Saggaria 3:1 - Labrador Inuttitut Heritage Bible

¹ Unertutivangalo Josuamik ajoᴋertuijersoarmik, nangertomik Nâlekab engelingata sângane, Sâtanaselo nangerpok tâpsoma talerpiata tungâne akkerartoromavlugo.

Saggaria 3:1 Iomraidhean Croise

Genesis 3:15

Akkerartortigêktitsomavapse igvillo arnarlo, kinguvâksat kinguvângalo; tâpsoma niaᴋut tullidlaromârpâ igville kingmingagut kêjomârpat.

Genesis 48:16

Engelib ajortunit tamainit piuliklertub uvamnik, tâpsoma nukapiâk ukkoa saimauserligik, taijaulerᴋovlugik attimnik atâtângmalo attîgingnik Abrahablo Isaablo, aglisivalliarᴋovlugik unuksivalliarᴋovlugiglo nuname!

I Kronika 21:1

Satanasib Israelitit akkerartorpait. Davidelo kajungersarpa Israelitit kittitauᴋolugit piᴋovlugo,

II Kronika 29:11

Manna ernikka katsunganiarasse; Nalekab illipse annerilaungmasse nangertuksaugapse sângane, kivgaujuksauluselo isserluanititsijôjuksaugapse tapsomunga.

Esra 10:18

Nachvartaulaukpullo ajochertuijut erningita akkorngane, takkorngartanik nullianilauktut imâk: Jesuab Jozadakib erningata erninginit, ᴋattangutinginillo: Maeseja Elieserelo, Jaribelo, Gedaljalo.

Esra 2:2

Tikkipullo Serubabel, Jesualo, Nehemialo, Serajalo, Reeljalo, Mardochailo, Bilsanelo, Misparelo, Bigevaillo, Rehumelo, Baenalo illagilugit. Tamadsa manna Israelib innugasaksoangita angutingita unnurningit:

Esra 5:2

Tagva Serubabel Sealthielib erninga, Jesualo Jozadokib erninga parngnailerpuk Gudib iglunga igluliorlugo Jerusaleme, illagilugiglo Gudib nallautaijoᴋotingit nakkoksijut tapkoninga.

Imgerut 106:23

Oᴋalaukporlo, nungutsomavlugit; Môsesib tâpsoma annerimajangata ᴋoppak sângerlaungipago sângane, ᴋaningajârninga sangutilugo, asseroimarerᴋonago.

Imgerut 109:6

Gûdeᴋangitok angajoᴋângortiuk tâpsomunga; Sâtanaselo nangerle tâpsoma tallerpiane.

Jeremia 15:19

Taimaimat Nâlagaᴋ oᴋarpoᴋ imâk: Sâgiaruvit, utertitsomalerivagit, nangerungnarmiᴋovlutit sâmne; ivlernartorlo avigungne piungitomit, ᴋaniptut ilingajomârpotit; tâpkoa sâtuksauvut ilingnut, igville sâtuksaungilatit tâpkonunga.

Hesekiel 44:11

Kivgartortuksauvulle ivsornaitovimne, iglub itertarvingit udjertorlugit, kivgartorlutiglo iglome, toᴋotsijuksauvut tunergutiksanik ôtaksanik tunergutiksaniglo inuit pivlugit, nangertuksauvullo inuit sângine kivgartorlugillo.

Hesekiel 44:15

Ajokertuijulle Levitit, Zâdokib erningit, pairᴋsilauᴋtut ivsornaitovimnik Israêlib ᴋitorngangit tamarmatta uvamnit, tâpkoa najorniktuksauvut uvamnik kivgartorlunga, tâpkoa nangertuksauvut sâmne tunerguserlutik orᴋsumiglo aungmiglo uvamnut, oᴋarpoᴋ Nâlegaᴋ Nâlegaujoᴋ:

Haggai 1:1

Ataniup Dariusip jâringita aippangani taᴋᴋit 6ingita uvlungita sivorlerpângani, Nâlekab oᴋausinga tikipoᴋ nalauttaijokkut Haggaikut Serûbabelemut, Sealtialip erninganut, angajoᴋâᴋsoangojomut Jûdame, Josuamullo, Jehôsadap erninganut, ajoᴋittuijisoarmut, oᴋarluni:

Haggai 1:12

Tagva Serûbabelib, Sealtialib erningata, Josuablo, Jehôsadab erningata, ajoᴋertuijersûb, inuillo amiakungita ilûnatik nâlekpait Nâlekab Gudimik nippinga, nalauttaijûblo Haggaip oᴋausingit, Nâlekab Gudingata tâmna tililaungmago; inuillo Nâlegaᴋ sivôragivât.

