Saggaria 4:10 - Labrador Inuttitut Heritage Bible

¹⁰ Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.

Saggaria 4:10 Iomraidhean Croise

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Hiobe 8:7

Sivurngane pigilauktatit ikkitôtillugit, kingorngane pivalliadlarniarput.

Imgerut 33:14

Iksivautaksoaminit aulajuitomit illunaita takkonârpait, nuname nunaᴋartut.

Salomob Okâl 15:3

Nâlekab ijingit ilûnanêmiunik tautukput, ilûnainik idluitunnik idluartunniglo.

Salomob Okâl 4:18

Idluartulle apᴋotingat ᴋaumanerub keblarningatut ipok, sivumuartotut, ᴋaumaksaijotullo uvlok soᴋosijuitok tikkilugo.

Jesaiase 66:11

Milluksivluse ivianginginit ullapirsautelingnit nãmaksititauvluselo, alluktorluselo nertornarninganit angijoᴋsoarmit nekoᴋsititauvluselo.

Jesaiase 66:14

Takojomârpose ômatiselo ᴋuviasugomârput, sauniselo iviksukatitut nutângortitaujomârput. Tagva Nâlekab aggangit mallungnarsijomârput tâpsoma kivgangine, ningaumajârningale tâpsoma ômigijingine.

Jeremia 16:17

Ijîngma tâpkoa apᴋotingit tamaita tautungmatikik; ijertaulungimatta kênamnit, idluituliningillônêt angiarijaulungilat ijimnut.

Hesekiel 1:14

Omajullo pangalikput uterlutiglo ᴋaumalaktut.

Hosea 6:3

Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.

Amos 7:2

Imaiporlo: nunab iviksukangit nungulugit nerrijarêrmagit, oᴋarpunga: Nâlegak Nâlegaujotit, issumagijungnainilaurittôk; ᴋanok Jâko makitajungnalârᴋâ? Mikijôngmat.

Amos 7:5

Tagva oᴋarpunga: Nâlegak Nâlegaujotit, sorairlaurittôᴋ; ᴋanok Jâko makitajungnalârᴋâ? Mikijôngmat.

Haggai 2:3

kia akunapsingni amiakkôjûp iglo tamanna takosimavaûk ânanaunerilauᴋtangani sivollimê? Mânalo ᴋanoᴋ ilingavlune takovisiûk? Ijipsi sângini sunaungitotut ingilâᴋ?

Saggaria 3:9

Ahâk, ujaraᴋ Josuab sânganut ilijara; ujarame tâpsomane ijeᴋarpoᴋ 7nik: ahâk, uvanga aglangit aglakpakka, oᴋarpoᴋ Nâlegaᴋ Zebaot, nunablo tâpsoma idluituliningit pêjaromavakka uvloinarme.

Saggaria 9:1

Oᴋausek oᴋumaitok Nâlekab oᴋauserijanga Hâdrakib nunanga pivlugo, tôlârporlo Damaskusemut; Nâlekab inuit takonârmagit, Israêliblo kinguvângit tamaita.

Lukase 15:32

Serrilutillo ᴋuviasuktuksaugalloarpotit; nukat una toᴋungalauktok ama ômarmingmat; assiosimalauktorlo nagvârtaumingmat.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.

Takotitaunermik 8:2

Engeliniglo 7 nik takovunga, tâpkoa Gûdib sânganut pivut, tiptulautiniglo 7 nik tunitsiviolerput.