Saggaria 3:8 - Labrador Inuttitut Heritage Bible

⁸ Nâlagit, Josua ajoᴋertuijersoangojotit, igvit ilatillo sângne iksivajut; angutaungmatta tâpkoa kigligiutjijut: tagva ahâk, kivgara akkerôjoᴋ tikiutitsomârpara.

Saggaria 3:8 Iomraidhean Croise

Imgerut 71:7

Unnuktunnut tattamnartotut îpunga; igville sungertutigivagit sôngojok.

Jesaiase 11:1

Nutaijortomik nuijoᴋaromârpoᴋ Isaib kippanganit, akkeromiglo perortoᴋaromârpoᴋ amânganit.

Jesaiase 20:3

Tagva Nâlegaᴋ oᴋarpoᴋ: Sôrlo kivgara Jesaiase annorâᴋarane ittigaguteᴋaranelo pissungmat jârit pingasut nâvlugit, nallunaikutaksauvlune tattaminiarutiksauvlunelo Egiptenemut Etiopiamullo,

Jesaiase 4:2

Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

Jesaiase 42:1

Ahak, tagga kivgara serngnigijara, anerijara, tarnima kuviagijanga. Anernera tunivara tâpsomunga, erᴋartuijutiksanik âtsijomârpoᴋ nallojunut.

Jesaiase 49:3

Oᴋautivângalo: Kivgarivagit, Israêle, illingne nertornarsilerpunga.

Jesaiase 49:5

Mãnalo oᴋarpoᴋ Nâlegaᴋ nutaraunimnit pijoᴋ uvamnik kivgarijomavlunga, Jâkokkunik sâgiartitserᴋovlugo tâpsomunga, Israêlitillo kattersortaurᴋovlugit — taimaidlungalo nertornarpunga Nâlekab sângane, Gûdigalo pitsartutigivara —

Jesaiase 52:13

Ahâk, kivgara sullitsiaromârpoᴋ aglivalliavlunelo angijororpalliavlunelo nertornarsivlunelo.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Jesaiase 53:2

Nuilerpoᴋ perorsiaksatut (Nâlekab) sângane, nutaijoᴋtotullo ivjomit pallermit. Takominartomik tautuᴋangimat, kamagingilavut; takorannertoᴋangimat, ᴋuviagingilavut.

Jesaiase 8:18

Ahâk, tamânẽpunga ᴋitorngallo Nâlekab tunijangit uvamnut, Israêlemut nallunaikutaksaurᴋovlugit tataminiarutiksaurᴋovlugillo ᴋilangmiugasaksuit Nâlegangannit, Zionib ᴋaᴋᴋangane inneᴋartomit.

Jeremia 23:5

Ahâk, uvlut naliutijomârput, oᴋarpoᴋ Nâlagaᴋ, tagva Dâvidemut makititsijomârama nutaijoᴋtomik idluartomik, tâmnalo nâlagauvlune ataniojomârpoᴋ silatudlartomik piniarlune, erᴋartuitsiaromârporlo idluarsaitsiarlunalo nuname.

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Hesekiel 12:11

Oᴋarit: Nelunaikutauvunga ilipsingnut: sorlo uvanga piniarama, taimak piniarviolârivut: aularutijaulârput, kipalungortitauvlutiglo.

Hesekiel 12:6

Tâpkoa takoane erᴋsugaksarivatit, tâᴋsilerpallo anititaksarivatit; kênait mattujaksarivat nuna takuksauᴋonago: nelunaikutangortigapkit Israêlib ᴋitorngarêngninginut.

Hesekiel 24:24

Taimaglo Hesekiele nelunaikutaulârpoᴋ ilipsingnut; sorlo tâmna piniarmat taimailiolârpose: tamannalo neliutikpat, tagva ᴋaujilârpose uvangaugama Nâlegaᴋ Nâlegaujoᴋ.

Hesekiel 34:29

Nuilertitsijomârpungalo tâpkonunga perortomik nertortaujutiksamik, kângnartoᴋsoarmullo nuname nungutaujungnairomârput, nangmariaᴋarungnairomârpullo nelojut mitauteᴋarninginik kingorngane.

Hesekiel 37:24

Kivgaralo Davide ataniojomârpoᴋ tâpkonunga, tâpkoalo ilûnatik mianerijetuaᴋaromârput; arvertaromârpullo idluarijamne, perᴋojakkalo kamagilugit piniarlugillo.

Saggaria 6:12

Oᴋarvigiuglo imâk: Imâk oᴋarpok Nâlegak Zebaot: Ahâk, angut Nuitajomik atelik; nuitalârporlo iniminit igloliorlunelo Nâlekab katimaviksoanganik;

Lukase 1:78

Gûdipta ômatingata nâpkiningningagut. Tâpsomûna nuijub ᴋotsingnermit nelipsarmatigut,