Saggaria 9:1 - Labrador Inuttitut Heritage Bible

¹ Oᴋausek oᴋumaitok Nâlekab oᴋauserijanga Hâdrakib nunanga pivlugo, tôlârporlo Damaskusemut; Nâlekab inuit takonârmagit, Israêliblo kinguvângit tamaita.

Saggaria 9:1 Iomraidhean Croise

Genesis 14:15

Unnuakkullo nangmineᴋ kivgangitalo maggoilivlutik opingarpait sâlagivlugillo maliklugillo Hôba tikkidlugo Damaskusib tachardlinga.

II Kronika 20:12

Gudivut, erᴋartoromangipigit? Uvaptingne pitsartuneᴋangimat unnuktoksuit taipkoa opaluktivut akkerartorungnarlugit. Nallovogut ᴋannok pinniaraksaptingnik, ijiptale torarvigivâtit.

Imgerut 145:15

Illûnatik ijingita miperpâtit; igvillo nerᴋiᴋsanginnik tunnitsivigivâttit nalliuningine.

Imgerut 25:15

Ijingma Nâlegak takkonâtsainarpâk, tâpsoma ittiggakka nussungniarmagit nullutjennit.

Jesaiase 13:1

Tamadja oᴋauseᴋ inerterijutiksaᴋ Bâbelemut, Jesaiasib, Amosib erningata takkojanga.

Jesaiase 52:10

Nâlekab talline ivlernartoᴋ saᴋᴋertipâ, nallojut illũnamatsiatik tautuktillugit; sillaᴋsûblo issungit illũnatik Gûdipta piuliklerninganik takovut.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 32:19

Angijôvotit atanertuinerme, pitsartudlarlutillo piniarnerme; ijîkik uitavuk inuit ᴋitorngangita apᴋotinginut tamainut, tamaita tunitjivigijomavlugit apᴋotingit maliklugit, piniarningitalo kinguniksangit maliklugit;

Amos 1:9

Imâk oᴋarpok Nâlegak; Idluitulinerit pingasut sitamallônêt pivlugit Tirus pidlartautailititsomângilara; inuit tigujat ilûnaita perᴋutautilaungmagit Edomemut, ᴋatangutigêt angiᴋatigêngningat erᴋaumanago;

Amos 3:12

Imâk oᴋarpok Nâlegak: Sorlo mianersijûb okpatîk maggûk siutib ilangalônêt piulingmagit loevib siggunganit, taimak piulijaulârput Israêlib ᴋitorngangit iksivajut nalangaviub terreᴋoane sinigviublo akkitingine piojune Samariame.

Nahum 1:1

Ninivib nenertauniksanga. Nahumib Elkosimiub takotitjutingata aglangit.

Saggaria 4:10

Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.

Saggaria 5:4

Aulartitsomârpara, oᴋarpok Nâlegak Zebaot, iteromârporlo tigliktûb iglunganut, angiluktûblo atera taivlugo iglunganut: iglungatalo iluanêtuartuksauvok, nungulârpâlo ᴋejuktangit ujaraktangillo ilaliullugit.

Mâlaki 1:1

Oᴋausek nênertauniksaᴋ Nâlekab oᴋautigijanga Israêlemut Mâlakikut.