Saggaria 2:9 - Labrador Inuttitut Heritage Bible

⁹ Tagva, ahâk, aggakka aulatitsomârpakka tâpkoa ᴋolâtigut, aᴋsârnigaujomârpullo kivgartolauktunut tâpkoninga; ᴋaujijuksauvoselo Nâlekab Zebaotib tilingmanga.

Saggaria 2:9 Iomraidhean Croise

Jesaiase 10:32

Uvlome sulle Nobemẽniarpoᴋ. Zionib panningata ᴋaᴋᴋanga issakpâ, Jerusalemib ᴋaᴋᴋârulanga.

Jesaiase 11:15

Nâlekablo Egiptenib imarbingata kangerdlua ipteriliktitsomârpâ, aᴋᴋonaᴋartitsivlunelo kôksoarmut issagomârpoᴋ, kôgarsuᴋalertillugo sîbanik, ittigagutellingnut ipperârviojuksanik.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 13:2

Kattilerutiksamik saimaseritse ᴋaᴋᴋame merᴋoᴋangitome, nipliavigidlarsigik nullorarlugillo, iterᴋovlugit angajoᴋajat itertarvingitigut.

Jesaiase 14:2

Nunaᴋatigêksuillo tigujomârpait aitillugillo nunagijaksangannut, Israêlikkullo kivgarijomârpait taipkoa angutillo arnallo Nâlekab nunangane; pititigijatiglo parngnanairsimavingmut pititsomârpait parngnanairsimavingmut, attaniojomârpullo attanerijamingnut.

Jesaiase 19:16

Taipsomane Egiptenemiut arnatut illingajomârput, sajuklutik erᴋsivlutiglo ᴋilangmiugasaksuit Nâlegangata aggangit issamijut pivlugit, issangmagit taipkonunga.

Jesaiase 26:1

Taipsomane imgertoᴋaromârpoᴋ imgerusermik imaitomik Jûdab nunangane: Iglugasaksoaᴋarpogut aulajungnangitunik, avalungit sappûlutangillo piulijauviksauvut.

Jesaiase 33:1

Kappianarmek igvit asserorsaijotit, nangmineᴋ asserortaulungigalloartotit sulle; igvillo aksorôtjijotit, nangmineᴋ aksorôtijaulungigalloartotit sulle. Asserorsainit pijarêrungne, igvittauᴋ asserortaujomârpotit; aksorôtjineᴋ nãmaksigungne, igvittauᴋ aksorôtijaujomârpotit.

Jesaiase 33:21

Nâlegarle tagvane pitsartujoᴋsôjomârpoᴋ uvaptingnut, kôksuit kôllo sillidlartut inninganne, umiaᴋsuit eputaujut ingergajomângilat tagvûna, umiaᴋsuillo manugât aijomângilat tagvûna.

Jesaiase 33:23

Aklunâtit ᴋassugalloarput mãna, (Zione), napârutaᴋ aulajungnangertitsengilât, saimat issivitsialungilât. Tagvale aitortuijoᴋaromârpoᴋ perᴋutinik kitiksaungitunik, sibvẽtut aglât tigusijartoromârput.

Jesaiase 4:5

Nâlegarlo Zionib ᴋaᴋᴋangata iglungita illũnatik ᴋollâtigut kattimavingitalo ᴋollâtigut pingortitsijomârpoᴋ nuvujamik iserlungmiglo uvlôlerangat, ikkomamiglo ikkoalajomik ᴋaumaksaijomik unuakkut, ivlernartoᴋsôjut illũnatik sappûlutaᴋasôngongmatta.

Jesaiase 48:16

Sâtitse uvamnut tussarluselo tamattominga: Oᴋalungitunga itsaᴋ sagvangitome, pigialertillugo uvanga tamânẽpunga. — Mãnalo Nâlegaᴋ Gûde tilliklerpoᴋ uvamnik anernerminiglo.

Jesaiase 60:18

Idluiluktomik tussaumajoᴋaromângilaᴋ nunangne, pijaksaungitomiglõnêt asserornartomiglõnêt nunavit erᴋâne. Avaluᴋsoaᴋotitit atseraromârpattit piulijaunartunik upkoaᴋsoaᴋotitillo nertornartunik.

Jesaiase 60:19

Seᴋineᴋ ᴋaumautigijungnairomârpat uvlôtillugo, taᴋᴋerlo ᴋaumajungnairomârpoᴋ ᴋaumaksarlutit, Nâlegarle ᴋaumautigijomârpat issoᴋangitomut, Gûdillo nertornautigijomârpat.

