Saggaria 7:9 - Labrador Inuttitut Heritage Bible

⁹ Imâk Nâlegak Zebaot oᴋarpok: Idluartomik erᴋartuileritse, ilûnapselo atunit ᴋatangutise unertutjivigisigik nâpkiningnermik ilapsugosungnermiglo;

Saggaria 7:9 Iomraidhean Croise

II Samuel 9:7

Davidib oᴋautiva: Sivoraniarnak; takopsoanermik pinniarvigijomagapkit, Jonathan, atâtait pivlugo; atâtatsiavillo Saulib perorsêviᴋotigilauktanginik illunainik tunnitsivigijomagivagit; igville uvlut tamaita nerrimavikotimne nerriᴋattautsainartuksauvotit.

Hiobe 31:20

Tâpsoma saneraᴋita saimartilaungipânga, Saugârsuᴋotima aminginnut okᴋoksartitaulaurame?

Hiobe 6:14

Nâpkiningnermik ᴋunujûb inûᴋattiminut, tâpsoma Ajugaᴋangitub sivôranarninga ᴋemakpâ.

Salomob Okâl 21:3

Nâmanermik idluarnermiglo attorlune Nâlekab nâmaginersariva tunnergutinnit.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 22:3

Imâk oᴋarpoᴋ Nâlagaᴋ: Nâmaktomik erᴋartuileritse idluarsailuselo, oᴋumaiksartitaujorlo piulisiuk oᴋumaiksartitsijub agganginit; idluituliniaraselo, aksorornermiglo atorniarase, tujormianullônêt, iliarsunullônêt, uigarnernullônêt, kovisiniaraselo aungmik pasijaksaungitomik nuname tamattomane.

Jeremia 7:23

Imaitomigle perᴋolauᴋpakka, oᴋarlunga: Nippiga nâlaksiuk, Gudeojomavungalo ilipsingnut inuᴋotigijomavapselo; arvertaritselo apᴋutauᴋojamne, ᴋanoengitsiarᴋovluse.

Jeremia 7:5

Arvertarnise piniarniselo âᴋiksomarigupsigik; idluartomik idluarsaijigêgupse;

Hesekiel 18:8

Akkiliumik tapiksaᴋarᴋojingitoᴋ, attartortautitame unorᴋijanginik akkilêᴋojingitoᴋ, aggangminik issaktailijoᴋ idluitulinermut, nelâgôrtomik idluarsaijoᴋ inuit akorngane,

Hesekiel 45:9

Imâk oᴋarpoᴋ Nâlegaᴋ Nâlegaujoᴋ: Tamanna nâmagisiuk, ilipse angajoᴋaujose Israêleme; oᴋumaiksartitsineᴋ aksorotjinerlo pêjarsigik, idluartomiglo ajungitomiglo piniaritse; aᴋsârningniselo inuᴋotimnit sorairtisigik, oᴋarpoᴋ Nâlegaᴋ Nâlegaujoᴋ.

Hosea 12:7

Niuverniarteovoᴋ, kittitautit uiveriklernartut aggangmiutarivait: uiveriklerneᴋ ᴋuviagivâ.

Leviticus 19:15

Idluarsainerme idluitulijuksaungilatit; aklujûb kinauninga naggogijaksaringilat, pitsartujûblo kinauninga opiginago; idluarnermele inôᴋatit idluarsaraksarivat.

Amos 5:24

Idluarsainerle kôlerle imektut, idluarnerlo kôksoatut.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

Saggaria 7:8

Nâlekablo oᴋausinga tikipok Saggariamut, oᴋarlune:

Mattêuse 23:23

Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.

Lukase 11:42

Kappianamêgle ilipse Farisêerit, tippitsiariksaullo makpatâvaillo sunatuinait tallimaujungit tunigapsigik, erᴋartuinerle (idluartok) naglingnerlo Gûdemik senerᴋopase (issumaginagiglo). Makkoa piniaraksarivase, ipkoalo iperarnagit.

Johannese 7:24

Kalinetuinak maliklugo erᴋartuiniarase, erᴋartuinermigle idluartomik erᴋartuileritse.

Johannese 7:51

Perᴋojat pigijavut maliklugit inungmik erᴋartuijuksauvitâ, kiglisiniartauᴋârtinago tukkisijauᴋârtinagolo piniarninginîk?

Deuteronomy 22:1

ᴋatangutivit tuktuvaᴋotinga saugaᴋotingalônêt tamarsimajok takojaksarilungilat angigutjutigilugolo; âtaksarivalle ᴋatangutingnut.