Saggaria 7:10 - Labrador Inuttitut Heritage Bible

¹⁰ Oᴋumaiksartiniarasigiglo uigarnerit, iliarsuillo, takorngartallo, aklujullo; ᴋatangutiselo nalipse idluitomik isumertuiviginiarasigik ômatipsingne.

Saggaria 7:10 Iomraidhean Croise

Imgerut 140:2

Idluitomik issumaksarsiortut ômattimingne, uvlullo tamaita unatadlarneᴋartitsijut.

Imgerut 21:11

Issumâluᴋalaungmatta illingnik, ᴋajusimaneliorlutiglo, nallautsititsungnarlaungilaille.

Imgerut 36:4

ᴋannoênek issumaksarsiorutigivâ inangavingmine; soᴋᴋosijuidlune nangerpok apᴋutiâlungme, idluitomiglo sunamiglonêt ulloreasulungilak.

Imgerut 72:4

Tâpsoma pattangajut inugasaksuit akkorngane idluarnermik saᴋᴋêviginiarpait, aklujullo ikajorniarpait, oᴋumaiksartitsijullo egilugit serᴋomitsomârpait.

Exodus 23:9

Takorngartarlo oᴋumaiksartitaksarilungilat: takorngartaub ômatinga ilitarigapsiuk, ilipse takorngartaulaurapse nuname Egipteneme.

Salomob Okâl 3:29

Idluitomik pinasuarnak inoᴋattingnut, ullapirsauteᴋarlune nunaᴋartomut ilingne.

Salomob Okâl 6:18

Omat idluitunik issumaksarsiortok; itikallo tuavitut idluitullijomamut;

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jeremia 18:18

Tapkoale oᴋarput: Attê, ᴋaileritse, issumaksarsioᴋatigêkta Jeremia pitjutigilugo; perᴋojat pijungnainiangimatta ajoᴋertuijomit, atanertuinerlônêt ilisimajomit, oᴋauserlônêt nalautaijomit. Kaileritse, oᴋarnerlutigilavut oᴋaptingnut, kamaniaratalo oᴋausingita nalianiglônêt.

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Jeremia 49:11

Iliarsugijatit taimailingatuinartikit, uvanga pairijomavakka; uigarnerijavillo tatigilinga.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Jeremia 7:6

Oᴋumaiksartitsilungikupse takorngartanik, iliarsungniglo, uigarnerniglo, kovisilungikupselo aungmik passijaksaungitomik tamâne, malilungikupselo Gudib assinginik idluiluᴋutiksapsingnut;

Hesekiel 18:12

Aklujuniglo ajoᴋsartuniglo idluituliviᴋartomik, aksorornermut arᴋtaijomik, satoraksamik utertitsingitomik, ijiminiglo arlortitsijomik gudingoanut, maᴋojungnartulijomik,

Hesekiel 22:12

Ilipsingne piliusianik tigusivut, aungmik kovisiᴋovlugit; tapiksaᴋarᴋojivullo aᴋᴋilêᴋojivullo ununersanik attartortautilauᴋtanginit; pijomatudlarlutik aᴋsârput aksorornermut, puigorpapsingalo, oᴋarpoᴋ Nâlegaᴋ Nâlegaujoᴋ.

Hesekiel 22:29

Nunab inungit aksorotjivut arᴋtaivlutiglo; ilo, aklujut ajoᴋsartullo oᴋumaiksartipait, takorngartallo nênerpait idluangimariktomik.

Hesekiel 22:7

Ilipsingne atâtat anânallo naggogijauvut; takorngartat oᴋumaiksartitauvut; ilipsingne iliarsuit uigarnerillo nâmangituliviovut.

Amos 4:1

Oᴋausek tamanna tusarsiuk, ilipse tuktuvaujose Bâsaneme, Samariab ᴋakᴋanganêtose, tatjartose aklujunik, sêmiksijose ajoksartunik, nâleganginullo oᴋartose: ᴋaitsigitse, imiᴋovluta.

Saggaria 8:17

Idluitomiglo isumertuiniarase ômatipsingne inôᴋatipsingnut; angilungnerillo saglûtaujut ungaginiarasigik: tamakkoa tamaita ômigidlarapkit, oᴋarpok Nâlegak.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 23:13

Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.

I Korintemiunut 6:10

Tigliguillônêt, pijomatudlartullônêt, tallatullônêt, oᴋauserludlartullônêt, arᴋtaijullônêt Gûdib nâlegauvinganik kingormgujiniangilat.

Deuteronomy 27:19

Ominarsile mumiksijok takorngartab, iliarsublônêt, uigarnerublônêt idluarsartauniksanganik. Inuillo ilûnatik oᴋartuksauvut: Taimaile.

Jâkobusib 5:4

Ahâk sanajut, perorsêvipsingnit katersoijut, akkiksangita ilipsingnut mikinersautitauningit nipliadlarput; katersoijullo (tâpkoa) nipliadlarningit Nâlekab Zebaotib siutîgingnut pimanerput.

I Johannesib 3:15

Katangutiminik ômisuktoᴋ, tâmna inuartôvoᴋ; ᴋaujimavosilo, inuartoᴋ inôsiᴋarungnangimat iluminêtsainartomik.