Jeremia 27:7

Inôᴋatigêksuillo ilûnatik kivgartortuksauvut tâpsominga, erninganiglo, erningatalo erninganik, tâpsoma nunangata naliuninga tikerᴋârtinago; taipsomanalo tagva inôᴋatigêksuit unuktut atanersuillo kivgartortautilârput nangminermingnik tâpsomunga.

Jeremia 28:9

Nalautaijoᴋ ulapirᴋsaumik nalautaijuteᴋartoᴋ, nalautaijub tâpsoma oᴋausinga nalautsilerpat, nalautaijoᴋ tâmna ilitarijaulârpok tilijaungmat nalâgut Nâlakamut.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Hesekiel 39:10

Kejuktariaᴋarᴋonagit naternamit, nakatsigiaᴋarᴋonagillônêt napârtolingme; sakkut unatautit ᴋejuksarilârmagit; kongmarutjimariklutik kongmarutijimingnik, arᴋtailârput arᴋtaijimingnik, oᴋarpoᴋ Nâlegaᴋ Nâlegaujoᴋ.

Joel 2:27

Kaujilârposelo uvanga Israêlikut akornganênama, Nâlegaugamalo Gudise, asseᴋanginamalo: inuᴋotikkalo kangusujuidlalârput.

Habakûb 2:17

Idluitulinerub Libanonemit pijûb ulilârmatit, nergjutillo nungutauningita kaggailârpâtit; inuit aungit pivlugit, idluitulinerillo pivlugit piniarutaujut nunamut, iglugasaksoarnullo, tagvanelo igloᴋartunut tamainut.

Habakûb 2:8

Asseroilauravit inôᴋatigêksoarnik unuktunik, inuit amiakungita ilûnnatik asseroromârpâtit, inuit aungit pivlugit, idluitulinerillo pivlugit piniarutaujut nunamut, iglugasaksoarnullo, tagvanelo igloᴋartunut tamainut.

Sefania 2:9

Tamanna pivlugo, sorlo mikseᴋârtomik inôgama, oᴋarpok Nâlegak Zebaot Israêlib Gûdinga, Moabe Sodomatut ituksauvok, Ammoniblo ᴋitorngangit Gomorratut, perornerlukut ôtsiutit, itersallo tarrioktalît, sunaᴋajuitûblo pigilârpait; inuᴋotima amiakungita asserolârpait, inôᴋatigêksoaᴋotimalo amiakungita kingormgutilârpait.

Sefania 3:15

Nâlekab erᴋartortaunît sorairtipâ, ômigijîllo pingujârpâ; Nâlegak, Israêlib ataninga ilingnêpok: idluitomik sivôrajariaᴋarᴋonak kingorngane.

Saggaria 2:11

Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.

Saggaria 2:8

Imâk oᴋarmat Nâlegak Zebaot: ânanausijaunerub kingorngane tilivânga inôᴋatigêksoarnut ilipsingnik aserorsaijunut: ilipsingnik aktuijûb ijime takonârtinga aktorpâ.

Saggaria 4:9

Serûbabelib aggangita iglûb tamattoma tungaviksanga ilivât; tâpsomalo aggangita pijarêraksarivâ; ᴋaujijuksauvotillo Nâlekab Zebaotib tilingmanga ilingnut.

Saggaria 6:15

Ungasiktullo tikilârput igloliorᴋatauvlutiglo Nâlekab katimaviksoanganik, ᴋaujijuksaulârposelo Nâlekab Zebaotib tilingmanga ilipsingnut. Tamannalo naliutilârpok katsungaivluse nâletsiarupse Nâlekab Gudipse nippinganik.

Saggaria 9:15

Nâlekab Zebaotib serngnigijomârpait; nerrilârpullo tuplerlutiglo iloereutinik; imilârpullo, pervaluklutiglo vainetorsimajutitut; ulipkilârpullo pôgutatut serparsaiviktut, tunerguserviub terreᴋungatut.

Johannese 13:19

Mâna oᴋautigivara ilipsingnut piniarutauᴋârtinago; piniarutaujarêrpat, okpilerᴋovluse uvangaunimnik.

Johannese 16:4

Tamattominga oᴋautilaukpapse, neliutikpat erᴋailerᴋovluse oᴋautigilauktamnik ilipsingnut. Tamattominga pigiarnermit oᴋautilaungilapse najulaurapse.