Saggaria 8:3 - Labrador Inuttitut Heritage Bible

³ Imâk oᴋarpok Nâlegak: Utersimavunga Zionemut, Jerusalemelo inigijomavara: Jerusalemelo taijaujomârpok, iglugasaksoarnik mikseᴋârnelingnik; Nâlekablo Zebaotib ᴋaᴋanganik, ᴋaᴋarmik ivsoarnaitomik.

Saggaria 8:3 Iomraidhean Croise

Imgerut 2:6

Uvangale attanneᴋotiga mingoarlugo attanningortilaukpara ᴋaᴋᴋaᴋotimne ivsornaitome Zioneme.

Imgerut 48:1

Nalegak angijôvok, oᴋausiongînadlarlunelo Gûdipta iglugasaksoaᴋotinginne, ᴋaᴋᴋakotingane.

Exodus 29:45

Ineᴋaromavungalo Israêlikut akorngane, Gûdiojomavungalo tâpkonunga.

Jesaiase 1:21

Ilâ iglugasaksuit nertornartut anguniarpaktotut illingatitaumavut. Idluarnermik illumertaulauᴋput, idluarsainerublo innigilauᴋpait, mãnale inuartut tagvanẽput.

Jesaiase 1:26

Erᴋartuijuniglo tunidjivigijomârpagit sôrlo itsaᴋsoarme idluarsaijuniglo sôrlo sivorngane. Tagva iglugasaksoarnik idluartolingnik iglugasaksoarniglo nertornartunik taijaujomârpotit.

Jesaiase 11:9

Piungitullijoᴋaromângilaᴋ asserorsaijoᴋaranelõnêt ᴋaᴋᴋamne ivsornaitome illũnâne, nunaᴋsoaᴋ tatatsomârmat illitarsijunik Nâlekamik, sôrlo imarbiksûb erᴋa imanginut ulliktaungmat.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 32:16

Idluarsainerlo perortoᴋangitome inniksaᴋaromârpoᴋ, idluarnerlo nunaᴋaromârpoᴋ perorsêvingme.

Jesaiase 60:14

Okkuvlutik tikkitsomârivut illingnut aksorôtijivit erningit, mittautigijitillo illũnatik ittikkavit sângannut pâmakteromârput, taijomârpâtillo Nâlekab iglugasaksoanginik, Zionemik ivlernartitub Israêlikkune pinganik.

Jesaiase 65:25

Amaroᴋ saugârarlo nerriᴋatigêgomârpuk, loeve tuktuvaktut ivingnik nerᴋiksaᴋaromârpoᴋ, ᴋuglugiarlo ivjomik nerrijomârpoᴋ. Erᴋsinaromângilat asseroinatiglo ᴋaᴋᴋamne ivsornaitome illũnâne, oᴋarpoᴋ Nâlegaᴋ.

Jesaiase 66:20

Kattangutiselo tamaita nallojunit tamainit tamaungartitsomârpait, tunergutiksarivlugit Nâlekamut, horsikut ᴋemuksikullo akkerautîkkullo horseojârtokullo kamêlikullo Jerusalemut, ᴋaᴋᴋamnut ivsornaitomut, oᴋarpoᴋ Nâlegaᴋ, sôrlo Israêlikkut tunergutiksanik illuleᴋutine ivsornaitune ᴋaitsivangmatta Nâlekab iglunganut.

Jesaiase 8:18

Ahâk, tamânẽpunga ᴋitorngallo Nâlekab tunijangit uvamnut, Israêlemut nallunaikutaksaurᴋovlugit tataminiarutiksaurᴋovlugillo ᴋilangmiugasaksuit Nâlegangannit, Zionib ᴋaᴋᴋangane inneᴋartomit.

Jeremia 14:9

Sôᴋ inuktut tataminiartotut ilingavêt, inuktut sôngojotut piuliklerungnangitotullê? Igville, Nâlagaᴋ, akunapting nêpotit, atternullo atserartauvogut; ᴋemangniaratiguttôᴋ.

Jeremia 26:18

Migga Môrasemioᴋ nalautailauᴋpoᴋ Hiskiab Judab ataningata naliuningane, Judablo inungit ilûnaita oᴋarvigilauᴋpait, oᴋarlune: Imâk oᴋarpoᴋ Nâlagaᴋ Zebaot: Zion perorsêviktut poagijartaujomârpoᴋ, Jerusalemelo ᴋiggutuinaujomârpoᴋ, iglublo oma ᴋaᴋᴋanga napârtoliksûb poᴋtoningititut.

Jeremia 31:23

Imâk oᴋarpoᴋ Nâlagaᴋ Zebaot, Israêlib Gudinga: Oᴋautsit makkoa oᴋauserijomârivait Judab nunangane iglugasaksoanginalo, aularutijaunermit utertigupkit: Nâlakab saimarsarlitit, inniksaujotit idluarnermik, ᴋaᴋᴋaujotit ivsornaitoᴋ.

