Saggaria 5:4 - Labrador Inuttitut Heritage Bible

⁴ Aulartitsomârpara, oᴋarpok Nâlegak Zebaot, iteromârporlo tigliktûb iglunganut, angiluktûblo atera taivlugo iglunganut: iglungatalo iluanêtuartuksauvok, nungulârpâlo ᴋejuktangit ujaraktangillo ilaliullugit.

Saggaria 5:4 Iomraidhean Croise

Hiobe 18:15

Iglunga iglugijauniarpok, amiakoᴋalungimat sunamik tâpsomangat; innigijangalo katterarvioniarpok orksorumik.

Hiobe 20:26

Târnek tamât komergutigijauvok tâpsomunga pivianartokotinginnut illingaᴋovlugo. Ikkomab nerriniarpâ supportaumalungitub; amiakojorlo iglungane illingalungniarpok.

Hiobe 8:15

Iglune sungertutigivâ, itsainarniaranelo, ajakparviginiarpâ nangerniangilarlo.

Hiobe 8:22

Illingnigle illuluktut kangusuktitaunermut imusertauniarput, Gûdeᴋangitullo iglugijangit nipangniarpok.

Salomob Okâl 3:33

Nâlekab ominarsiᴋojininga Gûdeᴋangitub iglunganêpok; idluartulle iglungit pitsartutiniarpait.

Jesaiase 24:6

Taimaimat ominautiksab nuna nungutipâ, inungillo pidlartauniksamingnik attorput. Taimaimat nunab inungit ikkitauvut, inuillo amiakôjut ikkitôlerput.

Jeremia 2:26

Sorlo tigliktoᴋ kangusungmat nagvârtaugame, taimak Israêlib ᴋitorngangit kangusudlarivut; tâpkoa ataningillo, aulatsijingillo, ajoᴋertuijingillo, nalautaijingillo;

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Hosea 4:3

Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Amos 3:10

Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.

Saggaria 5:3

Oᴋautivânga tagva: Tamadja pilluᴋojijût nunamut tamânut aulartok: tigliktut ilûnatik pêjartaujomârmatta tamângat tâpkoa maliklugit, angiluktullo ilûnatik pêjartaujomârmatta tamângat tâpkoa maliklugit.

Saggaria 8:17

Idluitomiglo isumertuiniarase ômatipsingne inôᴋatipsingnut; angilungnerillo saglûtaujut ungaginiarasigik: tamakkoa tamaita ômigidlarapkit, oᴋarpok Nâlegak.

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Deuteronomy 28:16

Ominarsijaujomârpotit iglugasaksoarne, ôminarsijaujomârlutillo perorsêvingme.

Deuteronomy 7:26

Maᴋojungnartomik itertitsijuksaungilatit iglungnut, ôminartungorᴋonak tâpsotunak; naggogijaksarivat mamaigilugolo; nungutaksaudlarmat.

Josua 9:20

Imaitomigle pinniarvigijomavavut: Innôᴋosigik ningautsemik pijoᴋarᴋonago uvaptingnut, angermaringnak angerutigilauktavut tapkonunga pivlugo.