Saggaria 7:5 - Labrador Inuttitut Heritage Bible

⁵ Nunab inungit tamaita ajoᴋertuijullo oᴋarvigikit, oᴋarlutit: Jârit makkoa 70 nâvlugit, nerritaililaurapse kiksarluselo takᴋit tallimangane 7-inganelo, uvanga pivlunga nerritaililaukisê?

Saggaria 7:5 Iomraidhean Croise

II Atannit 25:23

Sorsuktuksallo angajoᴋangit ilunnatik, angutillo tapᴋonanêtut tussaramik, Babelemiut atanningata Gedalja angajoᴋangortimago nunamut, tikkiput Gedaljamut Mizpamut, tapᴋoa: Ismael, Nethanjab erninga, Johananelo Kareab erninga, Serajalo Thanhumetib erninga, Netofatemiovinek, Jaesanjalo, Maechatib erninga, anguteᴋotitik ilagilugit.

II Atannit 25:25

Takᴋille 7 ingane Ismaele, Nethanjab Elisamab erningata erninga atanniub kinguvanginit pijok, tikkipok, angutit 10 ilagilugit, Gedaljalo ullimârlugo toᴋopât, tappilugillo Judit, Kalderillo tapsomanêlauktut Mizpame.

Jesaiase 43:23

Kaitsilungilatit uvamnut saukkanik tunergutingnik õtaksanik, tunergutingnullo toᴋotaksanut nertorlungilarma; pagvisâlungilagit, tunergutit nerᴋiksat (pijomavlugit), siorniortilungilagit, (kutsoᴋ) tippitsiariksautiksaᴋ (pijomavlugo.)

Jesaiase 58:3

Sôᴋ nerritailiᴋattarᴋitâ, igvit takonânginaptigut? Sôᴋ tarnivut piojorijungnairtipitigîk, igvit tamanna kamaginginangne? — Ahâk, nerritailijarangapse, idluarᴋutiksarsiorpose, erᴋinaidlarluselo sullijaksaᴋarpose.

Jeremia 25:11

Nunalo tamanna ilûnane serᴋomakungoromârpoᴋ tataminiarutiksauvlunalo; inôᴋatigêksuillo makkoa kivgartoromârput Babilonib ataninganik jârinik 70nik.

Jeremia 29:10

Imâk Nâlagaᴋ okarmat: Jârit 70it Babilonemut nâmaksikpatta, nalipsaromavapse, oᴋauserijaralo ajungitoᴋ ilipsingnut nâmaksititsomavara, utertitsomavluse tamaunga.

Jeremia 52:12

Takkillo tallimangita uvlungita 10ingane, tagva ataniub Nebukadnezarib Babilonib ataningata jâringita 19ingane, Nebuzaradan, ataniub udjertortingita angajoᴋâᴋsoanga, ataniub simmertinga, tikipoᴋ Jerusalemut;

Daniel 9:2

Tâpsoma atanioningata jâringita sivorlipângani, uvanga Danieli aglangnit tukkisivunga jârit, Nâlekab oᴋautigijangita nalautaijomut Jeremiamut, unurninginik Jerusalimib assirotauniksangita nâmaksititauninganut, tagva jârinik 70nik.

Hosea 7:14

Omatimingnullo ᴋaigarsugvigilungilânga, inangavingmingne ᴋaggudlaraloartilugit; katimavut senaugaksat vainelo pivlugit, pikablâvigivângale.

Saggaria 1:12

Tagva Nâlekab engelinga kiovok oᴋarlunelo: Nâlegak Zebaot, ᴋanok sivitutigijomik sulle nâpkigosuktaililârᴋêt Jerusalemik Jûdablo iglugasaksoanginik, ningarvigijarnik jârit ukkoa 70 nâvlugit?

Saggaria 7:3

Oᴋarᴋovlugillo ajoᴋertuijunut Gudib Zebaotib iglunganêtunut nâlautaijunullo oᴋarlutik: ᴋeajuksauvêk sulle takᴋit tallimangane, ingmigolingatilungalo uvamnik, sorlo pinialaurama jârit makoa sutaijartut nâvlugît?

Saggaria 7:4

Nâlekablo Zebaotib oᴋausingata tikipânga, oᴋarlune:

Saggaria 7:6

Nerrijarangapselônêt imerangapselônêt, nerrilungilasê pivluse, pivluselo imerlusê?

Saggaria 8:19

Imâk oᴋarpok Nâlegak Zebaot: Takᴋit sitamangata tallimangatalo 7-ingatalo 10ingatalo nerritailivingit ᴋuviasugviksaujomârput erᴋiertorviksauvlutiglo uvloksiorviksauvlutiglo ᴋuvianartunik Jûdab ᴋitornganginut; taimaimat mikseᴋârnek ulapirᴋsaullo ungagisigik.

Mattêuse 23:5

Suliaksatigle tamaita pivait, inungnut tautuktaujomavlutik. Erᴋaijutiksaᴋotitik siliksivait, annorâmiglo siningit angijorortilugit.

Mattêuse 6:16

Nerritailijarangapse, annûtuksaungilase takkormôrtutitut; kênatik tautorluktingmatsuk nerritailijarangamik, inungnut tautuktaujomavlutik. Âhamarik, oᴋautivapse: Akkilertaujarêrput.

Mattêuse 6:2

Taimâk pivlugo pilitsijomaguvit tunergutiksarnik, nipjausijarᴋojijuksaungilatit sivunerne, takkormôrtut ilusingititut katimavingne apᴋosineâlungnalo, nertortaujomavlutik inungnut. Âhamarik, oᴋautivapse: Akkilertaujarêrput.

Mattêuse 6:5

Tuksiaruvit, takkormôrtutitun-ituksaungilatit. Taipkoa nangerput tuksiarlutiglo katimavingne, iglullo sângane, tautuktaujomavlutik inungnut. Âhamarik, oᴋautivapse: Akkilertaujarêrput.

I Korintemiunut 10:31

Taimaimat, nerrijarangapselônêt, imerangapselônêt, sumiglônêt piniarmangâpse, tamaita piniarsigik Gûde nertortauᴋovlugo.

II Korintemiunut 5:15

Tâpsomalo tamaita toᴋotigivait, inôjut kingorngane nangminermingnut inôniaᴋonagit, tâpsomungale pivlugit toᴋolauᴋtomut makisimangmijômullo.

Kolossamiunut 3:23

Tamaitalo piniarnise ômamut piniarsigik, sorlo Nâlekamut, inungnu-ungitok.