Jeremia 33:16

Uvlune tâpkonane Juda piulijaujomârpoᴋ, Jerusalemelo terligomârpoᴋ; tamannalo attinga atserartaujutigijomârtanga: Nâlagaᴋ idluarsijutigijavut.

Hesekiel 48:35

Avatâgut suvlortut 18,000tut ituksauvoᴋ; uvlormillo tâpsomangat iglugasaksuit atteᴋartuksauvut: Nalekab najugânik.

Daniel 9:16

Nâlegaᴋ, idluarnit tamât pitjutigivlugo, ningarnît ningaumajârnîllo sangutikiktôᴋ iglugasaksoaᴋotingnit Jerusalimit, ᴋaᴋᴋarnit ivsornaitomit; idluitulinivut, atâtaptalo idluituliningit pivlugit, Jerusalem inuᴋotitillo naggonarsivut avatiptingnêtunut tamainut.

Joel 3:17

Taimak ᴋaujilârpose uvangaugama Nâlegaᴋ Gudise, Zioneme ᴋaᴋᴋamne ivsornaitome ineᴋartunga: Jerusalem tagva ivsornaijomârpoᴋ, takorngartallo apᴋutigijungnairomârpât.

Joel 3:21

Aungallo ivsornaitilaungitara ivsornaitilârpara; Nâlegaᴋ ineᴋarmat Zioneme.

Migga 4:1

Pijomarporle uvlune kingorliojune Nâlekab iglungata ᴋaᴋanga palangititaujomârmat pijariaᴋortonerpauvlune ᴋaᴋanit, ᴋagvertitauvlunelo ᴋaᴋanit; inôᴋatigêllo tagvunga ᴋerdlerutijomârput.

Sefania 3:13

Israêlib amiakungit idluituliniangilat, saglutiksaniglo oᴋauseᴋarniangilat; oᴋarlônêt uivêriklertok naipitauniangilak ᴋaningine; nerrilârmatta innilalutiglo, ᴋaggaijoᴋarniangilarlo tâpkoninga.

Saggaria 1:16

Tamanna pivlugo imâk oᴋarpok Nâlegak: Jerusalemut utilerivunga nâpkiningnelijarlunga; igluksara tagvane igloliortaujuksauvok, oᴋarpok Nâlegak Zebaot, noᴋakserpalaullo isivitaulârpok Jerusalemut.

Saggaria 12:6

Uvlorme tâpsomane Jûdab angajoᴋângit aumaliniktut ᴋejungnêtotut îtitsomârpakka, naneroaktullo ikomajotut ivît ᴋepitat akorngane; nungulârpaillo inôᴋatigêksuit tamaita avatânêtut, talerpingmêtullo saumingmêtullo: Jerusalemelo iniksaᴋaromârivoᴋ inimine, tagva Jerusaleme.

Saggaria 14:10

Nuna ilûnane ablatsângortitaujomârpok naternaᴋtut, Gîbamit Rimmonemut Jerusalemib siᴋernganêtomut; poktosijomârporlo, iniᴋalârlunelo iniksamine, Benjamib itertarvianit itertarviub sivorliub ininganut, itertarvingmullo terreᴋordlermut, Hananêliblo nuvugusinginit ataniub vaineliksanik iptêjaivinganut.

Saggaria 8:16

Makkoa tagva piniaraksarijase: ilûnase mikseᴋârtomik oᴋauseᴋaritse inôᴋatipsingnut; mikseᴋârtomik ulapirᴋsarnartomiglo idluarsaigitse itertarvipsingne:

Saggaria 8:19

Imâk oᴋarpok Nâlegak Zebaot: Takᴋit sitamangata tallimangatalo 7-ingatalo 10ingatalo nerritailivingit ᴋuviasugviksaujomârput erᴋiertorviksauvlutiglo uvloksiorviksauvlutiglo ᴋuvianartunik Jûdab ᴋitornganginut; taimaimat mikseᴋârnek ulapirᴋsaullo ungagisigik.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

Johannese 14:23

Jêsusib kiovâ oᴋautivlugolo: Uvamnik nagliktub oᴋausikka malingniarpait; Atâtamalo nagliginiarpâ, tikiniarpavuglo inigijartorlugo.

II Korintemiunut 6:16

ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.

Kolossamiunut 2:9

Gûdionek ilûnane tâpsomanêmaringmat timeᴋardlune.

Takotitaunermik 21:10

Aularutivângalo anernikut ᴋakᴋaksoarmut kingiktoksoarmut ᴋemergotidlunga iglugasaksoarnik, Jerusalemik ivsornaitomik, ᴋilangmit akᴋartunik;

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.

Takotitaunermik 21:3

Tussarlarmalo nippersarmik iksivautaksoarmit, oᴋartomik: Ahâk tagga Gûdib tupinga inungnêtok! Tâpsomalo iglomioᴋatiginiarpait inuᴋotigilaitalo; Gûdiblo nangminek illaginiarpait, tâpkoalo Gûdiginiarpât.