Saggaria 3:9 - Labrador Inuttitut Heritage Bible

⁹ Ahâk, ujaraᴋ Josuab sânganut ilijara; ujarame tâpsomane ijeᴋarpoᴋ 7nik: ahâk, uvanga aglangit aglakpakka, oᴋarpoᴋ Nâlegaᴋ Zebaot, nunablo tâpsoma idluituliningit pêjaromavakka uvloinarme.

Saggaria 3:9 Iomraidhean Croise

I Atannit 1:20

Illingnullo Nâlegara atannek Israelitit ijingit ilûnnatik torarput, nellojungnaititsiᴋovlutit taipkoninga, kina iksivajuksaumangât Nâlekama atanniub iksivautaksoangane tapsoma kingorngane.

II Kronika 16:9

Nalekab ijikita nunat illunaita tautungmattigik, pitsartutitsiᴋovlugo tapᴋoninga, omamut tamânut ungajunik tapsomunga. Sillaitomik pinniarlaukpotit; tamanna pivlugo mannamit unatadlartoᴋarniarpotit.

Imgerut 103:12

Uvlâb ungasingningatut unnungmit, taimak ungasiktigitipait tappanivut uvaptingnit.

Imgerut 118:22

Ujarak igluliortut nachogijangat, tâmna ujarangornerpok terreᴋomut.

Exodus 28:11

Aligulerijub aglanginut, aglangnut sorlo naᴋitjumêtunut aligûk tamarmik aglagvigijaksarivakik Israêlib ᴋitorngangita atinginik: ilijaksarivakiglo avaliarutanut goldeojunut.

Exodus 28:21

Allikullo aglagviojuksauvut Israêlib ᴋitorngangita atinginik 12nik, atingit aglaksimavlutik sorlo naᴋitjutib aglangititut; atunit ateᴋarlutiᴋ kinguvârêt 12 maliklugit.

Exodus 28:36

Sivumiutaliortuksauvotillo goldemit ilaᴋangitomit, aglagvigivlugolo, sorlo naᴋitjutib aglangititut: Ivsornaitok Nâlekamut.

Jesaiase 28:16

Tamanna pivlugo Nâlegaᴋ Gûde oᴋarpoᴋ: Ahâk, ujarᴋamik tunganartovingmik illijivunga Zioneme, ôktûtiksaujomik, iglub terreᴋuksanganik pivianartomik, tungavingmik aulajuitomik, nalliallo okpertoᴋ ᴋemâjariaᴋaromângilaᴋ.

Jeremia 31:34

Naliatalo inûᴋatine ᴋatangutinelônêt ajoᴋertoriaᴋaromângilâ oᴋarlunalo: Nâlagaᴋ ilitariniaruk! Ilûnatik ilitarijomârmanga mikinerpâmit anginerpâk tikidlugo, oᴋarpoᴋ Nâlagaᴋ; idluituliningit issumagijungnairomârapkit, ajorningillo erᴋaumajungnairomârapkit.

Jeremia 50:20

Uvlune tâpkonane, naliutomelo tâpsomane, oᴋarpoᴋ Nâlagaᴋ, Israêlib idluininga ᴋenertaujomârpoᴋ, pitaᴋarniangilarle; Judablo idluiningit, naipitauniangilalle; amiakôtitakka issumagijungnaivigijomârapkit.

Saggaria 13:1

Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.

Saggaria 3:4

Tapsomalo kiovlune sâmine nangertut oᴋautivait: Annorât ipektudlartut pêrsigik tâpsomangat. Tâpsomungalo oᴋarpok: Ahâk, idluitulinitit pêjarpakka ilingnit, annorâromavagillo pinnarnadlartunik.

Saggaria 4:10

Kia pijariakitut uvlungat naggogivaûk? Tâpkoa ᴋuviasudlaromârmatta, takojomâramik kivimik Serûbabelib agganginêtomik, ilâ, taipkoa 7ojut Nâlekab ijigijangit; tâpkoa utitaᴋattarput nunaᴋsoaᴋ nâvlugo.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Johannese 6:27

Nerᴋiksamik nungusârtomik pinasuarase, inôtsemulle nungusuitomut itsainartomik, Inûb Erningata tuniniartanganik ilipsingnut; tâmna Gûdib Atâtab naᴋitjusilaungmago.

Apostelit Piniarningit 4:11

Ujarak taimnauvok, ilipse igluliortose egilauktase, iglub terreᴋoa ujaraulernertok.

Rômiunut 9:33

Sorlo aglaksimangmat: Ahâk tagga ujarᴋamik tunganartovingmik ilijivunga Zioneme, ôktutiksaujomik, naliallo okpertoᴋ ᴋemâjariaᴋaromângilaᴋ.

II Korintemiunut 1:22

Naᴋisimavâtiguttauᴋ, Anernermiglo tunitsivigiluta nelunaikutaksaptingnik ômatiptingnut.

II Korintemiunut 3:3

Nelonarungnaititaujose, Kristûsib aglagingmase, idluarsarsimajose kivgartorniptigut, aglaksimajose aglaumu-ungitoᴋ, Gûdible ômajub Anerninganut; aglagvingnut ujaraujunu-ungitoᴋ, aglagvingnulle uviniojunut, tagva ômatinut.

II Timôteusemut 2:19

Gûdible tungavilianga sôngojok aulajungnangerpok, imaitomik nalunaikutalik; Nâlekab pine illitarivait; imaitomiglo: Kristûsib atinganik taisijok idluitulinermik atorungnairle.

Ebrêerinut 7:27

Pijariaᴋangitomik ajoᴋertuinerôjutitut taipkutitunaᴋ, uvlut tamaita tunijerᴋârlune tunergutinik ajornine nangminine pivlugit, kingorngagut inuit ajorningit pivlugit; atausiardlune taimailiolaungmat, ingminik tunigame

I Johannesib 2:2

Tâmnalo ullapirsautauvoᴋ ajornivut pivlugit; ajornivulli kissêtaungitut, silaᴋsoarmiullitauᴋ ilûnatik ajorningit pivlugit.

Takotitaunermik 5:6

Takogivunga, ahâglo iksivautaᴋsûb ᴋerᴋane, ômajullo sitamat, angajoᴋaunerôjullo akorngane Saugârsungmik nangertomik, toᴋotaujotun-itomik, nakjuᴋarlune 7 nik, ijeᴋarlarmelo 7 nik, tâpkoa Gûdib anerningit 7 it, tilijaujut nunanut tamainut.