Saggaria 8:8 - Labrador Inuttitut Heritage Bible

⁸ Tikiutijomârpakkalo ineᴋaromârpullo Jerusaleme; inuᴋotigijomârpakkalo, tâpkonungalo Gudeojomavunga mikseᴋârnerme idluarnermelo.

Saggaria 8:8 Iomraidhean Croise

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Jeremia 11:4

Angerutigilauᴋtamnik atâtagijapsingnut uvlorme aularutjivigilauᴋtamne tâpkoninga nunamit Egiptenemit, kiaksauteâlungmit kikiangojomit, oᴋarlunga: Nippiga nâlaksiuk, piniarlugillo tamaita perᴋojakka ilipsingnut; taimak inuᴋutaujomârpose uvamnut, uvangalo Gudeojomavunga ilipsingnut;

Jeremia 23:8

Imâgle: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit taggânêtomit, nunanillo tamainit ᴋemâviotitamnit tâpkonunga; nunaᴋaromârpullo nunamingne.

Jeremia 24:7

Tunidjivigijomavakkalo ômatinik ilitarᴋsiᴋovlugit uvamnik, uvanga Nâlagaugama; inuᴋotigijomavakkalo tâpkoalo Gudiginiarpânga; ômamut tamânut sâgiaromârmatta uvamnut.

Jeremia 30:22

Ilipselo inuᴋutaujomârpose uvâmnut, uvangalo Gudeojomârpunga ilipsingnut.

Jeremia 31:1

Naliutome taipsomane, oᴋarpoᴋ Nâlagaᴋ, Gudigijomârpânga Israêlib kinguvârêngita ilûnatik, uvangalo inuᴋutigijomârpakka.

Jeremia 31:33

Tamadja angerutiga Israêlikunut, uvlut tamakkoa kingorngatigut pijomârtara, oᴋarpoᴋ Nâlagaᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gudeojomavunga, tâpkoalo inuᴋotigijomârivakka.

Jeremia 32:41

Ila, ᴋuviasûtigijomavakka ajungitulivigijomavlugit, amâtsioromavakkalo nunamut mattomunga ômatimnut ilûnânut tarnimnullo ilûnânut.

Jeremia 4:2

Soᴋoserungnangitomiglo angermariktuksauvotit: Sorlo Nâlagaᴋ inôngmat, mikseᴋârnerme, erᴋartuinermelo, idluarnermelo; inôᴋatigêksuit tagva saimartitaujutigijomârpât, nertornautigijomârlâllo.

Hesekiel 11:20

Arvertarᴋovlugit maligaksauᴋojamne, perᴋojakkalo nâleklugit piniarᴋovlugit: inuᴋutaujuksauvullo uvamnut, uvangalo Gudeojomavunga tâpkonunga.

Hesekiel 36:28

Nunaᴋalârposelo nuname tunilauᴋtamne atâtapsingnut; inuᴋutaujomârposelo uvamnut, Gudeojomavungalo ilipsingnut.

Hesekiel 36:33

Imâk oᴋarpoᴋ Nâlegaᴋ Nâlegaujoᴋ: uvlorme tâpsomane epᴋêjarupse idluinipsingnit, iglugasaksuit inuktaᴋartitsomârpakka, sunaᴋarungnaitullo igloliorviolârput.

Hesekiel 37:25

Nunaᴋaromârpullo nuname tunilauᴋtamne kivgamnut Jâkomut, atâtapse nunagilauᴋtangane; nunagilârpâllo tâpkoa, ᴋitorngangitalo, erngutangitalo, issoᴋangitomut; kivgaralo Davide angajoᴋârilârpât issoᴋangitomut.

Hesekiel 37:27

Ineᴋarvigalo tâpkonanêtsomârivoᴋ; Gudigijomârpângalo, tâpkoalo inuᴋotigijomârpakka.

Hosea 11:11

Tingmiaᴋtut Egiptenemit sajudlarlutik tikitsomârput, taubetullo nunamit Assiriamit: ineᴋartitsomârpakkalo iglomingne, oᴋarpoᴋ Nâlegaᴋ.

Joel 3:20

Jûdalo soraijuitomik inuᴋaromârpoᴋ, Jerusalemelo kinguvângoᴋatigênit kinguvângoᴋatigênut.

Leviticus 26:12

Akunapsingnele arvertaromavunga, Gûdeojomavlunga ilipsingnut, ilipselo inuᴋutigijomavapse.

Saggaria 10:10

Utertitsomârivakkatauk nunamit Egiptenemit, katersoromârlugillo Assiriamit, tikiutijomârpakkalo nunamut Gileademut Libanonemullo; nimnioromârpullo.

Saggaria 10:6

Jûdablo ᴋitorngangit pitsartutitsomârpakka, Josefiblo ᴋitorngangit piulijomârpakka, iniksaᴋartitsomârivakkalo, nâpkigijomârapkit; ajaktortaumalaungitutitullo îtsomârivut; Nâlegauvlunga Gudeovunga tâpkonunga, tusaromârpakkalo.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Saggaria 2:11

Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.

Takotitaunermik 21:3

Tussarlarmalo nippersarmik iksivautaksoarmit, oᴋartomik: Ahâk tagga Gûdib tupinga inungnêtok! Tâpsomalo iglomioᴋatiginiarpait inuᴋotigilaitalo; Gûdiblo nangminek illaginiarpait, tâpkoalo Gûdiginiarpât.

Takotitaunermik 21:7

Sâlaᴋartok kingormgujijomârpok tamainik, Gûdiginiarpângalo, uvangalo erneriniarpara.