Saggaria 7:6 - Labrador Inuttitut Heritage Bible

⁶ Nerrijarangapselônêt imerangapselônêt, nerrilungilasê pivluse, pivluselo imerlusê?

Saggaria 7:6 Iomraidhean Croise

I Kronika 29:22

Nerrivullo immerlutiglo uvlorme taipsomane Nalekab sângane ᴋuviasuvaksoadlarlutik. Salomolo Davidib erninga atanningortipsarpât, mingoarlugolo atanningortipât Nalekamut, Zadokelo ajuᴋertuijersoangortipât.

Jesaiase 43:23

Kaitsilungilatit uvamnut saukkanik tunergutingnik õtaksanik, tunergutingnullo toᴋotaksanut nertorlungilarma; pagvisâlungilagit, tunergutit nerᴋiksat (pijomavlugit), siorniortilungilagit, (kutsoᴋ) tippitsiariksautiksaᴋ (pijomavlugo.)

Jesaiase 58:3

Sôᴋ nerritailiᴋattarᴋitâ, igvit takonânginaptigut? Sôᴋ tarnivut piojorijungnairtipitigîk, igvit tamanna kamaginginangne? — Ahâk, nerritailijarangapse, idluarᴋutiksarsiorpose, erᴋinaidlarluselo sullijaksaᴋarpose.

Hosea 8:13

Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.

Hosea 9:4

Tunergutiksanik vainemik kovisijuksaungilat Nâlekamut, tunergutingillo ôtaksat ᴋuvianarniangilat tâpsomunga: tunergutingit ilingalârput tâpkonunga sorlo ogguartut nerᴋiksanginik; ilûnatik tagvangat nerrijut ivsornartitaulârput: nerᴋiksangit nangminermingnut ilingalârput, Nâlekab iglunganut itertuksaungilat.

Saggaria 7:5

Nunab inungit tamaita ajoᴋertuijullo oᴋarvigikit, oᴋarlutit: Jârit makkoa 70 nâvlugit, nerritaililaurapse kiksarluselo takᴋit tallimangane 7-inganelo, uvanga pivlunga nerritaililaukisê?

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

I Korintemiunut 10:31

Taimaimat, nerrijarangapselônêt, imerangapselônêt, sumiglônêt piniarmangâpse, tamaita piniarsigik Gûde nertortauᴋovlugo.

Deuteronomy 12:7

Tagvanelo nerrijuksauvose Nâlekab Gûdipse sângane, ilipselo inuᴋotiselo ᴋuviasudlartuksauvose aggapse isarutigijangit tamaita Nâlekab Gûdivît saimartitaujutiksautitangit ilipsingnut pivlugit.

Deuteronomy 14:26

Kênaujallo pisiniutigikit tarnivît kajungilârtanganik, tuktuvangnik, sauganiglônêt, vainemiglônêt imermiglônêt pitsartudlartomik, sunamiglônêt tarnivît ikligijanganik; tagvanelo nerrijuksauvotit Nâlekab Gûdivît sângane, igvillo iglomioᴋatitillo ᴋuviasudlartuksauvose;

Kolossamiunut 3:17

Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.

I Samuel 16:7

Nalegarle Samuelemut oᴋarpok; Takkonârniarnak tautuanik angininganiglonêt; uvanga nachogigapko. Innub takkoningatut pilungimat. Innuk tautukpok ijit sanginêtunik, Nalekable omat nautsertorpa.