Saggaria 3:2 - Labrador Inuttitut Heritage Bible

² Nâlekablo Sâtanase oᴋautivâ: Nâlekab suadlarlitit, Sâtanase; ilâ, Nâlekab Jerusalemik annerosuktûb suadlarlitit: una aumaulungilâk ikomamit amujaujôk?

Saggaria 3:2 Iomraidhean Croise

II Kronika 6:5

Nalliutomit taipsomangamit aulartitsivigilauktamnit innuᴋotimnik nunamit Egiptenemit, iglugasaksuit nallianik annerosulaungilanga Israelitit kinguvarêngine illunaine, iglo igloliortauᴋovlugo, attera tagvanêᴋovlugo, angullo annerilaunginivara attannioᴋovlugo innuᴋotimnut Israelitinut.

II Kronika 6:6

Jerusalemele annerilaukpakka attera tagvaneᴋovlugo; Davidelo annerilaukpara angajoᴋauᴋovlugo innuᴋotimnut Israelitinut.

Imgerut 109:31

Aklujub tallerpiane nangermat ikajoromavlugo tâpᴋonangat, innôsinganik pitlaraksauneraijunnit.

Jesaiase 7:4

Oᴋarvigiuglo: Utjertorit nipporlutillo! Erᴋsiniarnak õmativillo nangiariniaranigit ukkoa ikkoalanikûk iserluktûk, Rêtsiniblo Siriamiullo Remaliablo erningata ningaumajâdlarningit,

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Amos 4:11

Akunapsingne oggotitsivunga, sorlo taipsomane Gudib Sodom Gomorralo oggotingmagit, ilipselo ilingavose sorlo aumatut ikomamit pêjartaumajotut; sullele utilungilase uvamnut, oᴋarpok Nâlegak.

Saggaria 1:17

Nipliasârit, oᴋarlutit, Imâk oᴋarpok Nâlegak Zebaot: Iglugasaksoaᴋotikka pikuminartut aglivalialârput sulle; Nâlekablo Zione manigoromârpâ, Jerusalemelo ama annerijomârpâ.

Saggaria 2:12

Nâlekablo Jûda kingormgutilârpâ piksarsiarilugo nuname ivsornaitome, Jerusalemelo annerijomârpara.

Markuse 1:25

Jêsusible inerterpâ oᴋarlune: Oᴋajuêrit, inungmit ômangat anît!

Markuse 9:25

Jêsusele takogame, inuit ᴋaijalermatta, anerneᴋ ivjornartoᴋ inerterpâ, oᴋautivlugo: Oᴋajuitoᴋ tussângitorlo anerneᴋ perᴋovagit, anît ômangat, kingornganelo iterungnairlutit ômunga.

Lukase 22:32

Uvangale pivlutit tuksialaukpunga, okpernît sorairᴋonago. Kingorngagullo ama sâgiaruvit, ᴋatangutitit nakoᴋsitiniakit.

Lukase 4:35

Jêsusiblo inerterpâ oᴋarlune: Oᴋajuêrit, inungmit ômangat anît. Sâtanasiblo tagva ochotipâ akornganut, anilarmelo tâpsomangat, akᴋunarnagolo.

Lukase 9:42

Tikilermagolo, Sâtanasib aulajârtidlarlugo aksorotidlarpâ. Jêsusible anernek ivsornartok inerterpâ; soruserlo pijungnaitinamiuk, atâtanganut tunivâ.

Johannese 13:18

Ilûnapsingnik oᴋalungilanga. Nelungilakka anerimalauktakka. Aglaille nelautsilerᴋovlugit: ᴋakᴋôjaktôᴋatima itikaminut tullerarpânga.

Rômiunut 16:20

Gûdible ulapirsaijub Sâtanase tullerniarpâ itikapse atânut mânakut. Nâlegapta Jêsusib saimaningata illagilise. Amen.

Rômiunut 8:33

Gûdib anerijangit kia pasijungnarpagît? Gûde tagga idluarsititsijoᴋ.

I Johannesib 3:8

Idluitulijoᴋ Sâtanasimit pivoᴋ; pigiarninganit Sâtanasi idluitulingmat. Tamanna pivlugo Gûdib Erninga saᴋᴋisimavoᴋ, assioiᴋovlugo Sâtanasib piniarninginik.

Jûdasib 1:23

Ilangille sivôrasârdlugit piuliniarsigik, ikomamit nussungniardlugit; ômigilugolo annorâᴋ uviningmut ipeᴋtojoᴋ.

Jûdasib 1:9

Miggailible, Engelit angajoᴋângata, Sâtanase akkerartoramiuk, oᴋautjudlarlugo Môsesib timinga pivlugo, erᴋartorlugo sapperpâ oᴋautsit mitautelît atorlugit, oᴋarporle: Nâlekab pidlarniarlitit!

Takotitaunermik 17:14

Tâpkoa sorsugomârput Saugârsungmut, Saugârsûble sâlagijomârpait; nâlekanut ilûnainut Nâlegaugame, atanernullo ilûnainut ataniogame, ᴋairᴋojaumajullo anerimajullo okpertullo tâmna illagivlugo.