Saggaria 3:4 - Labrador Inuttitut Heritage Bible

⁴ Tapsomalo kiovlune sâmine nangertut oᴋautivait: Annorât ipektudlartut pêrsigik tâpsomangat. Tâpsomungalo oᴋarpok: Ahâk, idluitulinitit pêjarpakka ilingnit, annorâromavagillo pinnarnadlartunik.

Saggaria 3:4 Iomraidhean Croise

II Samuel 12:13

Tagva Davide Nathanemut oᴋarpok: Idluitullilaukpunga Nalekamut. Nathanib Davide oᴋautiva: Tagva Nalekab ajornît pêjarsimagiva, toᴋᴋoniangilatit.

I Atannit 22:19

Tamnalo oᴋarpok: Tamânna pivlugo tusarᴋit mânna Nâlekab oᴋausingit: Nâlegak takkolaukpara iksivatillugo iksivautaksoarmine, ᴋillangmiugaseksuillo ilûnnamasiatik nangertillugit saniane, tallerpiane, saumianelo.

Imgerut 51:9

Kênait ijilauruk ajornimnit, idluitullinikkalo illunaita pêjarkit.

Jesaiase 43:25

Uvanga, uvanga idluinitit pêjarpakka uvanga pivlunga, idluitullinitillo issumagijungnairpakka.

Jesaiase 44:22

Idluitullinitit pêjarpakka nuvujatut (tiktautillugit) ajortullinitillo pujortut. Sâviginga, piuligapkit.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jeremia 52:33

Annorângillo parngnanairsimaviksiutit assetârpait, nerriᴋatigitsainarpâlo inôsinga nâvlugo.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Hesekiel 42:14

Ajoᴋertuijut iterangamik, anijuksaulungilat ivsornaitovingmit avaluliorsimajomut silardlermut, tagvungale annorâtik kivgartûtigijatik ilijaksarivait, ivsornaitôngmatta, annorâlle taipkoa assinginik attisijuksauvut, taimaglo inungnut ilingajunut aijuksauvlutik.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Migga 7:19

Sanguniarivoᴋ ama ilapjugilutalo; idluinivut tukkalârpait; ajornivullo ilûnaita egilârpatit imarbiub itininganut.

Saggaria 3:1

Unertutivangalo Josuamik ajoᴋertuijersoarmik, nangertomik Nâlekab engelingata sângane, Sâtanaselo nangerpok tâpsoma talerpiata tungâne akkerartoromavlugo.

Saggaria 3:7

Imâk oᴋarpok Nâlegak Zebaot: Apᴋutauᴋojamne arvertaromaguvit, perᴋojakkalo nâlegomagungne, tagva igluga aulataksarivat, iglumalo avatâ avaluliorsimajok pairilugo, iterviksaᴋartitsomavagillo ukkoa mâne nangertut akornganut.

Saggaria 3:9

Ahâk, ujaraᴋ Josuab sânganut ilijara; ujarame tâpsomane ijeᴋarpoᴋ 7nik: ahâk, uvanga aglangit aglakpakka, oᴋarpoᴋ Nâlegaᴋ Zebaot, nunablo tâpsoma idluituliningit pêjaromavakka uvloinarme.

Mattêuse 22:11

Atanersûblo ᴋaiᴋojaujut takojartoramigit, inuk takovâ tagvane annorârsimangitok nerrimârᴋataujuksatut.

Lukase 1:19

Engeliblo kiovlune oᴋautivâ: Gabriêliovunga Gûdib sângane nangertunga, tilijauvungalo oᴋautjauᴋovlutit, tamattomingalo nalojungnaititauᴋovlutit.

Lukase 15:22

Atâtangale kivgaminut oᴋarpok: Annorâk pinnarnarnerpâk ᴋaisiuk, atitisiuglo, aggangillo ᴋeterdlermingmik pitatsersigik, atitilugolo itigâlungnik.

Johannese 1:29

Uvlub aippangane Johannesib Jêsuse nelipsariartortine takovâ oᴋarlunelo: Ahâk tagga Gûdib saugârsunga silaᴋsoarmiut ajorninginik nangmartok!

Rômiunut 3:22

Idluarsinerle Gûdeme atortoᴋ, okpernermit Jêsuse Kristusemut pijoᴋ oᴋautigivara, tamainut piksaᴋ, ilûnatiglo okpertut pigijaksangat.

Rômiunut 6:23

Ajornerub akkiliutâ, tagva toᴋo; Gûdible tunergutâ saimanartoᴋ, tagva inôseᴋ nâksaungitoᴋ Kristuseme Jêsuseme Nalegaptingne.

I Korintemiunut 6:11

Taimailiulauktut ilapse ilangit; ubvarsimavlusele ivjornaitisimavluselo idluartisimavose, Nâlekab Jêsusib atinganut Gûdiptalo Anerninganut.

II Korintemiunut 5:21

Ajortomik ᴋaujimangitoᴋ ajortungortilaungmago pivluta; uvagut tâpsomane idluartungortitauᴋovluta Gûdib sângane nâmagijaujomik.

Kolossamiunut 3:10

Inuktârle atilersiuk, nutângolertok ilisimaneᴋartuksauvlune, pingortitine adsigivlugo.

Ebrêerinut 8:12

Nâpkigijomagapkit idluituliningit ajorningillo pivlugit, idluituliningillo issumagijomairpakka.

Takotitaunermik 5:11

Takogivunga, nippemiglo tussarlunga Engelivaksoarnit iksivautaᴋsûb avatânit, ômajullo avatânit, angajoᴋaunerôjullo avatânit; unurningillo tentausendit tentausendêrtorlutiglo, tausendillo tausendêrtulaukput,

Takotitaunermik 7:14

Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.