotitsijungnartoᴋ, oᴋautsinut tussarnertunut oᴋautigijamnut Jêsuse Kristusemik, (tamakkutigûna nalonalauᴋtoᴋ nalonairpoᴋ, silaᴋsûb pigiarninganit oᴋautaulaungitoᴋ;

Galâtsiamiunut 1:12

Inungmut makkoninga tunitsiviolaunginama ajoᴋertortaunangalônêt, Jêsusible Kristusib saᴋᴋertitsininganut.

Efêsusemiunut 3:3

Takotitjutikut nalojungnaititaugama nalonalauᴋtomik ipsominga, (sorlo sivorngagut oᴋautsinut ikitunut aglalaurama.

Titusemut 1:1

Pauluse, Gûdib kivganga, Jêsusible Kristusib Apostelinga, Gûdib anerijangita okperningit pivlugit, illitarijauᴋovlugolo mikseᴋârnek Gûdemik nâleᴋojijok,

Takotitaunermik 1:19

Takojatit aglakit, tamattomanelo-itut, kingornganelo neliutuksat;

Takotitaunermik 1:9

Uvanga Johannese, ᴋatangutisetauk illangiuteᴋatauvlunga kappiasungnermiglo nâlegauvingmiglo Jêsusiblo Kristûsib ᴋenuersârninganik, ᴋikertamêpunga Patmusemik atelingme, Gûdib oᴋausinga pitjutigilugo, kigligiutsinerlo Jêsuse Kristûsemik pitjutigilugo.

Takotitaunermik 17:1

Engelillo 7 it iluleᴋuteᴋartut 7 nik illangata oᴋariartorvigivânga oᴋautivângalo: ᴋait, anguniartoksûb imaksuit unuktut ᴋângine iksivajub erᴋartortauninganik takotitsomagapkit;

Takotitaunermik 19:10

Itiganginullo pâmakterpunga tuksiarvigijomavlugo. Oᴋautivângalo: Udsertorit, taimailiornak! kivgauᴋatigivarma, ᴋatangutivîllo, Jêsusemik kigligiutjuteᴋartut (kivgauᴋatigivânga). Gûde tuksiarvigiuk. (Jêsusemigle kigligiutsinek tagva nelautainerub anerninga.)

Takotitaunermik 19:9

Oᴋarvigivângalo: Aglagit: Piloridlarput ᴋairᴋojaujut Saugârsûb Kommunioninganut katititauviksangane. Oᴋarvigigivânga: Tamakkoa Gûdib oᴋausingit mikseᴋârtôjut.

Takotitaunermik 21:2

Uvangalo Johannese takovunga iglugasaksoarnik ivjornaitunik, Jerusalemik nutâmik, Gûdemit ᴋilangmit akᴋartunik, âkᴋiksorsimajunik, nuliaksatut pinnarnarsititaumajotut uiksaminut (ilingavlune).

Takotitaunermik 21:9

Engelillo 7 it iluleᴋutilit 7 inik pitalingnik kappianartut kingorliksanginik illangata tikipânga oᴋarvigivlunga, oᴋarlunelo: ᴋait takotitsomagapkit arnamik ipsominga Saugârsûb nuliaksanganik.

Takotitaunermik 22:1

Unertuivorlo uvamnut kôngmik issungitomik, ômanartomik imalingmik, alligoᴋtut ᴋaumatigijomik; tâmna anivok Gûdib Saugârsûblo iksivautaksoanganit.

Takotitaunermik 22:16

Uvanga Jêsuseojunga Engeliga tililaukpara tamakkoninga kigligiutsivigiluse perᴋovlugo illagêktunut (ilingajuksanik). Dâvidib amârivlungalo kinguvârivânga, uvloriangojunga ᴋausiut ᴋaumaridlartok.

Takotitaunermik 22:6

Oᴋautivângalo: Oᴋautsit tamakkoa mikseᴋârtôvlutiglo saglojuitôvut. Gûdiblo, nelautaijut ivsornaitut Nâlegangata, Engeline tililaukpâ, kivgaminut takotitserᴋovlugo mânakut neliutsomârtuksanik.

Takotitaunermik 22:8

Uvanga tagga Johannese, tussarlugillo takolaukpakka tamakkoa. Tussarlugillo takogapkit, pâmakterpunga Engelib tamakkoninga uvamnut takotitsijub itiganginut tuksiarvigivlugo.

Takotitaunermik 22:9

Oᴋarvigivângalo: Udsertorit, taimailiornak! Kivgauᴋatigigamga, ᴋatangutivîllo nelautaijut, tâpkoalo oᴋautsinik aglangnêtunik tamakkonane torᴋuijut (kivgauᴋatigivânga). Gûde tuksiarvigiuk.

Takotitaunermik 4:1

Tamattoma kingorngagut takovunga, ahâk, upkuamik upkuêrtaujomik ᴋilangme; nippelo sivorlek tussalauktara uvamnut sorlo tiptulaut oᴋartok, tâmna oᴋarivok: tamaunga majorarit takotitsomagapkit mattoma kingorngane pijomârtuksanik.

Takotitaunermik 5:7

Tâpsomalo tigujartorpait aglait iksivautaksoarme iksivajub aggangita talerpinginit.