Saggaria 8:9 - Labrador Inuttitut Heritage Bible

⁹ Imâk oᴋarpok Nâlegak Zebaot: Aggase pitsartutisigik, ilipse uvlune tamakkonane tusartose oᴋautsinik ukkuninga nalautaijut ᴋaninginit, oᴋautaujunik Nâlekab Zebaotib iglungata tungaviliortauningane, katimaviksoak igloliortauᴋovlugo.

Saggaria 8:9 Iomraidhean Croise

I Kronika 22:13

Tagva pilloridlarniarpotit, kamatsiaruvit Gûdib perᴋojangit, idluarijangillo, Nalekab perᴋolauktangit Mosesekut Israelitinut malliklugit pinniarᴋovlutit. Maksoalerit mungotaililutillo, sivoraniarnak, ᴋoaksanganaglo!

I Kronika 28:20

Davidelo oᴋarpok ernerminut Salomomut: Maksoalerit mungotaililutillo, sanalugolo, sivuraniarnak ᴋoaksanganiarnaglo. Gûdib Nalekab Gûdima aipariniarpâtit, agganelo erᴋitiniangilait ᴋemangniangilâtillonêt, pijarêrtitsiᴋârtinak piniaraksanik tamainik Nalekab iglungata kivgartortauninganut illingajunik.

II Kronika 15:7

Illipsele maksoaleritse, aggasselo kattaktailitilugit pititse, pinniarnise akkiksârniarmatta.

Esra 6:14

Judillo angajoᴋaunerôjungit igluliorput; sullitsiarlaukpullo nallautaijuk Haggaib, Sacharjablo Iddob erningata nallautainingitigut, igluliorput nappartilugolo, Israelib Gudingata perᴋojanga malliklugo, Koresiblo, Dariusiblo Arthasasthablo Persiamiut attanningita perᴋojangit malliklugit.

Jesaiase 35:3

Aggait nukkingertut pitsartutisigik, sêrᴋullo majangajut nekoᴋsitisigik.

Jesaiase 35:4

Oᴋautisigik õmatimikkut kappiasuktut: Maksoatitse sivoraniaraselo! Ahâk, Gûdise tikkilerpoᴋ akkilêjartorlune Gûdib akkiliutânik. Tikkilerpoᴋ piulijomavluse.

Haggai 1:1

Ataniup Dariusip jâringita aippangani taᴋᴋit 6ingita uvlungita sivorlerpângani, Nâlekab oᴋausinga tikipoᴋ nalauttaijokkut Haggaikut Serûbabelemut, Sealtialip erninganut, angajoᴋâᴋsoangojomut Jûdame, Josuamullo, Jehôsadap erninganut, ajoᴋittuijisoarmut, oᴋarluni:

Haggai 1:12

Tagva Serûbabelib, Sealtialib erningata, Josuablo, Jehôsadab erningata, ajoᴋertuijersûb, inuillo amiakungita ilûnatik nâlekpait Nâlekab Gudimik nippinga, nalauttaijûblo Haggaip oᴋausingit, Nâlekab Gudingata tâmna tililaungmago; inuillo Nâlegaᴋ sivôragivât.

Haggai 2:18

Omamiutarisigiktôᴋ uvlub mattoma sivornganinit pijut, taᴋᴋit 9ingita uvlungita 24inganit, uvlorlo inna kigligilugo Nâlekab katimaviksoangata tungaviksangata ilijauninganit, ômamiutarisigiktoᴋ.

Haggai 2:21

Serûbabelemut, angajoᴋâᴋsoangojomut Jûdami, oᴋarit imâk: Kilait nunalo sajukpilâtitsomârpakka;

Saggaria 8:13

Imaitsomârporlo, sorlo ômisautiksaulaurapse inôᴋatigêksuit akorngane, ilipse Jûdab Israêliblo ᴋitorngangit, taimak piulijomavapse, saimarsautiksangolârposelo: sivôraniarase, aggaselo pitsartutisigik.

Saggaria 8:18

Nâlekablo Zebaotib oᴋausingata tikipânga, oᴋarlune:

Efêsusemiunut 6:10

Tagvale ᴋatangutikka nakoᴋsitiniaritse Nâlekame, ajugaᴋangitub pitsartuninganut.

II Timôteusemut 2:1

Tamanna pivlugo ernîk sôngolerit saimarsaumut Kristûse Jêsusemêtomut.

Josua 1:6

Maksoalerit mungungajuilutillo; nunamik aviksijuksaugavit innugasaksoarnut ukkununga, angerutigilauktamnik atâtagijanginnut, tunnijomagapᴋo tapkonunga.

Josua 1:8

Aglaillo makkoa perᴋojaktaggit ᴋannernit nûlerᴋoniarnagit, nautsertorkille uvlorme unnuarmelo, mallitsiarᴋovlutit pinniarmariᴋovlutillo aglaksimajut tamakkonane malliklugit. Tagva sullitsiarniarpotit sillatutsiarlutillo piniarungnarniarpotit.