Saggaria 9:9 - Labrador Inuttitut Heritage Bible

⁹ ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Saggaria 9:9 Iomraidhean Croise

I Atannit 1:38

Tagva ajuᴋertuijok Zadok, nellautaijorlo Nathan, Benajalo Jojadab erninga, Kretillo Pletillo, atersarput kanunga, Salomolo ikkitipât atanniub Davidib horseojartoᴋotinganut, atersartilugolo Gihonemut.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Imgerut 45:1

Omattiga auladlarlune imgerusiorpok ânanâmik; attannek imgerutigijomavara; oᴋara aglatsiartib aglautigiva.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 30:6

Tamadja oᴋauseᴋ inerterijutiksaᴋ ômajunut ânẽtunut. — Nunakut kappianartokut siorniornartokullo, loevit arnait loevillo angutit, ᴋuglugiarâluillo kuglugiallo ᴋassilinartut sukkalidlartullo nunagijangatigut akjartorpait perᴋutitik, illivlugit sinterᴋortojut nochait ᴋemerdlunginut, perᴋutitiglo ivlernartut, ilivlugit kamêlit ᴋemerdlunginut, nunaᴋatigêt idluaᴋutiginiangitatik aivigivlugit.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jesaiase 40:9

Zione, tussarnertunik oᴋâlajuksaujotit, majorarit ᴋaᴋᴋamut poᴋtojomut; Jerusaleme, tussarnertunik oᴋâlajuksaujotit, nippeᴋarit sôngojomik, nipliadlarit sivoranaglo; Jûdab iglugasaksoangit oᴋâlavigikit: Ahâk, tagga Gûdise!

Jesaiase 43:11

Uvanga, uvanga Nâlegauvunga, assimnik piuliklerteᴋangilaᴋ.

Jesaiase 43:3

Uvanga Nâlegaugama Gûdit, ivlernartitoᴋ Israêlikkune, piulijit. Egiptene Etiopialo Sebalo akkiliutigivlugit tunivakka pivlutit.

Jesaiase 45:21

Oᴋâlatitse, tamaungarluselo ᴋaggimioleritse! Kia itsaᴋsoarnit tamanna tussartautipaûk ᴋaujijautillugolo sivornganenit? Uvanga Nâlegaujunga tamanna pinialungitarâ? Assimniglo Gûdeᴋangilaᴋ, idluartôjomik piuliklerteojomiglo Gûdeᴋangilaᴋ assimnik.

Jesaiase 52:7

Kuvianartoᴋsôvut illa ᴋaᴋᴋane oᴋalloriktut ittigangit, ullapirsaumik oᴋâlajut, ajungitomiglo oᴋautjijut, piulijaunermiglo oᴋâlajut, Zionemullo oᴋartut: Gûdit attaniolerivoᴋ!

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 62:11

Ahâk, Nâlegaᴋ tussaksautipoᴋ sillaᴋsûb issuanut: Zionib pannia oᴋautijartorsiuk: Ahâk, piulijiksat ᴋaivoᴋ! Ahâk, akkiliutiksaminik najorteᴋarpoᴋ, akkijutingalo sânganẽpoᴋ.

Jeremia 30:9

Kivgartulârpullo Nâlakamik Gudemingnik, atanerijamingniglo Dâvidemik, makititsomârtamnik tâpkonunga.

Hesekiel 21:32

Kejuksatuinaujuksauvotit ikomamut; erᴋaumajauniatsangilatit: uvanga Nâlegaᴋ taimak oᴋarama.

Hosea 1:7

Judable ᴋitorngangit nâpkigijomavakka, Nâlekamullo Gudinganut piulijomavakka, piulijomangilakkalo pitiksimut, saviksoarmullônêt, unatarnermullônêt, horsenullônêt, horsenelônêt ablângajunut.

Migga 4:8

Igvillo, katimgajut nuvugusingat, Zionib paningata ᴋaᴋanga, ilingnut tikilârpoᴋ, ilâ, nâlegauneᴋ sivorleᴋ tikilârpoᴋ, Jerusalemib paningata nâlegauvinga.

Migga 5:2

Igville, Betlehem Efrata, mikijôgaloartotit Jûdab tausendeoningita akorngane, ilingnit pijomârpoᴋ uvamnut nâlegaujuksaᴋ Israêleme; tâpsoma aniningit itsarsoarnit pivut, issoᴋangitoᴋsoarmit.

Saggaria 2:10

Erᴋiertorit ᴋuviasudlarlutillo, Zionib pania; tagva ahâk, ᴋaivunga, ilingne ineᴋaromavlunga, oᴋarpok Nâlegak.

Mattêuse 1:21

Ernermik ernijomarpok; tâmna Jêsusemik atseraraksarivat, inuᴋotine piulijomârmagit ajorninginit.

Mattêuse 11:29

Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.

Mattêuse 2:2

Erniangoᴋamertok Jûdit ataningat nanêᴋâ? Uvlorianga unane takogaptigo, tuksiarvigijartorpavut.

Markuse 11:7

Noggarlo tâmna âpâk Jêsusemut, annorâtiglo ᴋemerdloanut ilivlugit. Kânganut tagva ingipoᴋ.

Lukase 24:27

Môseselo nalautaijullo tamaita oᴋautigilerpait tâpkungnunga, aglangniglo tamainik aglaksimajunik tâpsominga tukkisititsiarlugik nalojungnaitipak.

Johannese 1:49

Natânaêlib kiovâ oᴋautivlugolo: Rabbi, Gûdib ernerivâtit, igvit Israêlitit atanerivâtit.

Johannese 19:15

Kaggudlarpulle: pêruk, pêrung-una! Kikiaktoruk seningajolingmut! Pilâtusib oᴋautivait: Atanise kikiaktoraksarivigô seningajolingmût? Ajoᴋertuijoksuit kiovut: Ataneᴋangilagut ataniviksûb asianik.

Idluarsaijut 10:4

Ernekalaukpok 30 ginik ablangalauktunik siuteᴋoktojut nochangine 30 gine; iglogasaksoakalaukporlo 30 ginik, ateᴋartunik Jairib iglugasanginik, uvlok tamânna tikkilugo, Gileademêpullo.