Saggaria 4:6 - Labrador Inuttitut Heritage Bible

⁶ Kiovlunelo oᴋautivânga: Tamadja Nâlekab oᴋausinga Serûbabelemut, oᴋartok: Sorᴋsuktuksaᴋatigêksoarnu-ungitok pitsartunersoarmu-ungitorlônêt, Anernimnulle, oᴋarpok Nâlegak Zebaot.

Saggaria 4:6 Iomraidhean Croise

Genesis 41:16

Josefiblo Farao kiovâ oᴋarlunelo: Uvanga pingitunga; Gûdib Farao ajungitunik nallautaiviginiarpâ.

I Atannit 19:12

Nunab sajukpiludlarningata kingorngane ikkoma; Nâlegarle ikkomamelaungilak. Ikkomablo kingorngane sulluksuârsuk tusarnertok.

II Kronika 14:11

Assablo Nalegak Gudine nipliarvigiva, oᴋarlunelo: Nalegak adsigêngitoᴋangilak illingne, ikajorlutit unnuktut akkorngane, pitsakitorlonêt ikajorlugo. Ikajortigut Nalegak Gudivut; sungertutigigaptigit, atternelo tikkisimavogut, unnuktovaksuit tapᴋoa pârlugit sorsugomavlugit. Nalegak igvit Gudigivaptigit salagijauniarnak innungnut.

Esra 2:2

Tikkipullo Serubabel, Jesualo, Nehemialo, Serajalo, Reeljalo, Mardochailo, Bilsanelo, Misparelo, Bigevaillo, Rehumelo, Baenalo illagilugit. Tamadsa manna Israelib innugasaksoangita angutingita unnurningit:

Esra 3:10

Iglomiglo sannajut tungavingmik illijitilugit Nalekab Tempeleᴋotinganut, ajochertuijut nangerput tagvane annorasimavlutik (ajochertuisiutinik) Trompetelijarlutik, Levitillo Assafib ᴋittorngangit, Cimbelilijarlutik Nalegak nertorlugo, Israelib attanningata Davidib illusioᴋojanga malliklugo.

Esra 5:2

Tagva Serubabel Sealthielib erninga, Jesualo Jozadokib erninga parngnailerpuk Gudib iglunga igluliorlugo Jerusaleme, illagilugiglo Gudib nallautaijoᴋotingit nakkoksijut tapkoninga.

Imgerut 33:16

Attanniub pitsartunersoarne ikajortigingila; innuk sôngojok piulijaulungilak pitsartunersoanganut.

Okaluktok 9:11

Sangulaukpunga, takkolungalo ᴋanok sekᴋerngûb atâne illiorneᴋarpangmat: akpangernermut sukkalinek ikajorlungimat, sorsungnermut pitsartuneᴋarnek ikajorlungilak, inûgutiksarsiornermut pikᴋaringnek ikajorlungilak, akluinermut sillatunek ikajorlungilak, oerigijaunermut ilisimaneᴋarnek ikajorlungilak; nelliutorle pilloringnerlo pitjutauvûk tamaimut.

Jesaiase 30:1

Kappianarmek ᴋitorngat tappatojoᴋsuit, oᴋarpoᴋ Nâlegaᴋ, kajusilertut uvanga kamaginanga, anerneralo kamaginago serngnigijiksarsiortut, idluitunik ᴋallerêktitsivlutik.

Jesaiase 32:15

Uvaptingnut kovijaulerᴋârtinago anerneᴋ ᴋotsiktomit. Tagva perortoᴋangitoᴋ perorsêvingortitaujomârpoᴋ, perorsêviglo napârtoliksoatut issumagijaujomârpoᴋ.

Jesaiase 34:16

Nâlekab aglangine ᴋenneritse atuarsivluselo; attautsemiglõnêt nallautsingitoᴋaromângilaᴋ attautsemiglõnêt aglaksimangitoᴋaromânginivoᴋ. Tâpsoma ᴋaningata tamanna perᴋovâ, tâpsomalo anerningata kattersorpait.

Jesaiase 59:19

Nâlekab attinga opigijaurᴋovlugo seᴋinerub nippivianit nertornarningalo nuivianit, kappianartut tikkilermatta kôksoatut, Nâlekab anerninganut aulatitaumajotut.

Daniel 2:34

Takonâlauᴋpotit ujaraᴋ saviujartortauᴋârtinago aggangnu-ungitoᴋ, tâpsomalo inungoaᴋ annauvâ itigangitigut kikiangojutigut maggaujutigullo siᴋalilugillo.

Hosea 1:7

Judable ᴋitorngangit nâpkigijomavakka, Nâlekamullo Gudinganut piulijomavakka, piulijomangilakkalo pitiksimut, saviksoarmullônêt, unatarnermullônêt, horsenullônêt, horsenelônêt ablângajunut.

Haggai 1:1

Ataniup Dariusip jâringita aippangani taᴋᴋit 6ingita uvlungita sivorlerpângani, Nâlekab oᴋausinga tikipoᴋ nalauttaijokkut Haggaikut Serûbabelemut, Sealtialip erninganut, angajoᴋâᴋsoangojomut Jûdame, Josuamullo, Jehôsadap erninganut, ajoᴋittuijisoarmut, oᴋarluni:

Haggai 2:21

Serûbabelemut, angajoᴋâᴋsoangojomut Jûdami, oᴋarit imâk: Kilait nunalo sajukpilâtitsomârpakka;

Saggaria 6:12

Oᴋarvigiuglo imâk: Imâk oᴋarpok Nâlegak Zebaot: Ahâk, angut Nuitajomik atelik; nuitalârporlo iniminit igloliorlunelo Nâlekab katimaviksoanganik;

Numbers 27:16

Nâlekab uvinilit ilûnatik anerningita Gudingata angut angajoᴋaujuksaᴋ ilagêktoᴋsoarnut anneriliuk,

Efêsusemiunut 6:17

Niaᴋôtiksaᴋaritselo piulijaunermik, saviksoaᴋarluselo Anernerub pinganik, tamadja Gûdib oᴋausinganik.

I Pêtrusib 1:12

Taipkoa nelojungnaititaulauᴋput, ingmingnut ilingangitut uvaptingnulle ilingajuksat oᴋautigigamigit; tamakkoa mâna oᴋautigijaumavut ilipsingnut, oᴋautsinik tussarnertunik ilipsingnut oᴋâlajunut, Anernikut ajunginikut ᴋilangmit tilijaumajokut; tamanna Engelittauᴋ tukkisijomavlugo kajungilârivut.

I Samuel 14:6

Jonathanelo akjarsijoᴋotiminut sakkunginik oᴋarpok: Kait, ailauluk akkiptingnut, kippisimangitut tapkoa tangmarvinganut; imaᴋᴋâ Nalegak uvaptiguk sulliniarpallukpok; Nalekamut oᴋumailungimat unnuktutigut ikkitutigullonêt ikajorlune.

I Samuel 17:47

Illagêktullo ukkoa tukkisilerᴋovlugit, Nalegak ikajorlungimat saviksoakullonêt, ᴋallugiaksoakullonêt; Nalekab sorsungnek nangmineringmago, tunniniarpâselo aggaptingnut.