Haggai 2:4

Mânali sôngosilirit, Serûbabel, oᴋarpoᴋ Nâlegaᴋ; sôngosilerillo, Josua, Jehôsadap erninga, ajoᴋittuijitsoaᴋ; sôngosiliritsilo ilipsi nunab inungit ilûnasi, oᴋarpoᴋ Nâlegaᴋ, suliniaritsilo: ilagigapsi, oᴋarpoᴋ Nâlegaᴋ Zebaot,

Saggaria 1:13

Nâlekablo engele oᴋaᴋatigijiga akivâ oᴋautsinik ajungitunik, oᴋautsinik manigornartunik.

Saggaria 1:19

Engelelo oᴋaᴋatigijiga oᴋautivara: Ukkoa suvât? Akkivângalo: Ukkoa nakjuit siamartitsilauktut Jûdamik, Israêlemiglo, Jerusalemiglo.

Saggaria 1:9

Oᴋarpunga tagva: Nâlegara, ukkoa suvât? Engeliblo oᴋaᴋatigijima oᴋautivânga, Unertutjivigijomavagit ukkoa sungmangâta.

Saggaria 2:3

Ahâglo, engele oᴋaᴋatigijiga anivok, engeliblo tâpsoma asia anigivok tâmna pagreartorlugo,

Saggaria 3:8

Nâlagit, Josua ajoᴋertuijersoangojotit, igvit ilatillo sângne iksivajut; angutaungmatta tâpkoa kigligiutjijut: tagva ahâk, kivgara akkerôjoᴋ tikiutitsomârpara.

Saggaria 4:14

Tâmnalo oᴋarpok: Tâpkoa tagva ᴋitorngauvuk orᴋsêjûtik, nunaksûb ilûnane Nâlegangata saniane nangertuk.

Saggaria 6:11

Ilâ, tigusivigikit silberemik goldemiglo, niaᴋôteliorillo ililugillo Josuab, Jehôsadakib erningata, ajoᴋertuijersûb niaᴋoanut;

Mâlaki 3:1

Ahâk, sivorlerijara tilivara, tâpsomalo apᴋutiksaᴋ âᴋiksolârpâ sivunamne: Nâlegarlo, ᴋenertase, tikiaᴋilârpoᴋ katimaviksoaᴋôtiminut: angiᴋatigêngnerub sivorlerijanga, ᴋuviagidlartase, ahâk, tâmna ᴋaivoᴋ, oᴋarpoᴋ Nâlegaᴋ Zebaot.

Lukase 21:36

Taimâk pivlugo pigâtsainaritse tuksiarluselo, ᴋemâjuksauᴋovluse tamakkoninga pijomârtunik ilûnainik, Inûblo Erningata sângane nangerungnarᴋovluse.

Lukase 22:31

Nâlegarle oᴋarpok: Simon, Simon, ahâk Sâtanasib pijomagalloarpâse sannêjaromavluse sorlo ᴋakᴋôjaksatitut.

Deuteronomy 10:8

Neliutomelo tâpsomane Nâlekab kinguvârêt Levikut ingmikôrtipait akigarᴋovlugit Nâlekab angerᴋatigêngnerijangata iklervinganik, nangerᴋovlugillo Nâlekab sângane tâmna kivgartorlugo, saimarsaiᴋovlugillo tâpsoma atingane, uvlome tikidlugo.

Deuteronomy 18:15

Nâlekab Gûdipse nelautaijomik tunitjivigijomârpâse ᴋatangutipsingnit, uvaptun-itomik; tâmna tusâgoraksarivase;

I Pêtrusib 5:8

Silatuniaritse erᴋomavluselo; akkerartortise Sâtanase arvertarmat loevetut nipliajoᴋsoatut, êjaksarsiorlune nelianik.

I Samuel 6:20

Innuillo Bethsemesemiut oᴋarput: Kina nangerungnarka Nalekab heiligeôvlune Gudeôjub taimaitub sângane? kinamullo uvaptingnit aijuksauva?